ராமானுஜரின் பொன்மொழிகள் சில

by **krishnaamma** Sat Jan 22, 2011 6:45 pm

* ஒருவனுடைய பிறப்பை பற்றியோ அல்லது செயல்களைப் பற்றியோ எண்ணாமல்
அவனுடைய கொள்கைகளைப் பின்பற்றி பணிவிடை செய்வது சிறந்தது. கடவுளுக்கு எதை
நீ அர்ப்பணிக்கிறாயோ அது மிகவும் புனிதமானது. நீ கடவுளிடம் சரணாகதி அடையும்
போது உன் பாவங்கள் நீங்குகின்றன. மற்றவர்களை அவமதிப்பது மிக கொடிய
செயலாகும்.

* பக்தர்களை எப்போதும் புகழ்ந்து பணிவிடை
செய்து கொண்டே இருக்க வேண்டும். பக்தி மார்க்கத்தை தவிர வேறு எதையும்
ஏற்றுக் கொள்ளக் கூடாது. புனிதமான ஆழ்வார்களின் திவ்ய பாசுரங்களை நாள்
தோறும் படிப்பது நல்லது.

* இழிசெயல் புரிபவர்கள், ஏளனம்
செய்பவர்கள், இறையடியார்களை நிந்திப்பவர்கள், புலித்தோல் போர்த்திய
கபடதாரிகள், குருவை திட்டும் கயவர்கள் ஆகியோரை கண்ணால் கூட பார்க்கக்
கூடாது.

* இறைவனுக்கு அர்ப்பணிக்காத உணவு, உடை,
பூக்கள், சந்தனம், வெற்றிலை பாக்கு, பானம் எதையும் ஏற்றுக்கொள்ளக் கூடாது.
எப்பொருளையும் மானசீகமாக கடவுளுக்கு சமர்ப்பித்து விட்டு எடுத்துக் கொள்வது
நல்லது. நற்பிறப்பாளர், உயர்ந்த வாழ்க்கையுடையவர் ஆகியோரிடமிருந்து பெறும்
உணவு மட்டுமே உண்பதற்கு தகுந்ததாகும்.

* ஒரு கடவுளை
வணங்குவது நல்லது. பல தெய்வங்களை வணங்குதல் கூடாது. அது கடவுளை
அவமதிப்பதாகும். நீ விரும்பும் கடவுளின் மீது உன் மனதை செலுத்துவது நல்லது.

* நற்குணமுடையவர்கள், அறிவாளிகள்,
தர்மசிந்தனையுடையவர்கள் ஆகியோர்களை கண்டால் பணிந்து வணங்கவேண்டும். இன்பம்,
துன்பம் இரண்டையும் சமமாக பாவிக்க வேண்டும். தொண்டு செய்வதன் மூலமே கடவுளை
அடைய முடியும் என்பதை எப்போதும் நினைவில் கொள்ள வேண்டும்.

- ராமானுஜர்

by **krishnaamma** Sat Jan 22, 2011 7:03 pm

by அன்பு தளபதி Sat Jan 22, 2011 7:08 pm

நமோ நாராயணா

by Raja2009 Sat Jan 22, 2011 10:53 pm

க்ருஷ்ணாம்மா அவர்களுக்கு,

திரு இராமானுஜரின் அழகான பொன்மொழிகளையும், மேலும் அழகான திருவுருவத்தையும் பதிந்ததற்கு மிக்க நன்றி...!!

தர்மத்தை போதித்ததிலிருந்து தான்கடைபிடித்தது வரை அவருக்கு ஈடு இணை இல்லை.

த்ருதராஷ்டரனை "அவன் உடல் குருடன் இல்லை, உளக்குருடன்(ஆன்ம குருடன்) என்ற அவரின் விளக்கம் எனக்கு மிகவும் பிடித்தது.

ராஜா

by கலைவேந்தன் Sun Jan 23, 2011 10:58 am

சிறந்த பதிவு... நன்றி கிருஷ்ணாம்மா..!

by nandhtiha Sun Jan 23, 2011 11:43 am

அனைவருக்க்கும் வணக்கம்
நல்ல பதிவு அனைவருக்கும் நன்றி
இணையத்தில் தேடியபோது ஸ்ரீராமானுசர் தினசரி (நித்யம்) என்ற ஒரு நூல் எழுதி இருப்பதாகத் தெரிகிறது. விவரம் தெரிந்தவர்கள் பதிவு செய்தால் நல்லது
கீதைக்கு உரை எழுதுங்கால் திருதராட்டிரனை ஸர்வாத்மனா அந்தக: (அவன் கண் மட்டும் குருடல்ல..கருத்தாலும் குருடன்) என்று குறிப்பிட்டார்
என்றும் மாறா அன்புடன்
நந்திதா