தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

ரபீக் · ரபீக் Sun Jan 23, 2011 1:00 pm

தேவைப்படுவோர் தனக்குத் தானே ரத்த தானம் செய்து கொள்ளும் புதிய வழியை கண்டுபிடித்து கனடா நாட்டு ஆய்வாளர்கள் சாதனை புரிந்துள்ளனர்.

கனடாவின் மெக்மாஸ்டர் பல்கலைக்கழக ஆய்வாளர்கள் ஆரம்பகட்ட முயற்சியில் வெற்றியைப் பெற்றிருப்பதாகத் தகவல்கள் வெளியாகியிருக்கின்றன.

அதாவது தோலில் இருந்து ரத்தத்தை உருவாக்குவதற்கு, தோல் ஸ்டெம் செல்லை பல்வேறு வகையான மனித செல்களை உருவாக்கக்கூடிய `புளூரிபொட்டென்ட் ஸ்டெம் செல்’லாக மாற்றி, பின்னர் ரத்த ஸ்டெம் செல்லாக மாற்றத் தேவையில்லை. இந்த மாற்றம் சாத்தியமானது என்று பல்கலைக்கழகத்தின் ஸ்டெம்செல் மற்றும் புற்றுநோய் ஆராய்ச்சி அமைப்பின் அறிவியல் இயக்குநர் மிக் பாட்டியாவும், அவரது குழுவினரரும் நிரூபித்துள்ளனர்.

“மனித தோலைப் பயன்படுத்தி இதைச் செய்ய முடியும் என்றும், இது எப்படிச் செயல்படுகிறது என்றும் எங்களுக்குத் தெரியும். இதை மேலும் மேம்படுத்த முடியும் என்று நம்புகிறோம்” என்கிறார், பாட்டியா.

இந்த புதிய கண்டுபிடிப்பானது, எதிர்காலத்தில் அறுவைச் சிகிச்சை, புற்றுநோய் சிகிச்சை போன்ற ரத்தம் தேவைப்படும் சிகிச்சைகளுக்கு அவரவர் தங்கள் உடல் தோலின் ஒரு பகுதியில் இருந்தே ரத்தத்தை உருவாக்கிக்கொள்ள முடியும் என்ற நம்பிக்கையை ஏற்படுத்தியிருக்கிறது. இதுதொடர்பான மருத்துவமனை சார்ந்த சோதனை முயற்சிகள் 2012-ம் ஆண்டிலேயே தொடங்கவிருக்கின்றன.
விடுப்பு குலுமம்

கலைவேந்தன் · கலைவேந்தன் Sun Jan 23, 2011 4:48 pm

ரத்தக்குறைவான உடலிலிருந்து தோலில் ரத்தம் எவ்வாறு உருவாக்க இயலும் என்பது புரியவில்லை.. கொஞ்சம் லாஜிக் இடித்தாலும் பெரியவங்க சொன்னா பெருமாள் மாடு சொன்னமாதிரி... என்பதால் ஏற்போம்..!

ரபீக் · ரபீக் Sun Jan 23, 2011 4:51 pm

கலை wrote:ரத்தக்குறைவான உடலிலிருந்து தோலில் ரத்தம் எவ்வாறு உருவாக்க இயலும் என்பது புரியவில்லை.. கொஞ்சம் லாஜிக் இடித்தாலும் பெரியவங்க சொன்னா பெருமாள் மாடு சொன்னமாதிரி... என்பதால் ஏற்போம்..!

இப்போ என்னைய பெரியவர்னு சொல்றீங்களா இல்லை பெருமாள் மாடுன்னு சொல்றீங்களா ?

Sponsored content · Sponsored content

தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

Re: தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

Re: தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

Re: தனக்குத் தானே ரத்த தானம்: கனடா நாட்டு ஆராய்ச்சியாளர்களின் சாதனை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக