அதிமுகவுக்கு ஆதரவாக பிரசாரம் செய்வீர்களா? நடிகர் விஜய் பதில்

அதிமுகவுக்கு ஆதரவாக பிரசாரம் செய்வீர்களா? நடிகர் விஜய் பதில்


சென்னை துறைமுகத்தில்
நடந்த வேலாயுதம் படப்பிடிப்பில் நடிகர் விஜய் கலந்துகொண்டார். அப்போது
செய்தியாளர்களை சந்தித்த அவர் கூறியதாவது,



காவலன் படத்தில்
சில மோசமான பிரச்சினைகளை சந்திக்க வேண்டியதிருந்தது. அந்த பிரச்சினைகளுக்கு
காரணம் யார், அது எங்கிருந்து வருகிறது, யார் தூண்டிவிடுகிறார்கள்? என்று
எனக்கு தெரியவில்லை. புது அனுபவமாக இருந்தது. பிரச்சினைக்கு காரணம்
தெரியவில்லை. இன்றுவரை அது புரியவில்லை. இதற்கு முன்பும் சில படங்களில்
பிரச்சினைகள் வந்தது உண்டு. பொருளாதார ரீதியாக பல படங்களுக்கு உதவி செய்து
இருக்கிறேன். பணம் பெரிய பிரச்சினையே அல்ல.



பிரச்சினைகள்
காரணமாக, காவலன் படத்தை ஜனவரி 14ந் தேதி கொண்டுவர முடியவில்லை. என்றாலும்,
அந்த பிரச்சினைகளை எல்லாம் தாண்டி காவலன்' படத்துக்கு மக்கள் வரவேற்பு
கொடுத்து இருக்கிறார்கள். தமிழ்நாடு முழுவதும் 350 தியேட்டர்களில் படம்
ஓடிக்கொண்டிருக்கிறது. கஷ்டமான சூழ்நிலையில், என் கூட இருந்து உதவி
செய்தவர்களுக்கும், ரசிகர்களுக்கும் நன்றி என்றார்.



பின்னர் செய்தியாளர்களின் கேள்விகளுக்கு பதில் அளித்தார்.



கேள்வி:
உங்கள் தந்தை எஸ்.ஏ.சந்திரசேகரன், ஜெயலலிதாவை சந்தித்து பேசியபின்,
அரசியலில் உங்களை சம்பந்தப்படுத்தி பரபரப்பான தகவல்கள் பேசப்படுகிறதே?



பதில்:
ஜெயலலிதா அம்மாவை சந்திப்பதற்கு எங்களுக்கு ஒரு சந்தர்ப்பம் கிடைத்தது.
சந்தித்தோம். அது எல்லோருக்கும் கிடைக்காது. இதற்கு முன்பு ராகுல்காந்தியை
நான் சந்தித்ததும் இதுபோல்தான் அமைந்தது.



கேள்வி: வரப்போகிற தேர்தலில் நீங்கள் அரசியலில் ஈடுபடப்போவதாக பேச்சு அடிபடுகிறதே?



பதில்:
அதற்கு இது சரியான நேரம் அல்ல. ஒரு நடிகராக நான் மக்களுக்கு அறிமுகமானேன்.
இவ்வளவு பெரிய வரவேற்பு கிடைக்கும் என்று எதிர்பார்க்கவில்லை.



கேள்வி: காவலன்' படத்தில் ஏற்பட்ட பிரச்சினைகள், உங்களை அரசியலில் ஈடுபடும்படி தூண்டுவதாக கருதுகிறீர்களா?



பதில்: அந்த பிரச்சினைகளுக்கும், அரசியலுக்கும் முடிச்சு போட வேண்டாம்.



கேள்வி:
விஜய் அ.தி.மு.க. கூட்டணியை ஆதரித்து பிரசாரம் செய்வாரா? என்று
ஜெயலலிதாவிடம் கேட்டதற்கு, அதை அவரிடம்தான் கேட்க வேண்டும் என்று ஜெயலலிதா
பதில் அளித்து இருக்கிறாரே...வருகிற தேர்தலில், அவருக்கு ஆதரவாக நீங்கள்
பிரசாரம் செய்வீர்களா?



பதில்: அதுபற்றி நான் இன்னும் முடிவு செய்யவில்லை.



கேள்வி: 3 இடியட்ஸ்' படத்தில் நீங்கள் ஏன் நடிக்கவில்லை?



பதில்:
ஒரே நேரத்தில் வேலாயுதம்,' 3 இடியட்ஸ்' ஆகிய இரண்டு படங்களிலும் நடிக்க
முடியவில்லை என்பதுதான் உண்மை. வெளியே பல காரணங்களை பேசிக்கொள்கிறார்கள்.
அதெல்லாம் உண்மை இல்லை. எனக்கு யாருடனும் எந்த பிரச்சினையும் கிடையாது.



கேள்வி: வேலாயுதம் படம் எந்த அளவில் உள்ளது?



பதில்:
தயாரிப்பாளர் ஆஸ்கார் பிலிம்ஸ் ரவிச்சந்திரன், டைரக்டர் ஜெயம் ராஜா
ஆகியோரின் ஒத்துழைப்புடன் படம் 50 சதவீதம் வளர்ந்து இருக்கிறது. இனிமேல்
வருடத்துக்கு ஒரு சண்டை படத்திலும், கதைக்கும் கதாபாத்திரத்துக்கும்
முக்கியத்துவம் உள்ள படத்திலும் நடிக்க திட்டமிட்டு இருக்கிறேன் என்றார்.

விஜய் தெளிவாத்தான் இருக்கார்

விஜய் இயற்கையில் அமைதியானவர் அவரை கிட்டத் தட்ட காமெடியன் போல ஒருசிலர் செய்து விட்டாலும் அமைதியாகச் சிந்திக்கும் திறனை விஜய் இழக்கவில்லை என்பது அவரது இந்த பேட்டியின் மூலம் தெரியவருகிறது.

யார் கண்டார்கள்..? அமைதியான அந்த மனிதனைச் சீண்டி விட்டு பெருமாளாக்கி விட்டாலும் விடுவார்கள் ...!