பிரபலங்கள் வாழ்வில் நகைச்சுவை நிகழ்வுகள்..!

by ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

by ARR Mon Sep 26, 2011 7:11 pm

இங்கிலாந்து நாட்டின் புகழ்பெற்ற பிரதமர் வின்ஸ்டன் சர்ச்சில்.
ஒரு சமயம் பாராளுமன்றத்தில் ஒரு சூடான விவாதம். அப்போது,
எதிர்க்கட்சி பெண் உறுப்பினர் நான்சி, "நான் மட்டும் உங்களது
மனைவியாக இருந்தால், நீங்கள் குடிக்கிற காபியில் விஷம் கலந்து கொடுத்திருப்பேன்,'' என்று சர்ச்சிலை நோக்கி குண்டைத் தூக்கிப் போட்டார்.
இதை அமைதியாக கேட்ட சர்ச்சில் `கடகட'வென சிரித்தார்.

எதற்கு சிரிக்கிறீர்கள் என்று நான்சி கேட்க அதற்கு,
"நான் மட்டும் உன் கணவனாக இருந்திருந்தால்,
நீ கொடுப்பதற்கு முன்பே அந்த விஷத்தை நானே
எடுத்து அருந்தி இருப்பேன்,'' என்று தனக்கே
உரிய பாணியில் கூறி முடித்தார்.

இதைக் கேட்ட நான்சி ஏதும் பேசாமல் அமர்ந்துவிட்டார்.

by ARR Mon Sep 26, 2011 7:17 pm

தினத்தந்தி அதிபர் ஆதித்தனாரின் மதிநுட்பமும், பேச்சும்
சுவாரஸ்யமானவை. ஒருதடவை தன் உதவியாளரிடம்,
""நான் அவசரமாய்ப் பார்க்க வேண்டிய கடிதங்களை எடுத்து
வையுங்கள்'' என்றார்.

சந்தா கட்டக் கோரி வெளிநாட்டுப் பத்திரிகை அனுப்பிய கடிதம்
"அர்ஜென்ட்' என்ற முத்திரையுடன் இருந்தது. முதலில் அதை
உதவியாளர் ஆதித்தனாரிடம் கொடுத்தார். அதைத் தொடர்ந்து
அவர்களிடையே நடந்தது இப்படி உரையாடல்:

ஆதித்தனார் : இந்த லெட்டரை ஏன் தந்தீங்க?

உதவி : அது அர்ஜென்ட் லெட்டர் சார்!

ஆதித்தனார் : அர்ஜென்ட்டுனு அதில எழுதினது நீங்களா?

உதவி: இல்லை

ஆதித்தனார் : நானும் எழுதலை. அப்படின்னா அர்ஜென்ட்னு யாரு
எழுதியிருப்பாங்க?

உதவி: அனுப்பினவங்க எழுதியிருப்பாங்க?

ஆதித்தனார் : அப்ப யாருக்கு அர்ஜென்ட்?

உதவி: அவங்களுக்கு அர்ஜென்ட்.

ஆதித்தனார் : ஆமா... அவங்களுக்குத்தான் அர்ஜென்ட்.
நமக்கு இல்ல. இப்ப நமக்கு அர்ஜென்ட்டான லெட்டர்களைத் தாங்க...