ஒரு அதிர்ச்சி சம்பவம்.

by murugesan Tue Jan 25, 2011 10:00 am

வணக்கம். முருகேசன் திருநெல்வேலி
ஒரு அதிர்ச்சி சம்பவம்.
கர்நாடாக மாநிலம் பெல்லாரி அருகே கிராமம் ஒன்றில் மூன்று சாக்கு பைகளில்
வைக்கப்பட்டிருந்த நான்கு கோடி ரூபாய் பணத்தை மர்ம நபர்கள் தீவைத்து
கொளுத்தினர். தீயில் கருகி பாதி எரிந்த நிலையில் இருந்த நூறு மற்றும் ஐநூறு
ரூபாய் கட்டுகளை பார்த்து அதிர்ந்துபோன கிராம மக்கள் போலீசாருக்கு தகவல்
கொடுத்தனர். அவர்கள் கொடுத்த தகவலில் ' அடையாளம் தெரியாத நபர்கள் மூன்று
சாக்கு பைகளை தூக்கி வந்தனர். ஏதோ பழைய பேப்பர் பொறுக்குபவர்கள் என
நினைத்துவிட்டோம். அந்த நபர்கள் தாங்கள் கொண்டு வந்த சாக்கு பைகளை ஒரு
மறைவிடத்தில் வைத்து தீ வைத்துவிட்டு அங்கிருந்து ஓடி விட்டனர். அந்த
இடத்திலிருந்து தீயுடன் புகை வருவதை ஓடிவந்து பார்த்தோம். தீயை அனைத்து
பார்த்தால் அனைத்தும் நூறு மற்றும் ஐநூறு ரூபாய் கட்டுகள். இவை உண்மையான
நோட்டுகளா அல்லது விளையாட்டுக்கு தயாரிக்கப்பட்ட நோட்டுகளா என்ற சந்தேகம்
வந்தது' அதனால் பொதுமக்கள் போலீசாருக்கு தகவல் தெரிவித்தனர். போலீசார்
சோதனை செய்ததில் அவை அனைத்தும் உண்மையான கரன்சி நோட்டுகள் என்பது தெரிய
வந்தது. வந்தவர்கள் யார் , பணத்தை எதற்க்காக எரித்தனர் என்பது குறித்து
போலீசார் விசாரணை நடத்தி வருகின்றனர்.