பிரபலங்கள் வாழ்வில் நகைச்சுவை நிகழ்வுகள்..!

ARR · ARR Mon Jan 24, 2011 1:10 pm

First topic message reminder :

வணக்கம் நண்பர்களே..!

இது பிரபலமானவர்கள் வாழ்வில் நடந்த நகைச்சுவை சம்பவங்களின் தொகுப்பு.. இது போன்று முன்பே எதாவது திரி இருந்ததா என்பது தெரியவில்லை.. அவ்வாறு இருந்தால், நடத்துனர்கள் இந்த பதிவுகளையும் அத்துடன் இணைத்துக் கொள்ளலாம்..

உலகம் சுற்றும் வாலிபன் திரைப்படம் எடுக்கும்போது எம்.ஜி.ஆருக்கும் கவிஞர்
வாலிக்கும் சின்ன உரசல். எம்.ஜி.ஆர். கோபமுற்று "இந்தப் படத்தில் நீ
பாட்டு எழுத வேண்டாம்.. உன் பெயர் இல்லாமலே இப்படத்தை வெளியிடுகிறேன் பார்" என்றார்.

உடன் வாலி, " என் பெயர் இல்லாமல் இப்படத்தை உங்களால் வெளியிட முடியாது..
ஏனென்றால் படத்தின் பெயர் உலகம் சுற்றும் வாலிபன் அல்லவா ?" என்றார்.
எம்.ஜி.ஆரும் கோபம் நீங்கி சிரித்தவராய் சமாதானம் அடைந்தார்..!

**krishnaamma** · **krishnaamma** Mon Jan 24, 2011 7:21 pm

அனைத்தும் அருமை, தொடருங்கள் ராஜா !

நீங்கள் தொடரலாம் என் க்ரீன் சிக்னல் காட்டிட்டேன் ஹிஹி புன்னகை

ARR · ARR Tue Jan 25, 2011 11:41 am

அனைத்து உறவுகளின் வருகைக்கும், தருகைக்கும் நன்றி..!

ARR · ARR Tue Jan 25, 2011 11:43 am

ஒருமுறை பெர்னாட்ஷா அவர்களுக்கு விருது வழங்கும் நிகழ்ச்சி அங்கே அழகான ஹாலிவுட் நடிகையும் பங்கேற்றாராம்.

விருந்து முடியும் தருவாயில் நடிகை பெர்னாட்ஷாவை பார்த்து,
”நாம் இருவரும் திருமணம் செய்து கொண்டால் நமக்கு பிறக்கும் குழந்தை
என்னை போல் அழகாகவும், உங்களை போன்று அறிவானதாகவும் இருக்கும் தானே, நாம் திருமணம் செய்து கொள்ளலாமா..?” என்று கேட்டாராம்...

அதற்கு பெர்னாட்ஷா சொன்னாராம்.. "ஒருவேளை பிறக்கும் குழந்தை
உன்னுடைய அறிவையும், என்னுடைய அழகையும் கொண்டதாக பிறந்தால்
என்ன செய்வது..?"

நடிகை மயங்கிவிழாத குறைதான்..!

ARR · ARR Tue Jan 25, 2011 11:49 am

ஜெர்மானிய நாட்டு அறிவியல் அறிஞர் ஐன்ஸ்டீன் ஒரு ஞாபக மறதிக்காரர்.
ஒருமுறை புதிய வீட்டுக்கு குடியேறினார். பின் வெளியில் எதற்கோ சென்ற
அவருக்கு வீட்டு முகவரி மறந்து விட்டது. எவ்வளவு முயன்றும் நினைவுக்கு
வரவில்லை.. வழியில் அவர் பணிபுரியும் நிறுவன விளம்பர பலகையைக் கண்டார்..
அதில் உள்ள தொலைபேசி எண்ணுக்கு தொடர்பு கொண்டு முகவரியைக் கேட்டார்..
அவர்களோ, அது ரகசியம்.. வெளியார் எவருக்கும் அறிவிக்க மாட்டோம் என்றனர்.

அதற்கு ஐன்ஸ்டீன், ”நான் வெளியாள் அல்லன்.. நான் தான் அந்த ஐன்ஸ்டீன்.. !”
என்றாராம் பரிதாபமாக...!!!

ARR · ARR Tue Jan 25, 2011 11:50 am

ஐன்ஸ்டீன் ஒருமுறை கணப்பு அடுப்பின் அருகில் அமர்ந்து குளிர்காய்ந்து
கொண்டு படித்து கொண்டிருந்தார். திடீரென கணப்பு அடுப்பில் தீசுவாலை
எழுந்ததால் வெப்பம் பரவியது.

உடனே ஐன்ஸ்டீன் சத்தம் போட்டு வேலைக்காரியை அழைத்து அடுப்பை தள்ளி வைக்க கூறினார். அதற்கு வேலைக்காரி நீங்கள் சற்று தள்ளி அமர வேண்டியதுதானே என்றார்.

அட இந்த சின்ன விஷயம் தெரியவில்லையே என்று வருத்தப்பட்டாராம். ஐன்ஸ்டீன்

மஞ்சுபாஷிணி · மஞ்சுபாஷிணி Tue Jan 25, 2011 11:53 am

மிக அருமையான திரி ஐயா....

பெர்னாட்ஷா பற்றிய தகவல் ரசித்தேன்...

அன்பு நன்றிகள் ஐயா....

கலைவேந்தன் · கலைவேந்தன் Tue Jan 25, 2011 11:56 am

சிறந்த திரி.. உயர்ந்த எண்ணங்கள்... தொடருங்கள் அண்ணா..!

ARR · ARR Tue Jan 25, 2011 11:57 am

ஒருமுறை கலைவாணர் நாடகத்தில் கோமாளியாக நடித்தார்.

அதில் ராஜா வேடமிட்டவர் மந்திரியைப் பார்த்து ஒவ்வொரு சிற்றரசரும்
என்ன கப்பம் கட்டினார்கள் என விசாரிக்கும் காட்சி.

ஒரு கட்டத்தில் ”கலிங்க ராஜா என்ன கட்டினார்..?” என்று கேட்க மந்திரியாக
நடித்தவர், வசனத்தை மறந்து பேய் முழி முழிக்க, இதை அறியாத அரசர் தான்
கேட்டது சகநடிகர் காதில் விழவில்லையோ என்று எண்ணி, இன்னுமொரு
தடவை சத்தமாக கேட்டார்.. “ மந்திரி..கலிங்க ராஜா என்ன கட்டியிருக்கிறார்ர்..?

நிலைமையை உணர்ந்த கோமாளி வேடமிட்ட கலைவாணர் உடனடியாக
" வேஷ்டி கட்டியிருக்கிறார் மஹாராஜா" என்று சொல்ல அரங்கமே அதிர்ந்தது.

வெங்கட் · வெங்கட் Tue Jan 25, 2011 12:38 pm

அருமை!அருமை!! தொடருங்கள் ராஜா!!!

ARR · ARR Tue Jan 25, 2011 12:41 pm

நன்றி சீனியரே..!

Sponsored content · Sponsored content

பிரபலங்கள் வாழ்வில் நகைச்சுவை நிகழ்வுகள்..!

பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

Re: பிரபலங்கள் வாழ்வில் நகைச்சுவை நிகழ்வுகள்..!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக