புலிகளின் ஆதரவாளர்கள் எனக் கூறி 10 பேர் தமிழக கூடலூரில் கைது

நிசாந்தன் · நிசாந்தன் Tue 25 Jan 2011 - 17:58

தமிழீழ விடுதலைப்புலிகளுக்கு ஆதரவான கூட்டம் ஒன்றை நடத்தியதாக கூறி, தமிழகத்தின் கூடலூரில் மனித உரிமைகள் ஆர்வலர், இரண்டு சட்டத்தரணிகள், மற்றும் 7 பேர் காவல்துறையினரால் கைதுசெய்யப்பட்டுள்ளனர்.
இந்த சம்பவம் கடந்த சனி திங்கள் இரவு இடம்பெற்றுள்ளது

மனித உரிமைகள் நடவடிக்கையாளர் பிரபா கல்விமணி, சட்டத்தரணிகளான கார்த்திகேயன், துரைமுருகன்,உட்பட்டோரே கைதுசெய்யப்பட்டனர்

இந்த கூட்டத்தை நடத்தியவர்கள், இந்திய முன்னாள் பிரதமர் ராஜீவ் காந்தியின் கொலையில் சம்பந்தப்பட்டதாக கூறி, சிறைவைக்கப்பட்டுள்ள நளினியை விடுதலை செய்யவேண்டும்
அவருக்கு நட்டஈட்டை வழங்கவேண்டும்.

அத்துடன் ஸ்ரீலங்காவில் தமிழர்களுக்காக உயி;ர்நீத்த ஒவ்வொரு தமிழீழ விடுதலைப்புலிகளின் ஆதரவாளர்களுக்கும் நட்டஈட்டை வழங்கவேண்டும் என்றும் இந்த கூட்டத்தில் பங்கேற்றோர் கோரியதாக தமிழக காவல்துறையினர் தெரிவித்துள்ளனர்.

ஸ்ரீலங்காவின் யுத்தத்துக்கு சீனா, ஸ்ரீலங்கா அரசாங்கத்துடன் இணைந்திருந்த போது இந்தியா ஈழத்தமிழர்களின் உரிமைகளை பாதுகாக்க தவறிவிட்டதாகவும் இந்த கூட்டத்தில் உரையாற்றியோர் குற்றம் சுமத்தியுள்ளனர்.