ஐபோன் மென்பொருட்கள் மற்றும் செய்திகள் தொகுப்பு!

First topic message reminder :

இந்தப் பகுதியில் ஐபோனில் பயன்படுத்தக் கூடிய தமிழ் மற்றும் ஆங்கில மென்பொருட்களின் தொகுப்பைச் சேகரிக்க உள்ளேன். பயனுள்ள மென்பொருட்களை பதிவிறக்கம் செய்து பயனடையுங்கள்.

உங்கள் ஐபோனை Jailbreak செய்திருந்தால் இங்குள்ள பெரும்பாலான மென்பொருட்களை இலவசமாகத் தரவிறக்கம் செய்யலாம். நீங்கள் என்ன iOS பயன்படுத்துகிறீர்கள் எனக் கூறினால் அவற்றை எவ்வாறு Jailbreak செய்து Cydia install செய்து மென்பொருட்களை தரவிறக்கம் செய்வது என்பது பற்றி விளக்குகிறேன்! நவம்பர் மாதம் வெளியான iOS4.2.1 வரை Jailbreak செய்ய முடியும்.

Jailbreak செய்வதால் கிடைக்கும் நன்மைகள் என்ன?

* உங்களுக்குத் தேவையான theme அமைத்துக் கொள்ளலாம்.

* ஐபோன் 2G மற்றும் 3G -யில் Cycorder / Video Recorder மூலம் காணொளிகளைப் பதிவு செய்யும் வசதி பெறலாம்.

* FiveIrows, FakeCarrier, No Page Dots, SixRows, RoundCorners இது போன்று மேலும் பல மென்பொருட்களைத் தரவிறக்கம் செய்வதன் மூலம் உங்கள் ஐபோனை அழகுபடுத்தலாம். இந்த வசதிகளை ஆப்பிள் நிறுவனம் அளிக்கவில்லை. ஆப்பிள் ஸ்டோர் மூலம் மென்பொருட்களைத் தரவிறக்கம் செய்தால் அனைத்திற்கும் பணம் கட்ட வேண்டும் என்பதை அறிவீர்கள்.

இவ்வாறு செய்வதால் போனுக்கு பாதிப்பு ஏற்படுமா? என்றால் சரியாகச் செய்தால் எந்தப் பாதிப்பும் வராது. தவறாக Jailbreak செய்தீர்கள் என்றால் உங்கள் போன் முற்றாகச் செயலிழந்துவிடும் என்பதையும் நினைவில் கொள்ள வேண்டும்.

iBlacklist

ரகசிய சிநேகிதி அல்லது சினேகிதன் அனுப்பும் குறுந்தகவல்கள் வேறு யாருக்கும் தெரியாமல் ரகசியமாக ஓரிடத்தில் சேமிக்கப்பட்டால் எவ்வளவு நன்றாக இருக்கும் என ஏங்குபவரா நீங்கள். உங்களுக்காகவே உருவாக்கப்பட்டுள்ள மென்பொருள்தான் iBlacklist. எந்த எண்ணிலிருந்து வரும் குறுந்தகவல்கள் ரகசியமாக பாதுக்காக்கப்பட வேண்டும் என்ற விபரத்தை இதில் உள்ள Blacklist என்ற இடத்தில் பதிந்துவிட்டால் அந்த எண்களிலிருந்து வரும் அழைப்புகள், குறுந்தகவல்கள் மிக ரகசியமாக எந்தச் சத்தமும் இன்றி இங்கு பாதுக்காக்கப்படும். தேவைப்படும்பொழுது கடவுச்சொல்லை நிரப்பி குறுந்தகவல்களைப் படித்துக்கொள்ளலாம்.

உங்களுக்கு வரும் ரகசிய குறுந்தகவல்களுக்கு சத்தம் வேண்டுமா, அதிர்வு மட்டும் வேண்டுமா அல்லது எதுவுமே வேண்டாமா என்பதை நீங்களே தேர்ந்தெடுத்துக் கொள்ளலாம். கடவுச்சொல் மூலம் இந்த மென்பொருளை நீங்கள் மட்டுமே திறக்கும் வகையில் பாதுகாக்கலாம். இங்கு வரும் குறுந்தகவல்களுக்கு இதன் மூலமே பதில் அனுப்ப முடியும். தானியங்கியாக பதில் அளிக்கும் வகையிலும் அமைத்துக் கொள்ளலாம். முதல் 10 நாட்களுக்கு இலவசமாக வழங்குகிறார்கள். அதன் பிறகு பணம் செலுத்தி வாங்க வேண்டும்.

விலை $12.00

இந்த மென்பொருள் Jailbreak செய்யப்பட்ட ஐபோன்களில் மட்டுமே தரவிறக்கம் செய்ய முடியும். Cydia -வில் bigboss Repo மூலம் iBlacklist தரவிறக்கம் செய்யலாம். இதற்குப் பணம் கட்ட கீழ்கண்ட தளத்தை நாடுங்கள்.

http://www.iblacklist.com.br/iblacklist/index.php

“Slide to Unlock” - உங்கள் விருப்பப்படி தமிழில் மாற்றிக் கொள்ள!

தினமும் உங்கள் ஐபோனில் Slide to Unlock என்பதைப் பார்த்து போரடித்து விட்டதா? உங்களுக்கு விருப்பமான பெயரை, அதுவும் தமிழில் மாற்றி வைத்துக் கொள்ளலாம். எவ்வாறு என விளக்குகிறேன்.

System\Library\CoreServices\SpringBoard.app\English.lproj இங்கு SpringBoard.strings என்பதை notepad-ல் திறந்து கொள்ளுங்கள்.

இங்கு
"AWAY_LOCK_LABEL" =
"Slide to Unlock";

என்று உள்ளதை நான் என் பெயருக்கு மாற்றியுள்ளேன்!

"AWAY_LOCK_LABEL" =
"எஸ்.பி.சிவகுமார்";

இனிமேல் உங்களுக்கு விருப்பமான பெயரை எழுதி உங்கள் ஐபோனை அழகுபடுத்தலாம்.

சரி.. கணினியில் எவ்வாறு System\Library\CoreServices\SpringBoard.app\English.lproj இங்கு செல்வது எனக் கேட்கிறீர்களா? iPhone Folders என்னும் மென்பொருளை உங்கள் கணினியில் நிறுவுங்கள். இதன் தரவிறக்க முகவரி கீழே!

http://iphonefolders.com/1.0.32/iPhoneFolders.msi

(இவ்வாறு செய்யும்பொழுது English.lproj - இதனை தனியாக சேமித்துக் கொள்வது அவசியம். ஏதேனும் தவறுகள் நிகழ்ந்தால் மீண்டும் நிறுவ உதவியாக இருக்கும்)

இந்தியாவில் ஆப்பிள் போன்

சென்ற வாரம் ஆப்பிள் நிறுவனம் தன் ஐ-போன் 4 மொபைல் போனின் சி.டி.எம்.ஏ. வகையினை அறிமுகப்படுத்தியது. இந்த போன், சேவை நிறுவனங்கள் வழியே ஆசிய நாடுகளில் அறிமுகப்படுத்தப்படும் என அறிவிக்கப்பட்டுள்ளது. இந்த அறிவிப்பின் அடிப்படையில், இந்தியாவில் ரிலையன்ஸ் அல்லது டாட்டா மொபைல் சேவைப் பிரிவு நிறுவனங்களுடன், ஆப்பிள் ஒப்பந்தம் மேற்கொண்டு, சி.டி.எம்.ஏ. வகை ஐபோனை அறிமுகப்படுத்தலாம். தற்போது ஐ-போன் 3 ஜி.எஸ். ஏர்டெல் மற்றும் வோடபோன் வழியாக இந்தியாவில் கிடைக்கிறது. இவை அந்த நிறுவனங்களின் சிம்களில் மட்டுமே செயல்படும். இதே போல சி.டி.எம்.ஏ. ஐ-போன் 4 விற்பனைக்கு வரலாம். அப்படி வரும் பட்சத்தில், இந்தியாவில் அநேகம் பேர், ஐ-போனைப் பயன்படுத்துவதனைப் பார்க்கலாம்.

ஐபோனில் செய்தியோடையை இணைக்க!




இங்குள்ளவாறு உங்கள் இணையதளத்தின் செய்தியோடையை ஐபோனில் 24 மணி நேரமும் படித்துக் கொள்ளும் வசதியைப் பெறுவது எப்படி என்று பார்போம்.

இதற்கு முதலில் தரவிறக்கம் செய்ய வேண்டிய மென்பொருள் winterboard. இது cydia மூலம் கிடைக்கும். winterboard மூலம் உங்களுக்கு வேண்டிய தீம்களை அமைத்து ஐபோனை அழகுபடுத்தலாம்.

செய்தியோடையைப் பெறுவதற்கு இங்கு கீழே உள்ள feed.themes -ஐ தறவிறக்கம் செய்து system/var/stash/themes இங்கு iPhone Folders மூலம் உள்ளிடவும். உங்களுக்குக் தேவையான இணையதளத்தினை மாற்ற feed.themes என்பதற்குள் இருக்கும் Widget -ஐ நோட்பேடில் திறந்து http://www.eegarai.net/feed என்ற முகவரியை மாற்றிக் கொள்ளலாம்.



செய்தியோடைக்கான feed.themes தரவிறக்க முகவரி:
http://eegarai.org/iphone/feed.rar

NewsHunt

தமிழ், தெலுங்கு, குஜராத்தி, மராத்தி, கன்னடம், பஞ்சாபி, வங்காளம் மற்றும் ஆங்கில தினசரிகளை உங்கள் ஐபோன் வழி படிக்க சிறந்த மென்பொருள் NewsHunt. உடனடிச் செய்திகளை உடனுக்குடன் அறிந்துகொள்ள உதவியாக உள்ளது. இந்த மென்பொருள் நோக்கியா போன்களுக்கும் உள்ளது.

தரவிறக்க முகவரி:

http://itunes.apple.com/us/app/newshunt/id338525188?mt=8

மதன்கார்த்திக் wrote:அப்பா ஒரு ஐபோன் வாங்கலாம் நு சொல்றீங்க...

உங்க செலவுல .....

ஐபோனுக்கான மென்பொருட்கள் மட்டுமே இங்கு இலவசம்... ஐபோன் அல்ல!

ஐபோனுக்குள் ஒரு அண்ட்ராய்ட் போன் - (idroid )

ஐபோன் பயன்படுத்துபவர்களுக்கு அண்ட்ராய்ட் போன் பயன்படுத்த வேண்டும் என்ற ஆசை வந்துவிட்டதா? அதற்கு பல ஆயிரங்கள் செலவு செய்து தனியாக அண்ட்ராய்ட் போன் பாங்க வேண்டியதில்லை! ஐபோன் 2G மற்றும் ஐபோன் 3G பயன்படுத்துபவர்க்ள் கீழ்கண்டவாறு உங்கள் ஐபோனுக்குள் அண்ட்ராய்ட் போனையும் இணைத்துப் பயன்படுத்தலாம்.

iOS 3.1.2 முதல் 4.2.1 வரை idroid பயன்படுத்த முடியும்.

இதற்கு cydia சென்று bootlace தரவிறக்கம் செய்துகொள்ளுங்கள்.


முதலில் bootlace மென்பொருளிலிருந்து OpeniBoot தரவிறக்கம் செய்ய வேண்டும். இந்த OpeniBoot தான் உங்கள் போன் start செய்யும்பொழுது நீங்கள் iphone துவங்க வேண்டுமா அல்லது Android போன் துவங்க வேண்டுமா என்பதைத் தீர்மானிக்கும் மென்பொருள்.



OpeniBoot பதிவிறக்கம் செய்ததும் உங்கள் ஐபோனை Restart வேண்டும். மீண்டும் bootlace சென்று idroid தரவிறக்கம் செய்யுங்கள். இது 50MB முதல் 100MB வரை இருக்கும். எனவே WiFi மூலம் தரவிறக்கம் செய்யலாம். முழுதாக idroid தரவிறக்கம் செய்தபின் மீண்டும் Restart செய்யுங்கள். இப்பொழுது bootlace -ல் உள்ள QuickBoot சென்று Android என்பதைக் கிளிக் செய்தால் “எச்சரிக்கை, இப்பொழுது உங்கள் போன் அண்ட்ராய்டுக்கு மாறவிருக்கிறது” என்ற தகவல் வரும். அதற்கு ஓகே என்பதை அழுத்தினால் சில நிமிடங்களில் உங்கள் ஐபோன், அண்ட்ராய்ட் போனாக மாற்றப்பட்டிருக்கும்.


மீண்டும் ஐபோனுக்கு மாற restart செய்யவும்.

இப்பொழுது idroid 1.0.5 பயன்படுத்துவதில் நான் கண்ட குறைகள்:

* போன் அளவுக்கதிகமாக சூடாகிறது

* கேமரா இயங்கவில்லை

* பேட்டரி வெகுவிரைவில் தீர்ந்துவிடுகிறது

* ரிங்டோன் அமைக்க முடியவில்லை.

* தமிழ் எழுத்துகள் தெரியவில்லை (அண்ட்ராய்ட் போனிலும் இதே நிலைதான்)

* 3G இயங்கவில்லை

* WiFi பயன்படுத்த ஒவ்வொருமுறையும் சென்று ஆக்டிவ் செய்ய வேண்டியுள்ளது

விரைவில் இந்தப் பிரச்சனைகள் தீர்க்கப்படும் என நம்பிகிறேன். மற்ற வகையில் அண்ட்ராய்ட் சிறப்பாக இயங்குகிறது.



இந்த மென்பொருட்களை உங்கள் சொந்த விருப்பத்தின் பேரில் மட்டுமே தரவிறக்கம் செய்ய வேண்டும். இதனால் உங்கள் ஐபோனுக்கு ஏதேனும் பாதிப்பு ஏற்பட்டால் அதற்கு நான் பொறுப்பல்ல.

மேலே கூறியுள்ள விபரங்கள் இங்கு காணொளி வடிவில்: