ஒருநாள் போட்டி அணித் தலைவர் பதவியில் இருந்து விலகும் ஸ்மித்

உலகக்கிண்ண போட்டியுடன் ஒருநாள் அணித் தலைவர் பதவியிலிருந்து விலகவுள்ளதாக தென்னாபிரிக்க கப்டன் ஸ்மித் அறிவித்துள்ளார்.
இதற்கான முடிவை ஏற்கனவே எடுத்துள்ளதாகவும் உலகக்கிண்ணம் முடிந்ததும் அறிவிக்கவுள்ளதாகவும் ஸ்மித் கூறியுள்ளார்.

இதனால் அவருக்கும் 35 வயதை எட்டியுள்ள கலீஸுக்கும் தென்னாபிரிக்காவுக்கு கிண்ணத்தை பெற்றுக் கொடுக்க நல்லவாய்ப்பு என்பதோடு கடைசி வாய்ப்பும் இதுவேயாகும்.

இதேநேரம் உலகக்கிண்ண கிரிக்கெட் போட்டியில் விளையாடும் 15 பேர்கொண்ட தென்னாபிரிக்க அணி அறிவிக்கப்பட்டுள்ளது. புதுமுக வீரரும் லெக்ஸ்பின்னருமான இம்ரான் தாஹிர் அணியில் சேர்க்கப்பட்டுள்ளார். இவர் இதுவரை சர்வதேச போட்டியில் விளையாடியதில்லை. இவர் பாகிஸ்தானில் பிறந்தவர் என்பது குறிப்பிடத்தக்கது.

போட்டி நடைபெறவுள்ள இந்தியா, இலங்கை, பங்களாதேஷ் மைதானங்கள் சுழற்பந்து வீச்சுக்கு சாதகமாக இருக்கும் என்பதாலேயே தென்னாபிரிக்க அணியில் தாஹிர் சேர்க்கப்பட்டுள்ளார்.

அதேசமயம் 1999, 2003, 2007 உலகக் கிண்ணத்தில் விளையாடிவரும் சிரேஷ்ட விக்கெட் காப்பாளருமான மார்க் பவுச்சர் அணியில் சேர்க்கப்படவில்லை, சகலதுறை வீரரான அல்பி மோர்கலும் அணியில் இடம்பெறவில்லை.

இதுகுறித்து தேர்வுக்குழு உறுப்பினர் ஹட்சன் கூறுகையில்;

தாஹிரைப் பற்றி கவலைப்படதேவையில்லை. அவர் சர்வதேச போட்டிகளில் விளையாடவில்லை என்றாலும் உள்ளூர் போட்டிகளில் சிறப்பாக விளையாடியுள்ளார்.அதனால் அவர் சிறப்பாக விளையாடுவார் என்றார்.

விடுப்பு குலுமம்