சுட்டது யாரோ ?

mkamal · mkamal Tue Jan 25, 2011 9:30 am

சுட்டது யாரோ ?
(பி.எம். கமால், கடையநல்லூர்)

அம்பானி டாட்டா
ஆழ்கடலில் அடிபட்டால்
கொம்பாக மாறிக்
குத்திக் கிழித்திருக்கும்
மத்திய அரசு; மாறாக இங்கே
செத்து மடிவது என்
சிறுமீன வன்தானே ?

நாங்கள் சுடவில்லை
நல்லவர்கள் நாங்களெல்லாம்
யென்றால் கடற்பரப்பில்
எவன் வந்து
சுட்டுவிட்டான் ?
ஒருநேரம்-
புலிகளின் மீது
பழிகளைப் போட்டவர்கள்
இப்போது
எவர் மீது பழிபோட
எத்தனிக்கின்றார்கள் ?
மன்மோஹன் சிங்கு
மாறுவேடத்தில்
வந்து சுட்டதாய்ச்
சொன்னாலும் சொல்வார்கள் !
குஜராத்துக் காரனையோ
கோவாக் காரனையோ
குண்டுகள் துளைத்திருந்தால்
இந்நேரம் இந்தியாவில்
பிரளயம் ஏற்பட்டு
பிரச்சினை தீர்ந்திருக்கும் !
பாவம் ! தமிழ் மகன்
பதைபதைத்து சாகின்றான் !
கட்சித் தலைவர்கள்
கடிதமும் தந்தியுமாய்
கடைமையை முடிக்கின்றார்!
உண்ணா விரதமென்று
ஒருவரும் இருக்கவில்லை !
சொன்னாலும் நம்ப மாட்டீர் !
சொல்லுகிறேன் கேளுங்கள் !
தமிழகத்து அரசியல்
தலைவர்கள் எல்லோரும்
தமிழனுக்குப் பாடுபடும்
தகுதியே இல்லாதவர்கள் !
சுயநலத்தை மட்டுமே
சூத்திரமாய்க் கொண்டவர்கள் !

**சிவா** · **சிவா** Tue Jan 25, 2011 9:32 am

///தமிழகத்து அரசியல்
தலைவர்கள் எல்லோரும்
தமிழனுக்குப் பாடுபடும்
தகுதியே இல்லாதவர்கள் !
சுயநலத்தை மட்டுமே
சூத்திரமாய்க் கொண்டவர்கள் !///

சிறந்த சமுதாயக் கவிதை!

SK · SK Tue Jan 25, 2011 1:32 pm

சொன்னாலும் நம்ப மாட்டீர் !
சொல்லுகிறேன் கேளுங்கள் !
தமிழகத்து அரசியல்
தலைவர்கள் எல்லோரும்
தமிழனுக்குப் பாடுபடும்
தகுதியே இல்லாதவர்கள் !
சுயநலத்தை மட்டுமே
சூத்திரமாய்க் கொண்டவர்கள் !

அவர்களுக்கு அது மட்டும் தானே தகுதி

arsad · arsad Tue Jan 25, 2011 2:15 pm

பாராட்டுக்கள் நண்பா.......

**பிளேடு பக்கிரி** · 01/03/2010

உண்மை தான் இன்றைய தமிழனின் நிலையும் இது தான் சுட்டது யாரோ ? 677196

**மு.வித்யாசன்** · 19/03/2010

கடையநல்லூர் நண்பா எனக்கு கடையம் தான். வால்துகள்.

Sponsored content · Sponsored content

சுட்டது யாரோ ?

சுட்டது யாரோ ?

Re: சுட்டது யாரோ ?

Re: சுட்டது யாரோ ?

Re: சுட்டது யாரோ ?

Re: சுட்டது யாரோ ?

Re: சுட்டது யாரோ ?

Re: சுட்டது யாரோ ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக