எயிட்ஸ் நோயும் புதிய மருந்தும்

by தாமு Fri Jan 21, 2011 5:50 am

உலகை அச்சுறுத்தும் எய்ட்ஸ் நோயைக் குணப்படுத்த புதிய சிகிச்சை முறை ஒன்றை இஸ்ரேல் விஞ்ஞானிகள் கண்டு பிடித்து காப்புரிமைக்கு விண்ணப்பித்துள்ளனர்.

எய்ட்ஸ் நோய் HIV என்னும் வைரஸ் கிருமிகளால் ஏற்படுகின்றது. இந் நோய் பாதித்த ஒருவரின் உடலின் ஆரோக்கியமான செல்களை விட்டுவிட்டு ஏச்ஐவி வைரஸ் கிருமிகள் பாதித்த செல்களை மட்டும் அழிக்கும் புதிய வழியைத் விஞ்ஞானிகள் கண்டு பிடித்துள்ளனர்.

இந்த புதிய முறையில் ஆராய்ச்சியாளர்கள் தாங்கள் உருவாக்கிய பெப்டைட் என்ற புரதங்களை, எயிட்ஸினால் பாதித்தவரின் உடலுக்குள் செலுத்துகிறார்கள். இந்த புரதங்கள் ஏச்ஐவியினால் பாதிக்கப் பெற்ற செல்களை சூழ்ந்து கொண்டு அவற்றின் பெருக்கத்தைக் கட்டுப் படுத்துகிறது. அத்தோடு அந்த செல்களை மட்டும் பிரித்து அழித்து விடுகின்றது. இந்த முறையில் ஏச்ஐவி1 பாதித்த செல்களை எழிதில் அழித்துவிடலாம்.

மேலும் இம் முறையை பொதுவான வைரஸ் நோய் சிகிச்சைக்கும் பயன்படுத்த முடியும் என்கிறார்கள் ஆராய்ச்சியாளர்கள். சாதாரணமாக உடலில் நுளைந்த வைரஸ்களை அழிக்கவே மருந்துகள் செலுத்தப்படும். ஆனால் இந்த பெப்டைட் சிகிச்சையில் வைரஸ் பாதித்த செல்கள் மட்டும் அழிக்கப்படுகின்றது என்றும் கூறுகிறார்கள்.

தற்பொழுது ஆய்வு நிலையில் இருக்கும் இந்த புதுமுறை நீண்ட சோதனைகளுக்கு பின்னரே எயிட்ஸ் நோயை குணப்படுத்த பயன்படுத்தப்படும். இத் தகவல் எயிட்ஸ் ஆராய்ச்சி மற்றும் சிகிச்சை மருத்துவ பத்திரிகையில் வெளியிடப்பட்டுள்ளது.

எயிட்ஸ் நோயானது மனிதர்களின் நோயெதிர்ப்பு சக்தியின் பயன்பாட்டளவை படிப்படியாகக் குறைத்து, வாய்ப்பை எதிர்நோக்கிய நோய்த் தொற்றுகளுக்கும், புற்று நோய்க்கும் அவர்களை உட்படுத்துகிறது. உடலில் உள்ள படர் ஜவ்வுப் படலமோ அல்லது நோய் தொற்றியவ்ர்ரின் இரத்தம், விந்து, யோனிமடற் கழிவு,முன் விந்துத் திரவம் அல்லது தாய்ப்பால் போன்ற உடல் திரவங்களோடு நேரடித் தொடர்பு கொள்ளும் போது ஹெச்ஐவி வைரஸ் தொற்றுகின்றது.

இத்தகைய நோய்ப்பரப்புதல் ஆசனவாய், யோனிக் குழாய் அல்லது வாய் வழி கொள்ளும் உடலுறவினாலோ, இரத்ததானத்தினாலோ, கிருமிபாதித்த ஊசிகளின் உபயோகத்தினாலோ, அல்லது தாயிடமிருந்து குழந்தைக்கு கருத்தரிப்பு, பிரசவம், பாலூட்டுதல் போன்றவைகளினாலோ அல்லது வேறெந்த வகையிலாவது மேற்சொன்ன உடல் திரவங்கள் சேரும் பொழுதே ஏற்படக்கூடும்.

எயிட்ஸ் தற்பொழுது பரவல் தொற்று நோயாகும். 2007 இல் உலகமெங்கும் 33.2 மில்லியன் மக்கள் எயிட்நோயோடு வாழ்ந்து கொண்டிருப்பதாகவும் 330,000 குழந்தைகள் உட்பட 2.1 மில்லியன் மக்கள் இந்நோயினால் கொல்லப்பட்டிருப்பதாகவும் கணிக்கப்பட்டது. இம்மரணங்களில் நான்கில் மூன்று பகுதி ஆப்பிரிக்காவின் சஹாராவுக்கருகில் ஏற்பட்டு பொருளாதார வளர்ச்சியைக் குறைத்து மனித மூலதனத்தை சிதைத்திருக்கிறது.

எயிட்ஸ் நோயுற்றவரின் உடற் திரவங்களுடன் தொடர்பு ஏற்பட்ட எவரையுமே இந்நோய் தாக்கக்கூடும்.

ஆனால் கீழ்க் கண்டவர்களுக்கு எயிட்ஸ் நோய் தொற்றுவதற்கான சந்தர்ப்பங்கள் அதிகம்.

கொனரியா (Gonorrohoea), சிபிலிஸ் (Syphilis), ஹெர்பீஸ் (Herpes) போன்ற ஏனைய பாலியல் நோய் உள்ளவர்களுக்கும்,

பாலியல் உறுப்புகளில் சிறுகாயங்கள், உரசல்கள் உள்ளவர்களுக்கும். பலரோடு உடலுறவு வைப்பவர்களுக்கு,

விபசாரிகளுக்கு (ஆண்/ பெண்)

கிருமி நீக்கம் செய்யப்படாத ஊசிகள் ஏற்றப்பெறும் நோயாளியாகவும், போதை மருந்துகளை ஊசிமூலம் ஏற்றுபவராகவும், அறியாதவரிடம் இருந்து பெற்ற இரத்தத்தைப் பெறும் நோயாளியாகவும், பலரோடு உடலுறவு வைப்பவராகவும் ஆகாமல் இருக்க நீங்கள் திடசங்கற்பம் கொள்ளுங்கள்