பயணம்-சுந்தர்ஜிபிரகாஷ்

அன்பு தளபதி · அன்பு தளபதி Fri Jan 21, 2011 1:44 pm

I
எதையெதையெல்லாமோ
எடுத்துப்போகிறோம்
தேவைப்படலாமென.
எதுவுமே
தேவையற்றுப்போவதாக
முடிவுற்று
நிறைகிறது பயணம்.
II
எதுவும் பேசமுடிவதில்லை
பயணிக்கையில்.
பேசாதும்
இருக்கமுடிவதில்லை
வாழமுடியாத போதும்
வாழ்ந்தபடி இருப்பது போல.
III
வாழமுடியாத போதும்
வாழ்கிறோம்.
செல்ல விரும்பாதபோதும்
செல்கிறோம்.
வாழ்க்கை நம் கையில்
என்றாலும்
வாழ்வதும் செல்வதும்
நம் கையில் இல்லை.
IV
பயணங்கள்
துறவிகளை உருவாக்குகின்றன.
அதன்பின்
பயணங்களைத்
துறவிகள் உருவாக்குகின்றனர்.
உணரமுடிவதில்லை
துறவிகளுக்குள் நீளும்
பயணங்களையும்
நதிகளுக்கடியில்
உருளும் கற்களையும்.

கலைவேந்தன் · கலைவேந்தன் Fri Jan 21, 2011 7:15 pm

தலை சிறந்த படிமக்கவிதையாக அமைந்துள்ளது. இங்கே பயணம் என்பது வாழ்க்கையைக் குறித்து நிலையாமையையும் மாயையையும் மிக அழகாக வழங்கி இருக்கிறார்.

பகிர்வுக்கு மிக்க நன்றி மணி..!

பயணம்-சுந்தர்ஜிபிரகாஷ்

பயணம்-சுந்தர்ஜிபிரகாஷ்

Re: பயணம்-சுந்தர்ஜிபிரகாஷ்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக