ஆ. ராசா எந்த தவறும் செய்யவில்லை-மு.க. ஸ்டாலின்

ரபீக் · ரபீக் Thu Jan 20, 2011 6:51 am

ஸ்பெக்ரம் விவகாரத்தில் முன்னாள் மத்திய அமைச்சர் ஆ. ராசா எந்த தவறும் செய்யவில்லை என தமிழக துணை முதல்வர் மு.க. ஸ்டாலின் உறுதிபட தெரிவித்துள்ளார்.

கரூர் மாவட்டம், புகளூரில் உள்ள தமிழ்நாடு செய்தித்தாள் காகித நிறுவன ஆலையில் அதிநவீன மூன்றாவது காகித உற்பத்தி இயந்திரம் நிறுவப்பட்டுள்ளது. இதை காணொலிக் காட்சி மூலம் தமிழக முதல்வர் கருணாநிதி துவக்கி வைத்தார்.

இதனையடுத்து ஆலை வளாகத்தில் நடைபெற்ற விழாவில் பயனாளிகளுக்கு பல்வேறு நலத்திட்ட உதவிகளை தமிழக துணை முதல்வர் மு.க. ஸ்டாலின் வழங்கினார்.

பின்பு இரவு கரூர் நகர பகுதியில் உள்ள திருவள்ளுவர் விளையாட்டுத்திடலில் திமுக அரசின் சாதனை விளக்கக் கூட்டம் நடைபெற்றது. இதில் மு.க. ஸ்டாலின் கலந்து கொண்டு பேசியதாவது,

தமிழகத்தில் தேர்தல் நேரத்தின் போது எத்தனையோ கட்சிகள் வரலாம். பல வாக்குறுதிகளை தரலாம். தேர்தல் முடிந்து ஆட்சிக்கு வருவதும், வராமல் போவதும் வேறு விஷயம். ஆனால் அவைகள் தேர்தல் முடிந்த பின்பு மக்களுக்கு கொடுத்த வாக்குறுதிகளை பின்பற்றுகின்றதா என்றால் அது தான் இல்லை.

ஆனால் தேர்தல் நேரத்தில் திமுக மக்களுக்கு கொடுத்த வாக்குறுதிகளை 100 க்கு 100 சதவீதம் நிறைவேற்றியுள்ளது. இதனால் மக்கள் மத்தியில் தி்முகவிற்கு செல்வாக்கு கூடியுள்ளது. எனவே, திமுக-வை யாராலும் அசைக்கக் கூட முடியாது.

ஸ்பெக்ட்ரம் விவகாரத்தில் தணிக்கைத்துறை அதிகாரிகளே அதை ஊழல் என்று கூறவில்லை இழப்பு தான் என்று குறிப்பிட்டுள்ளனர். அதை புரிந்து கொள்ளாமல் எதிர்க் கட்சிகள் எல்லாம் ஒன்று சேர்ந்து ஊழல் என்று பேசி வருகின்றன.

உதாரணத்திற்கு மத்திய அரசிடம் ரூ. 15. 50க்கு அரிசி வாங்கி குடும்ப அட்டைதாரர்களுக்கு ஒரு ரூபாய்க்கு ஒரு கிலோ அரிசி வழங்கி வருகின்றோம். இதனால் அரசுக்கு எத்தனையோ கோடி இழப்பு ஏற்படுகிறது. இதற்கு பெயர் ஊழலா? இது போன்று தான் ஸ்பெக்ட்ரம் விவகாரத்திலும் நடைபெற்றுள்ளது. இன்று நான் உறுதியாக கூறுகின்றேன். ராசா எந்த தவறும் செய்யவில்லை.

எங்கள் ஆட்சியில் ஊழல், ஊழல் என்று சொல்லும் ஜெயலலிதா தான் பெங்களூரில் நடந்து வரும் சொத்து குவிப்பு வழக்கில் வாய்தா மேல் வாய்தா வாங்கி காலம் கடத்தி வருகிறார் என்றார்.

தேர்தல் நிதியாக கரூர் மாவட்ட திமுக சார்பில் ரூ. 1 கோடியே 1 லட்ச ரூபாப் திமுக பொருளாளர் மு.க. ஸ்டாலினிடம் வழங்கப்பட்டது

தட்ஸ்தமிழ்

உதயசுதா · உதயசுதா Thu Jan 20, 2011 8:48 am

ஆமா, ஆமா, ராசவும் எந்த தப்பும் பண்ணலையே,இதுல தி,மு.க.தலைவர்
கருணாநிதியோட குடும்பத்துக்கு எந்த பங்கும் கிடைக்களை.
மொத்தத்தில் ஸ்பெக்ட்ரம் ஊழலே நடக்கலை.நாங்க எதுவும் பேப்பரில்
படிக்கலை.அதனலா நீங்க கவலை படாதீங்க

வெங்கட் · வெங்கட் Thu Jan 20, 2011 9:36 am

ரபீக் wrote:
உதாரணத்திற்கு மத்திய அரசிடம் ரூ. 15. 50க்கு அரிசி வாங்கி குடும்ப அட்டைதாரர்களுக்கு ஒரு ரூபாய்க்கு ஒரு கிலோ அரிசி வழங்கி வருகின்றோம். இதனால் அரசுக்கு எத்தனையோ கோடி இழப்பு ஏற்படுகிறது. இதற்கு பெயர் ஊழலா? இது போன்று தான் ஸ்பெக்ட்ரம் விவகாரத்திலும் நடைபெற்றுள்ளது.

ஆஹா என்ன ஒரு ஒப்பீடு!!! 176000 கோடி ஒரு சில அரிசிமணிகளுக்கு சமமாகிவிட்டது. என்னே ஒரு சமத்துவம்.!!

வரி செலுத்திய மக்களுக்கு மானியமாக திரும்பச் செல்லும் மிகச்சிறிய பலனும், சரியான முகவரியைக்கூட கொடுக்காத வெளிநாட்டுக்கம்பெனிக்கு ஆதாய நோக்கில் தரப்பட்ட கழிவுவிலை ஒப்பந்தமும் ஒன்றாகிவிட்டது.

வேணு · வேணு Thu Jan 20, 2011 10:50 am

உதயசுதா wrote:ஆமா, ஆமா, ராசவும் எந்த தப்பும் பண்ணலையே,இதுல தி,மு.க.தலைவர்
கருணாநிதியோட குடும்பத்துக்கு எந்த பங்கும் கிடைக்களை.
மொத்தத்தில் ஸ்பெக்ட்ரம் ஊழலே நடக்கலை.நாங்க எதுவும் பேப்பரில்
படிக்கலை.அதனலா நீங்க கவலை படாதீங்க

பூஜிதா · பூஜிதா Thu Jan 20, 2011 11:00 am

உதயசுதா wrote:ஆமா, ஆமா, ராசவும் எந்த தப்பும் பண்ணலையே,இதுல தி,மு.க.தலைவர்
கருணாநிதியோட குடும்பத்துக்கு எந்த பங்கும் கிடைக்களை.
மொத்தத்தில் ஸ்பெக்ட்ரம் ஊழலே நடக்கலை.நாங்க எதுவும் பேப்பரில்
படிக்கலை.அதனலா நீங்க கவலை படாதீங்க