பிரபலங்கள் வாழ்வில் நகைச்சுவை நிகழ்வுகள்..!

by ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

by ARR Thu Jan 27, 2011 7:53 pm

சிவா wrote:மேதைகளின் நகைச்சுவையுணர்வு ரசிக்க வைக்கிறது!

நன்றி சிவா..!

by ARR Thu Jan 27, 2011 7:54 pm

krishnaamma wrote:" டீயே மதுரம்" இதை என் தாத்தா பலமுறை சொல்லி கேட்டிருக்கிறேன். அறிஞர் ஐன்ஸ்டீன் பற்றிய தூம் முன்பே கேட்டுள்ளேன். என்றாலும் எவ்வளவு முறை கேட்டாலும் படித்தாலும் ரசிக்கக்கூடியவை தாம் அவை . பகிர்ந்தமைக்கு நன்றி

நன்றி க்ருஷ்ணா..!

by ARR Thu Jan 27, 2011 8:05 pm

உலகப் போர் நடந்தபோது ஹிட்லர் ஒரு பிரத்யேக கூட்டத்துக்கு ஏற்பாடு செய்தார். தன்னுடைய விசுவாசமான 50 ராணுவ அதிகாரிகளை அழைத்து இங்கிலாந்தை தாக்குவது எப்படி என்று வியூகம் அமைத்துக் கொண்டிருந்தார்.. அப்போது திடீரென்று ஒரு தும்மல் சப்தம்.. வரைபடத்தில் கவனமாயிருந்த சர்வாதிகாரி, உணர்ச்சியற்ற குரலில் கேட்டார்..

" யார் இங்கே தும்மியது..?'

ஆழ்ந்த மௌனம்தான் பதிலாய்க் கிடைக்க வெகுண்ட சர்வாதிகாரி, இப்போது சொல்லவில்லையென்றால் உங்களில் 10 பேரை சுட்டுக்கொல்ல உத்தரவிடுவேன்..!

மீண்டும் மௌனம்.. முதல் வரிசையில் அமர்ந்திருந்த 10 பேரை ஹிட்லரின் அந்தரங்க காவல் படையான "கெஸ்டபோ" அமைப்பினர் வெளியில் அழைத்துச் சென்றனர்.. பின்னர் பல சுற்றுகள் வெடி முழங்கும் ஓசை..

மறுபடியும் ஹிட்லர் கேட்டார்..

"இப்போதாவது சொல்கிறீர்களா.. அல்லது மேலும் 10 பேரை பரலோகம் அனுப்பட்டுமா..?"

மீண்டும் பேரமைதி.. மீண்டும் வெடிச் சத்தம்.. மீண்டும் ஹிட்லர் கேட்க, ஒரு இளம் அதிகாரி நடுங்கும் உடலுடன் எழுந்து நின்று சொன்னான்..

" மன்னியுங்கள் ஜெனரல்... நான் தான் தும்மினேன்..."

ஹிட்லர் மெல்ல அவனை நோக்கி நடந்து வந்து அவன் கரத்தைப் பற்றி வலுவாக குலுக்கிவிட்டு சொன்னார்..

"நன்றி மகனே.. தும்மல்கள் என்னைப் பொறுத்தவரை ராசியான சகுனங்கள்...!".

by ARR Thu Jan 27, 2011 8:09 pm

பெரிய (!) கவியரசு கண்ணதாசன் அவர்களிடம் ஒரு படநிறுவனம் பாட்டு எழுதித் தர வேண்டியது. அவரும் அன்புடன் இசைந்திருந்தார். 1973-ம் ஆண்டு மே திங்கள் சிங்கப்பூரில் படமாக்க இருப்பதால் தவறாது முன்கூட்டியே எழுதித் தர வற்புறுத்தவே, கவியரசு சரியென்று சொன்னார்.. என்றாலும் வழக்கம் போல மறந்துவிட்டார்.. பட நிறுவனத்தாரோ பயணம் கிளம்பும் முன் ஒருமுறை மே மாதம் என்று நினைவூட்டி புறப்பட்டனர்.. பலனில்லாமல் போகவே, போய் இறங்கிய பின்பு மணிக்கொரு முறை மே மாதம்... மே மாதம் என்று நச்சரித்தனர்..

எரிச்சல் தாளாத கவிஞர் எழுதினார்...

"அன்பு நடமாடும் கலைக்கூடமே... ஆசை மழை மேகமே.. "

அவன்தான் மனிதன் எனும் திரைப்படத்தில் இடம்பெற்ற அந்த பிரபலப் பாடலின் அத்தனை அடிகளுமே "மே" என்றுதான் முடியும்...!

by ARR Thu Jan 27, 2011 8:12 pm

ஒரு பத்திரிகையாளர் ஹிட்லரை பேட்டி எடுக்கச் சென்றார்.

தன் சொல்லுக்கு கட்டுப்பட்டு மறு பேச்சே பேசாமல் அவரது படையில் உள்ளவர்கள் எது வேண்டுமானாலும் செய்வார்கள் என்று ஹிட்லர்
அந்தப் பத்திரகையாளரிடம் சொன்னார்.

இதை தன்னால் நம்ப முடியவில்லை என்றார் பத்திரிகையாளர்.

என்னோடு வா காட்டுகிறேன் என்ற ஹிட்லர்
ஒரு பட்டாளத்தை அவரோடு ஒரு மலை உச்சிக்கு அழைத்துச் சென்று குதியுங்கள் என்று கட்டடளை இட்டார்.

அனைவரும் மலை உச்சியில் இருந்து குதித்தனர்.

கீழே விழுந்து அதிகமானோர் இறந்துவிட,
ஒருவர் மட்டும் சாகாமல் இருப்பதை கண்ட பத்திரிகையாளர்
மலை உச்சியில் இருந்து கீழே ஓடிச் சென்று
"என்ன பைத்தியகாரத்தனம் செய்தீர்கள்?" என்றார்.

"அவன் கூட வாழ்றதை விட சாகிறததே மேல்" என்று சொல்லி
கடைசி மூச்சை விட்டான் அந்த வீரன்

by ARR Thu Jan 27, 2011 8:19 pm

பெர்னார்ட் ஷாவின் நாடகங்களில் கார்னீலியா என்ற நடிகை வழக்கமாக நடிப்பார்.. ஒரு நாள் கார்னீலியா மிகவும் பிரமாதமாக நடித்தார்.

ஷாவினால் அதை வாய்விட்டுப் பாராட்டாமல் இருக்க முடியவில்லை. "… அற்புதம், பிரமாதம் " என்றார்.

" இது மிகவும் அதிகமான புகழ்ச்சி " என்று நடிகை அடக்கமாகச் சொன்னார்.

பலர் நடுவே கார்னீலியா இப்படிச் சொல்லவே, என்னவோ போலாகிவிட்டது ஷாவுக்கு.. இருந்தாலும், "நான் நாடகத்தைச் சொன்னேன் " என்று சமாளித்தார் ஷா.

உடனே நடிகையும் " …நானும் அதைத்தான் சொன்னேன் " என்று ஒரு போடு போட்டார்..

. ஷா அதற்கு மேல் ஏதும் பேசவில்லை

by **krishnaamma** Thu Jan 27, 2011 8:26 pm

ரசித்து படித்தேன் புன்னகை

நன்றி

இவற்றை எல்லாம் எப்படி சேகரிக்கிறேர்கள் என் ஆச்சர்யமாக இருக்கு. ஒவ்வொன்றும் அருமை ஸார் புன்னகை

கண்ணதாசனின் "பார்த்தேன் சிர்த்தேன் " என்கிற பாடலுக்கு கூட இது போல் ஒரு நிகழ்சி சொல்வார்கள் , அது தெரியுமா உங்களுக்கு? தெரிந்தால் சொல்லுங்கள் ; நான் மறந்துவிட்டேன் புன்னகை