உயிரை அழித்து வரும் கொடூர வைரஸ்: மத்திய சுகாதாரக் குழு ஆய்வு

நிசாந்தன் · நிசாந்தன் Tue Jan 25, 2011 4:42 pm

குஜராத் மாநிலத்தில் புதிய வகை வைரஸ் கிருமி ஒன்று பரவியுள்ளது. இந்த தொற்று கிருமியினால் குஜராத் மக்கள் கடும் பீதியில் வாழ்ந்து வருகின்றனர். இந்த வைரஸ் மக்களை மிகவும் அச்சுறுத்தி வருவதாக தகவல் வெளிவந்துள்ளது.
குஜராத் மாநிலத்தில் புதிதாக பரவிவரும் வைரஸ் கிருமியினால் இதுவரை 3 பேர் பலியாகியுள்ளனர்.

இந்த வைரஸ் குறித்து ஆய்வு செய்வதற்காக, மத்திய சுகாதாரக்குழு ஒன்று குஜராத் விரைந்துள்ளது. இவர்கள் மிக தீவிரமாக, இந்த வைரஸ் குறித்து ஆய்வு செய்து வருகின்றனர்.

"கிரிமியன் காங்கோ ஹீமரேஜிக் ஃபீவர்" என்ற வைரஸ் நோய் தான், தற்போது பரவி வருகிறது என்று அவர்கள் சந்தேகித்துள்ளனர்.

ஆமதாபாத்தைச் சேர்ந்த சமீனா பானு என்ற பெண், இந்த வைரஸ் காய்ச்சலினால் பாதிக்கப்பட்டு, தனியார் மருத்துவமனை ஒன்றில் அனுமதிக்கப்பட்டார்.

அப்போது, அவருக்கு சிகிச்சை அளித்த மருத்துவர், உதவி செய்த செவிலியர் மற்றும் அந்த பெண் உட்பட மூன்று பேரும், இந்த வைரஸ் தொற்று நோயினால் இறந்துள்ளனர் என்று தகவல் வெளியாகியுள்ளது.

இதைத்தொடர்ந்து, ஆமதாபாத் மக்கள் அனைவரும் வைரஸ் பீதியில் ஆழ்ந்துள்ளனர்.

மக்கள் மத்தியில் உள்ள, இந்த பயத்தின் காரணமாக, 20க்கும் மேற்பட்ட மருத்துவக் குழுக்கள் நகர் முழுவதும் பரிசோதனைப் பணியில் ஈடுபட்டுள்ளனர் என்று செய்திகள் வெளிவந்துள்ளது.