வாலிபனே

mkamal · mkamal Fri Jan 21, 2011 11:58 am

வாலிபனே....
பி.எம் கமால், கடையநல்லூர்)
ஆளப் பிறந்த
என்
அன்புத் தமிழ்
வாலிபனே !
வாலிப அட்சய
பாத்திரத்தை உன்
வலக்கையில்
வைத்துக்கொண்டு
விளம்பரகளில் நீ
"வீரியம்" தேடுகின்றாய் !

சாதிக்க உன்னிடம்
சக்தி இருக்கிறது !
நீயோ-
ஆதிக்க அரசியல்
அழுக்குத் தடாகத்தில்
மூச்சடக்கி அல்லவா
மூழ்கிப் போகிறாய் ?

ஆதியிலே வந்தது
நம்
அழகுத் தமிழ்ச் சாதி !
பாதியிலே வந்தவர்கள்
பயங்காட்ட நீயும்
அடங்கிக் கிடப்பதுவா
உன்
ஆண்மைக்கு அடையாளம் ?

குனிந்து நடப்பது
குமரிப் பெண்ணுக்கு
அழகென்றால்
நிமிர்ந்து நடப்பது உன்
நேர்மைக்கு அழகல்லவா ?

நீ
குனிந்து நடந்தால்
குப்புற விழுந்திடுவாய் !
நிமிர்ந்து நடக்க வந்தால்
நிச்ச்யமாய் உலகம்
உன்
காலடியில் வந்து
கவிழ்ந்து விழுந்துவிடும் !

சரணாகதி உனக்கு
முரணாகி விடவேண்டும் !
நம்
தமிழினத்தை
அரணாக நீ நின்று
ஆதரிக்க வரவேண்டும் !

உனக்கென்று ஒருநாடு
இல்லாத காரணத்தால்
உலகத்தின் முடுக்குகளில்
உதை வாங்கிச் சாகின்றாய் !

அடக்கி ஆள்வதற்கு
அகிலத்தில் பிறந்தவனே !
உன்னை
முடக்கி ஆள்பவனை
மூச்சடங்கச் செய்துவிடு !

திசையெல்லாம் தேந்தமிழின்
இசைபாட வைப்பதற்கு
விசையோடு புறப்பட்டு
வீதிக்கு வந்துவிடு !

sakir · sakir Fri Jan 21, 2011 12:19 pm

அடக்கி ஆள்வதற்கு
அகிலத்தில் பிறந்தவனே !
உன்னை
முடக்கி ஆள்பவனை
மூச்சடங்கச் செய்துவிடு !

திசையெல்லாம் தேந்தமிழின்
இசைபாட வைப்பதற்கு
விசையோடு புறப்பட்டு
வீதிக்கு வந்துவிடு !

முத்தம்