விசிட் விசாவில் துபை செல்லவிருக்கின்றீர்களா?

by Guest Sun Jan 23, 2011 6:24 pm

ஒரு காலத்தில் மும்பை சென்று தங்கி பல நேர் காணல்களை(Inerview) சந்தித்து
பெரும்பாடுப் பட்டு அரபு நாட்டு வேலைகளுக்கு செல்வது வழக்கமாக இருந்தது.
அந்த நிலை மாறி விஜய(Visit) விசாவில் சென்றாலேப் போதும். வேலை வாய்ப்பு
உறுதி என்கிற சூழல் துபை போன்ற நாடுகளில் கடந்த 10 ஆண்டுகளுக்கு மேலாக
இருந்து வருகிறது.
விஜய(Visit) விசாவில் துபையில் முயற்சி செய்து உயர் பணிகளில் இருப்பவர்கள்
ஏராளம். எப்படிப்பட்ட தயாரிப்போடு வந்தால் சிறந்த வேலைவாய்ப்பைப் பெற
முடியும் என்கிற வழிகாட்டுதல்களை பலரும் வழங்கிக் கொண்டிருக்கின்றார்கள்.
சமீப காலமாக துபையின் நிலைமை மாறி வருகிறது. அரசுத் துறைச் சார்ந்த
செலவுகளில் துவங்கி செலவுகள் அனைத்தும் உயர்ந்த வண்ணம் உள்ளன. பள்ளி ஏழாம்
வகுப்பு மாணவருக்கு ஆகும் ஒரு மாத செலவு ரூபாய்.11,000.00. நமதூரில்
குடும்ப செலவை தாராளமாகப் பார்த்துவிடலாம். எல்லாவற்றிற்கும் மேலாக விண்
நோக்கி சென்று கொண்டிருக்கும் ரியல் எஸ்டேட்! ஒரு வருடத்திற்கு
தங்குமிடத்திற்கு ஆகும் செலவில் நம் தாய் மண்ணில் ஒரு சொத்து வாங்கி
விடலாம்.
நாளுக்கு நாள் வெளி நாட்டவருக்கு எந்த விதத்திலும் அணுகூலமற்ற சட்ட
திட்டங்களும், அனைத்து சூழ்நிலைகளும் மறைமுகமாக நம்மை நம் நாட்டிற்கு
விரட்டுகின்றார்களோ என்றுதான் எண்ணத் தூண்டுகிறது.
சமீபத்தில் அனைத்து அரபக ஊடகங்களிலும் பிரபலமாகப் பேசப்பட்டு வரும் விசிட்
விசா பிரச்சனையைப் பற்றித் தெரிந்துக் கொண்டால் விசிட் விசாவில் வரக்
கூடியவர்கள் சற்று முன்னெச்சரிக்கையாக இருந்து கொள்ளலாம்.
* விசிட் விசாவில் வருபவர்கள் யாரும் Employment விசாவிற்கு மாறாமல் வேலை
செய்வதும், வேலைக்கு அமர்த்துவதும் சட்ட விரோதமாகக் கருதப் படுகிறது.
இருந்தாலும் இதுவரை அரசாங்கம் கண்டு கொள்ளாமல்தான் இருந்தது. ஆனால்,
தற்போது வேலைக்கு அமர்த்தும் நிறுவனத்திற்கு 50,000.00 திரஹம் (சுமார் 5
லட்சத்து 50 ஆயிரம் ரூபாய்)அபராதம், வேலை செய்பவருக்கு வாழ் நாள் முழுவதும்
வர முடியாத (Life Ban) தடை என்று இந்த சட்டம் கடுமையாக பின்பற்றப்
படுகிறது.
* விசிட் விசாவில் வந்து வேலைத் தேடுவதற்கு எந்தவித சட்ட சிக்கலும்
இல்லை.புதிதாக விசிட் விசாவில் வர எண்ணுவோர் விசிட் விசாவில் இடப்படும்
Profession Business Man என்று இல்லாமல் பார்த்துக் கொள்வது நல்லது. அப்படி
Business Man என்று விசாவில் குறிப்பிடப்பட்ட ஒருவர் தக்க சான்றுகள்
காண்பிக்க முடியாமல் அபுதாபி விமான நிலையத்தில் கைது செய்யப்பட்டு மீண்டும்
இந்தியாவிற்கே திருப்பி அனுப்பப் பட்டிருக்கின்றார்.
இன்றைக்கு உலகின் அனைத்து முன்னணி நிறுவனங்களும் போட்டிப் போட்டுக் கொண்டு
இந்தியாவில் தொழில் துவங்குகின்றன. மிகப் பெரிய வேலை வாய்ப்பு சந்தையாக நம்
தாய் மண் விரைவாக மாறி வருகிறது.
இளையத் தலைமுறையினர் முடிந்த அளவு இந்தியாவிலேயே நிறைவான ஊதியம் தரும்
நிறுவனங்களில் வேலையில் சேர முயற்சி செய்யுங்கள். அதையும் மீறி வெளிநாட்டு
ஆசை உங்களுக்கு அதிகமாக இருந்தால் நீங்கள் வெளிநாட்டில் சம்பாதிக்கும்
காலத்தை குறைவாக நிர்ணயித்துக் கொள்ளுங்கள். போலித்தனமாக வாழ்கிறோமே என்று
அன்றாடம் புலம்பிக் கொண்டிருக்கும் எண்ணற்ற அயல்நாடு வாழ் சகோதரர்களின்
ஆவலுக்கேற்ப நீங்களாவது முழுமையான வாழ்வை நம் தாய் மண்ணில் சொந்த
பந்தங்களுடன் வாழ்வதற்கு ஏதுவாக திட்டமிடுங்கள்.
நன்றி: கடையநல்லூர்.org

by ரபீக் Sun Jan 23, 2011 6:43 pm

by கலைவேந்தன் Sun Jan 23, 2011 11:39 pm

சரி சரி... எனக்கு ஒரு விசிட் விசாக்கு ஏற்பாடு செய்யுங்க உதுமான் பாய்..!

by **சிவா** Mon Jan 24, 2011 5:03 am

இளையோருக்கு சிறந்த அறிவுரை வழங்கியுள்ளீர்கள், ஆனால், நீங்க மட்டும் அங்கு சம்பாதிக்கலாம், நாங்கள் மட்டும் இங்கு குறைந்த சம்பளத்திற்கு வேலை செய்ய வேண்டுமா எனக் கேட்கிறார்களே?

by உதயசுதா Mon Jan 24, 2011 10:34 am

நல்ல விஷயம் சொல்லி இருக்கீங்க உதுமான் நன்றி.
நாட்டுல இருக்கற எல்லாருக்கும் ஒரு வேண்டுகோள்.
விசிட் விசாவுல வந்து வேலை தேடிக்கலாம்ன்னு நினைச்சு இனியும் இங்க வராதிங்க. உங்களுக்கு வந்து போற செலவுதான் மிச்சம்.இப்ப இங்க கடுமையான சட்ட திட்டங்கள் அரங்கேறிட்டு இருக்கு. ஏஜெண்டுக்கு
பணம் கொடுக்கறதுக்கு முன்னாடி இல்லைன்னா அங்க இருந்து கிளம்பி வரதுக்கு முன்னாடி படிக்க தெரிஞ்ச நாலுபேர்கிட்ட கொடுத்து படிக்க சொல்லுங்க.உங்கள அந்த ஏஜெண்டு விசிட் விசாவுல அனுப்புறானா,இல்ல எம்ப்ளாய்மெண்ட் விசாவுல அனுப்புறானா அப்படிங்கிரத தெரிஞ்சுகிட்டு
வாங்க.இங்க வந்துட்டு கஷ்டபடுராத விட நம்ம நாட்டுலயே நல்லா இருக்கலாம்.

by உதயசுதா Mon Jan 24, 2011 10:39 am

சிவா wrote:இளையோருக்கு சிறந்த அறிவுரை வழங்கியுள்ளீர்கள், ஆனால், நீங்க மட்டும் அங்கு சம்பாதிக்கலாம், நாங்கள் மட்டும் இங்கு குறைந்த சம்பளத்திற்கு வேலை செய்ய வேண்டுமா எனக் கேட்கிறார்களே?

துபாய்ல சம்பாதிச்சு மிச்சம் செய்து ஊருக்கு பணம் அனுப்பியது எல்லாம் அந்த காலம் சிவா.இப்ப இங்க சம்பாதிக்கறது இங்கயே செலவு ஆகிடுது.
உதாரணத்துக்கு ஒரு கட்டிட தொழிலாளி இங்க 800 திர்காம்ஸ் சம்பளம் வாங்குறார் வச்சுக்கொங்க. அவர் தங்கும் செலவு,சாப்பிடும் செலவு,ஊருக்கு phone போடும்
செலவு எல்லாம் கூடி 600 திர்காம்ஸ் வந்துடும். மீதி 200 திர்காம்ஸ ஊருக்கு அனுப்ப முடியும்.இன்னிக்கு திர்காம்ஸ் ரேட் 12.50.
கணக்கு பண்ணி பார்த்தா ஏதோ ஒரு நாட்டுல சம்பாதிச்சு 2500 ரூபாய் அனுப்புறதுக்கு
நம்ம நாட்டுல இத விட அதிகம் சம்பாதிக்கலாமே

by கலைவேந்தன் Mon Jan 24, 2011 11:13 am

இக்கரைக்கு அக்கரை பச்சை ...! புன்னகை

by வெங்கட் Mon Jan 24, 2011 11:35 am

விசிட் விசாவில் வந்து வேலை தேடிச் செல்பவர்கள் கண்டிப்பாக வெயிலில் வேலை செய்யும் தொழிலாளிகளாக இருக்க முடியாது.அலுவலக வேலை செய்பவர்களே அநேகம் பேர் விசிட் விசாவில் வருகின்றனர், அதுவும் உதவ இங்கே உறவினர்களோ நண்பர்களோ இருப்பவர்களே அதிகம் வருகின்றனர். அவர்களுக்கு இந்த சட்டதிட்ட விதிகள் நன்கு தெரியும், தெரிந்தும் வேலையில் அமர்வது அறியாமை என்பதைக்காட்டிலும் அலட்சியம் எனக்கூறலாம். அது தண்டிக்கப்படக்கூடியதே.

by **சிவா** Mon Jan 24, 2011 11:44 am

உதயசுதா wrote:
சிவா wrote:இளையோருக்கு சிறந்த அறிவுரை வழங்கியுள்ளீர்கள், ஆனால், நீங்க மட்டும் அங்கு சம்பாதிக்கலாம், நாங்கள் மட்டும் இங்கு குறைந்த சம்பளத்திற்கு வேலை செய்ய வேண்டுமா எனக் கேட்கிறார்களே?
துபாய்ல சம்பாதிச்சு மிச்சம் செய்து ஊருக்கு பணம் அனுப்பியது எல்லாம் அந்த காலம் சிவா.இப்ப இங்க சம்பாதிக்கறது இங்கயே செலவு ஆகிடுது.
உதாரணத்துக்கு ஒரு கட்டிட தொழிலாளி இங்க 800 திர்காம்ஸ் சம்பளம் வாங்குறார் வச்சுக்கொங்க. அவர் தங்கும் செலவு,சாப்பிடும் செலவு,ஊருக்கு phone போடும்
செலவு எல்லாம் கூடி 600 திர்காம்ஸ் வந்துடும். மீதி 200 திர்காம்ஸ ஊருக்கு அனுப்ப முடியும்.இன்னிக்கு திர்காம்ஸ் ரேட் 12.50.
கணக்கு பண்ணி பார்த்தா ஏதோ ஒரு நாட்டுல சம்பாதிச்சு 2500 ரூபாய் அனுப்புறதுக்கு
நம்ம நாட்டுல இத விட அதிகம் சம்பாதிக்கலாமே

இதுதான் உண்மை சுதா.

by **krishnaamma** Tue Jan 25, 2011 5:22 pm

ஆசை உங்களுக்கு அதிகமாக இருந்தால் நீங்கள் வெளிநாட்டில் சம்பாதிக்கும் காலத்தை குறைவாக நிர்ணயித்துக் கொள்ளுங்கள். போலித்தனமாக வாழ்கிறோமே என்று அன்றாடம் புலம்பிக் கொண்டிருக்கும் எண்ணற்ற அயல்நாடு வாழ் சகோதரர்களின் ஆவலுக்கேற்ப நீங்களாவது முழுமையான வாழ்வை நம் தாய் மண்ணில் சொந்த பந்தங்களுடன் வாழ்வதற்கு ஏதுவாக திட்டமிடுங்கள்.

இந்த வார்த்தைகளை தங்கத்தில் தான் பொறிக்கணும் புன்னகை

ரொம்ப சரியாக சொன்னேர்கள். அங்கு வந்து ஏதோ கொஞ்சம் சம்பாதித்துவிட்டு வருவது தான் சிறந்தது. அமெரிக்கா ஆஸ்ட்ரேலியா போல் குடிஉரிமை பெருவதெல்லாம் சரிப்பட்டு வராது நமக்கு.

நல்ல தகவல் பகிர்ந்தமைக்கு நன்றி புன்னகை