ஆசைகாட்டி பாலியல் தொழிலுக்கு கடத்தப்படும் சீன பெண்கள்

by ரபீக் Tue Jan 25, 2011 10:26 am

சீனாவில் பெண்களைக் கடத்தி பாலியல் தொழிலில் ஈடுபடுத்தும் அவலப் போக்கு அதிகரித்து வருவதாக அந்நாட்டின் மனித கடத்தல் தடுப்பு அலுவலக இயக்குநர் சென் ஷிகு தெரிவித்துள்ளார்.
இதுகுறித்து சீனாவில் இருந்து வெளியாகும் "சைனா டெய்லி" என்ற தினசரி நாளிதழில் கூறியிருப்பதாவது:

கட்டாயத் திருமணம் அல்லது கட்டாய விபச்சாரம் போன்றவற்றிற்காக சீனாவின் கிராமப்புறங்களில் இருந்து பெண்கள் அதிகளவில் கடத்தப்படுகின்றனர்.

சீனாவின் தென்பகுதியான யுனான் மற்றும் குயிஷாவு மாகாணங்களில் இதுபோன்ற கட்டாயத் திருமணங்கள் சகஜம். அதில் ஈடுபடும் கும்பல்கள் சீனப் பெண்களை அதிகளவில் கடத்தி, தென்கிழக்கு ஆசியா, ஐரோப்பா மற்றும் ஆப்ரிக்கா ஆகிய நாடுகளில் கட்டாய விபசாரத்தில் ஈடுபடுத்துகின்றனர்.

வெளிநாடுகளில் படிக்க வைப்பதாக, அதிக சம்பளத்தில் வேலை வாங்கித் தருவதாக ஆசை காட்டி பெண்கள் ஏமாற்றப்பட்டு கடத்தலுக்குள்ளாகி கட்டாய விபசாரத்தில் தள்ளப்படுகின்றனர்.

கடந்தாண்டு நவம்பர் மாதம் மட்டும் மலேசியாவில் 5,453 சீனப் பெண்கள் விபசாரத்தில் இருந்து மீட்கப்பட்டுள்ளனர். 2009 ஏப்ரல் வரை சீனப் போலீசார் 17,746 பெண்களை மீட்டுள்ளனர்.

இவ்வாறு அந்தப் பத்திரிகை தெரிவித்துள்ளது.

விடுப்பு குலுமம்