ராஜா வழங்கும் - உதிர்ந்த முத்துகள்..!

by ARR Fri Jan 21, 2011 2:49 pm

First topic message reminder :

குழந்தை பிறப்பு முதல் பராமரிப்பு, கல்வி, மருத்துவம், திருமண உதவி
உள்ளிட்ட வாழ்க்கையின் அனைத்து தேவைகளுக்கும், தி.மு.க., அரசு, உதவி வழங்கி
வருகிறது. அடுத்தமுறை, வீடு தேடி உட்கார்ந்து சாப்பிடும் வகையில்,
பொதுமக்களுக்கு டிபன் கேரியரில் சாப்பாடு வழங்கும் அளவுக்கு, பல திட்டங்களை
கைவசம் வைத்துள்ளோம்.

தமிழக சட்டத்துறை அமைச்சர் துரைமுருகன்

by ARR Tue Jan 25, 2011 1:38 pm

""தி.மு.க., கூட்டணி குறித்து பேசியதற்கு, எல்லாம் தற்போது என்னால்
பதில் சொல்ல முடியாது. ஜெயலலிதா உள்ளிட்டோர் காலத்திற்கு
தகுந்தவாறு தங்களது நிலையை மாற்றியது போல நானும்,
கால சூழ்நிலைக்கு ஏற்றவாறு பேசுகிறேன்,''

முன்னாள் மத்திய அமைச்சர் இளங்கோவன்

by ARR Wed Jan 26, 2011 2:31 pm

தமிழக மீனவர்கள் மீது அடுத்தடுத்து நடந்த தாக்குதல்களை இலங்கை
கடற்படையினர் மேற்கொள்ளவில்லை. இது, நாங்கள் நடத்திய விசாரணையில்
தெரியவந்துள்ளது. எல்லை தாண்டி வரும் மீனவர்கள் மீது எந்தத் தாக்குதல்களையும்
நடத்த வேண்டாம் என கடற்படையினர் ஏற்கெனவே அறிவுறுத்தப்பட்டுள்ளனர்.

தமிழகத்தைச் சேர்ந்த 400-க்கும் மேற்பட்ட மீனவர்கள் தாக்குதல் சம்பவங்களில்
பலியாகியுள்ளனர். விடுதலைப் புலிகளும் ஒடுக்கப்பட்ட நிலையில்
தமிழக மீனவர்கள் மீது தாக்குதல் நடத்தியது யார் என்பது விசாரணையில்தான்
தெரிய வர வேண்டும்

இலங்கை அரசு தூதர் பிரசாத் காரியவம்ச

by ARR Wed Jan 26, 2011 2:31 pm

காங்கிரசில் இருந்தபோதும் சரி, இல்லாத போதும் சரி, என் மனம்,
தெலுங்கானா மக்களின் வேதனையையும், வேண்டுகோளையும்
பற்றியே சிந்தித்து வருகிறது. அவர்களுக்குத் தொடர்ந்து துரோகம்
இழைக்கப்படுகிறது. தெலுங்கானா மக்களின் போராட்டத்தைப்
பெரிதும் மதிக்கிறேன்; ஆதரிக்கிறேன். ஆனால், தனித் தெலுங்கானா
தேவைதானா என்பது பற்றிய என் உறுதியான நிலைப்பாட்டை
விரைவில் அறிவிப்பேன்.

ஆந்திரா, கடப்பா தொகுதி மாஜி எம்.பி., ஜெகன் மோகன் ரெட்டி

by ARR Wed Jan 26, 2011 2:31 pm

வீடற்றவர்களுக்கு வீடும், குடிசையில் உள்ளவர்களுக்கு பட்டாவும்
வழங்குவதற்கு மாறாக, சட்டசபை உறுப்பினர்களுக்கு, 50 ஆயிரம் ரூபாய்
சம்பளமும், சென்னையில் வீடும் அளிக்கும் தமிழக அரசின் திட்டத்தை,
மார்க்சிஸ்ட் கட்சி எதிர்த்ததுடன், சட்டசபையில் இருந்தும் வெளிநடப்பு
செய்தோம். எங்கள் கட்சி எம்.எல்.ஏ.,க்களுக்கு நிலம் ஒதுக்கினால்,
அதை திருப்பி அளிக்க முடிவு செய்துள்ளோம்.

மார்க்சிஸ்ட் எம்.எல்.ஏ., பாலபாரதி

by ARR Wed Jan 26, 2011 3:28 pm

லோக்சபா தேர்தலில் இருந்த கூட்டணி, சட்டசபை தேர்தலிலும் தொடரும்.
அதை விரிவுபடுத்தவும், வலிமைப்படுத்தவும், திட்டங்களை வகுத்து வருகிறோம்.
இதில், நல்ல முன்னேற்றம் உள்ளது. போட்டியிடும் இடங்களின் அடிப்படையில்,
கூட்டணி அமைக்கவில்லை. கூட்டணி அமைத்த பிறகே, அதுபற்றி பேசப்படும்.

இ.கம்யூ., மாநிலச் செயலர் தா.பாண்டியன்

by ARR Wed Jan 26, 2011 3:29 pm

தமிழர்களை காக்க நாம் போராட வேண்டிய காலகட்டம் வந்துவிட்டது.
இலங்கை கடற்படை நமது எல்லைக்கு வந்து, நமது மீனவர்களை
படுகொலை செய்கிறது. மத்திய அரசுக்கு தெரியாமல், நிச்சயம் இது
நடக்காது. தி.மு.க., அரசும் இதற்கு துணைபோகிறது. இந்த இரண்டு
ஆட்சிகளும் அகற்றப்பட்டால்தான், மீனவர் பிரச்னைக்கு தீர்வு காண
முடியும். மக்கள் அதற்கு தயாராக வேண்டும்.

இ.கம்யூ., மூத்த தலைவர் நல்லகண்ணு

by ARR Wed Jan 26, 2011 3:29 pm

தொண்டர்களின் நலன் கருதி, அ.தி.மு.க., அணியில் விஜயகாந்த்
சேர வேண்டும். ஏற்கனவே அவரது கட்சியினர், தேர்தல்களில்
போட்டியிட்டு பணத்தை இழந்துள்ளனர்.

அ.இ.மூ.மு.க., தலைவர் சேதுராமன்

by ARR Thu Jan 27, 2011 4:18 pm

கொள்ளையடிக்கும் மனம் படைத்தவர்கள், போக்குவரத்துக் கழகத்தை அழிக்க
முயற்சித்த போது, அதை எதிர்த்து போராட்டம், சிறைவாசம் அனைத்தையும்
தாங்கியவர்கள் தான் தொ.மு.ச.,வினர்.

தொ.மு.ச., பேரவையின் பொதுச் செயலர் சண்முகம்

by ARR Thu Jan 27, 2011 4:19 pm

பள்ளிகளில் 10ம் வகுப்பு வரை மலையாள மொழியை கட்டாய பாடமாக்க
தீர்மானிக்கப்பட்டுள்ளது. இதன் மூலம், அனைத்து மாணவர்களும் பள்ளியில்
மலையாள மொழியை படிக்கும் வாய்ப்பு ஏற்படும்.

கேரள முதல்வர் அச்சுதானந்தன்

by ARR Thu Jan 27, 2011 4:19 pm

தமிழக மீனவர்கள் கடலுக்கு செல்லும் போது, மீண்டும் கரை திரும்புவோமா என்ற அச்சத்துடன் செல்ல வேண்டிய நிலை உள்ளது. இலங்கை கடற்படையினரின் தாக்குதலால், தினமும் ஒரு மீனவப் பெண், விதவைக் கோலத்திற்கு தள்ளப்படுகிறாள்.

அகில இந்திய சமத்துவ மக்கள் கட்சி தலைவர் சரத்குமார்