கவிதைதாயி

mkamal · mkamal Sat Jan 22, 2011 9:32 am

தாய்
(பி. எம். கமால், கடையநல்லூர்)

நற்றாய் ! எனைப் பெற்றாய் ! மிக
நலமுடனே வளர்த்தாய் !

முற்றாய் உனைத் துறந்தாய் ! என்
முழு வாழ்விலு மிணைந்தாய் !

பற்றாய் நீ இருந்தாய் நான்
பயந்தாலும் அணைத்தாய் !

இற்றாய் நீ எனக்காக
எல்லாமே இழந்தாய் !

சினந்தால் நீ சிரித்தாய் என்
சிறு பிழையும் பொறுத்தாய் !

மனதாலே உயர்ந்தாய் என்
மனதில் நீ நிறைந்தாய் !

உழைத்தாய் உன் திருமேனி
ஓடாகித் தேய்ந்தாய் !

களைத்தாய் நீ எனக்காக
கண்ணீரில் நனைந்தாய் !

விரைந்தாய் நான் நோயென்று
விழுந்தால் நீ பயந்தாய் !

கரைந்தாய் சந் தனமாய் நீ
கடிதாக மணந்தாய் !

௦++++++++++++++++++++++++++++++++++++

கலைவேந்தன் · கலைவேந்தன் Sat Jan 22, 2011 11:28 am

தாய் பற்றி நான் வரைந்த கவிதைகள் பல. ஆயினும் இவ்வண்ணம் சொற்களில் சதிராடி தாய் பற்றிய புகழ்பாடி கவிதை எழுதத் தோன்றவில்லை.

கண்ணதாசன் காய் தேன் நிலா என்ற சொற்களில் சொல்லொண்ணா வியப்பெய்யும் விதத்தில் கவித்துவம் காட்டி இருப்பார்.

இன்று இக்கவிதை வாசித்ததும் கவிஞர் கண்ணதாசன் நினைவில் வந்து போனதை வியப்புடன் வியர்த்தேன்.. அழகாய் உமது கவியின் நயத்தைப் பெயர்த்தேன்..

இவ்வழகுக் கவிதைக்கு என்ன சன்மானம் வழங்குவது என திகைத்தேன்..

என்னாலியன்ற செயல் முன்னால் நின்று வாழ்த்துவதே..

அருமை அருமை அருமை... இதைத் தவிர வேறு சொல்லில்லை என்னிடத்தே..!

**சிவா** · **சிவா** Sat Jan 22, 2011 11:33 am

அருமை கமால்! கவிதைதாயி 677196

Sponsored content · Sponsored content

கவிதைதாயி

கவிதைதாயி

Re: கவிதைதாயி

Re: கவிதைதாயி

Re: கவிதைதாயி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக