பிரபலங்கள் வாழ்வில் நகைச்சுவை நிகழ்வுகள்..!

ARR · ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

ARR · ARR Sat Sep 10, 2011 1:11 pm

நலமே பாலா.. தாங்கள் நலமா..?

நல்விசாரிப்புக்கு நன்றி..

ARR · ARR Mon Sep 19, 2011 4:05 pm

வாலிக்கு எப்படி தமிழின் மேல் ஒரு தீராத
பற்று இருந்ததோ அதேபோல ஒவியத்தின் மீதும் ஒரு கண் இருந்தது.
நன்றாகப் படம் வரையும் திறமை இருந்தது. அந்தக் காலகட்டத்தில்
ஆனந்த விகடனில் ஓவியங்களை வரைந்து கொண்டிருந்த திரு.மாலி
அவர்களைப் போலவே தானும் தமிழ்கூறும் நல்லுலகத்தை ஒரு கலக்குக்
கலக்க வேண்டும் என்ற முனைப்பில் இருந்தவரிடம் அவருடைய பள்ளித்
தோழன் பாபுதான் ‘மாலி’யைப் போல நீயும் சிறந்த சித்திரக்காரனாக
வரவேண்டும் என்றுகூறி ‘வாலி’ என்னும் பெயரைச் சூட்டினான்.
பள்ளிக்கூட வட்டாரத்தில் வாலி என்னும் பெயர் பரவிப் பலரையும்
சுழற்றி அடித்தது. அதாவது பலரையும் ஆச்சரியப்பட வைத்தது

ஒருமுறை வாலியென்ற கையொப்பமுடன் வாலி வரைந்த பாரதியின்
படத்தை வாங்கிப் பார்த்த தமிழ் வாத்தியார், படத்தைப் பாராட்டியதோடு
நக்கலாக வேறொன்றையும் சொன்னார்.

“உனக்குத்தான் வாலில்லையே, அப்புறம் ஏன் வாலின்னு பேர் வெச்சுக்கிட்டே?”

அதைக் கேட்டு சுற்றி நின்ற மாணவர்கள் சிரிக்க, வாலி ஒரு துண்டுச் சீட்டில்
இப்படிப் பதில் எழுதிக் கொடுத்தார்.

“வாலில்லை என்பதனால்
வாலியாகக் கூடாதா?
காலில்லை என்பதனால்
கடிகாரம் ஓடாதா?”

என்னவொரு நெத்தியடியான பதில் பாருங்கள்!

ARR · ARR Mon Sep 19, 2011 4:06 pm

கவிஞர் வாலி, கவியரசர் கண்ணதாசனோடு ஒரு பட்டிமன்றதிற்கு போயிருந்தாராம் . பட்டிமன்ற தலைப்பு, ‘கற்பில் சிறந்தது கண்ணகியா? மாதவியா?‘ என்பது.

‘நீ சொல்லு யார் மேல் கண்ணகியா ?மாதவியா?’ என்று கவியரசர் கேட்க கவிஞர் வாலி சொன்ன பதில் ‘அண்ணே ! ரெண்டு பேருமே பீமேல் (female) தான்.

அதி · அதி Mon Sep 19, 2011 4:08 pm

வாவ்....வாலியின் பதில் சூப்பர்

ARR · ARR Mon Sep 19, 2011 4:09 pm

கவியரசு கண்ணதாசன் நகைச்சுவை உணர்வு

கவியரசு ஒரு விழாவுல கலந்துக்க மலேசியா போயிருந்தாராம். அந்த நாட்டு சாலைகளோட
தரம்தான் சிறப்பானதாச்சே...இவர் போன காரோட ஓட்டுநர் மிக அதிக வேகத்துல
போயிருக்கார்.

"இவ்வளவு வேகம் தேவையில்லையேப்பா..." அப்படின்னு கவியரசு சொல்லியிருக்கார்.

"விழாவுக்கு நேரமாயிடுச்சு...அதனாலதான் இந்த வேகம்"னு ஓட்டுநர்கிட்ட இருந்து
பதில் வந்துருக்கு.

உடனே கவியரசு கண்ணதாசன்,"தம்பி...பத்து நிமிஷம் விழாவுக்கு தாமதமா போனாலும்
பரவாயில்லை...பத்து வருஷம் சீக்கிரமாவே மேல போயிடக்கூடாது"ன்னு
சொல்லியிருக்கார்.

இது சிரிப்பை ஏற்படுத்தினாலும் ரொம்பவே சிந்திக்க வேண்டிய விஷயங்க இது.

அதி · அதி Mon Sep 19, 2011 4:11 pm

கவியரசரின் நெத்தியடி பதில்

ARR · ARR Mon Sep 19, 2011 4:13 pm

அதிபொண்ணு wrote:வாவ்....வாலியின் பதில் சூப்பர்

நன்றிங்க அணு.. !

ARR · ARR Thu Sep 22, 2011 10:22 am

" யாதோன் கி பாராத் " என்கிற இந்தி படம் 60 களின் பின் பகுதியில் தமிழகத்தின் மூலை முடுக்கெல்லாம் நன்றாக ஓடி ஒரு கலக்கு கலக்கியது ! அந்த படத்தில் தர்மேந்திரா, விஜய் அரோரா, ஜீனத் அமன், தாரிக் ஆகியோர் நடிக்க R .D . பர்மன் அட்டகாசமாக இசை அமைத்து தமிழ் நாட்டிலே பெரும் வெற்றி பெற்றது !ஜீனத் அமன் இதில் மிகக் கவர்ச்சியாக நடித்திருந்ததும் வெற்றிக்கு ஒரு காரணம்..

இந்த படத்தை தமிழில் எடுக்க முனைந்து , எம்ஜிஆரை அணுகினர் ! எம்ஜிஆர் சில " கன்டிஷன் " களைப் போட்டு ஒப்புக்கொண்டார் !

படத்தின் கதை உரிமையை வாங்க, படத்தயாரிப்பாளர் , பாம்பே சென்று " யாதோ கி பாராத் " தயாரிப்பாளர் நசிர் உசைனிடம் பேசினார் !

நசிர் உசேன் : " VERY GOOD, தமிழில் இந்தப் படம் வருகிறதா ! படத்தின் பெயர் என்ன ? "

தயாரிப்பாளர் : " நாளை நமதே " ( இந்தியில் அவருக்கு மொழி மாற்றம் செய்யப்பட்டது ! )

நசிர் உசேன் : " பகுத் அச்சா ! நல்ல பெயர் ! தர்மேந்திரா வேடத்தில் யார் நடிக்கிறது ? "

தயாரிப்பாளர் : " எம்ஜிஆர் ! "

நசிர் உசேன் ( முகம் மலர்ந்து ) " VERY GOOD , GOOD SELECTION ! விஜய் அரோரா வேடத்தில் யார் நடிக்கிறார்கள் ? "

இப்போதுதான் இந்த துணுக்கின் " கிளைமாக்ஸ் ! "

தயாரிப்பாளர் " எம்ஜிஆர் ! "

நசிர் உசேனுக்கு கோபம் வந்தது !

உடனே கேட்டாரே ஒரு கேள்வி, என்ன கேள்வி ?

நசிர் உசேன் : ( கோபத்துடன் ) : " ஏன்யா ! ஜீனத் அமன் வேடத்தையும் எம்ஜிஆரே போட வேண்டியதுதானே ! ?அதை மட்டும் ஏன் விட்டுட்டீங்க..?

தயாப்பாளர் முகத்தில் ஈயாடவில்லை !

ARR · ARR Thu Sep 22, 2011 10:28 am

அரசு விழா ஓன்றுக்கு கலைஞர் கருணாநிதி தலைமை ஏற்க வந்தார் அவர் உடன் வந்த அரசு அதிகாரி மேடை அருகில் அமைத்து இருந்த படிகட்டை கலைஞர் நெருங்கிய போது

"படிங்க...படிங்க.... பார்த்து ...படிங்க..."

என சொன்னார். உடனே கலைஞர் என் அப்பா, ஆசிரியர்கள் எல்லாம் சொல்லியும் கேட்காத நான் நீங்கள் சொல்லியா கேட்கப்போகிறேன்.என்றார்.

இதை கேட்டு அருகில் இருந்த அனைவரும் வாய் விட்டு சிரித்தனர்.

ARR · ARR Thu Sep 22, 2011 10:31 am

ஒருநாள், பிரபல விஞ்ஞானி ஐன்ஸ்டீன் சாலையில் நடந்து சென்று கொண்டிருந்தார். அப்போது எதிரில், ஒரு நடிகை வந்தார். கும்பல் நடிகையை வேடிக்கைப் பார்த்துக் கொண்டிருந்தது.

அங்குவந்த ஒருவர் ஐன்ஸ்டீனிடம் "மிஸ்டர் ஐன்ஸ்டீன்... நீங்கள் எவ்வளவு பெரிய விஞ்ஞானி, இந்த மக்கள் உங்களை விட்டுவிட்டு கேவலம் அந்த நடிகையைப் போய் வேடிக்கை பார்க்கிறார்களே'' என்று ஆதங்கப்பட்டார்.

அதற்கு ஐன்ஸ்டீன் அளித்த பதில், "பார்ப்பதற்கு மட்டும் என்றால் என்னிடம் என்ன இருக்கிறது!''

Sponsored content · Sponsored content

பிரபலங்கள் வாழ்வில் நகைச்சுவை நிகழ்வுகள்..!

பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக