சிறுத்தை படத்தின் திருட்டு டி.வி.டி.கள் போலீஸ் கமிஷனரிடம், நடிகர் கார்த்தி புகார்

சென்னை, ஜன.20- `சிறுத்தை' படத்தின் திருட்டு டி.வி.டி.கள் வெளியானது குறித்து, சென்னை போலீஸ் கமிஷனர் அலுவலகத்தில் அந்த படத்தின் கதாநாயகன் நடிகர் கார்த்தி புகார் செய்தார்.

வந்த வேகத்தில்

ஞானவேல்ராஜா தயாரிப்பில், நடிகர் கார்த்தி நடித்த `சிறுத்தை' சினிமா படம் கடந்த பொங்கல் தினத்தன்று தியேட்டர்களில் வெளியானது. படம் வந்த வேகத்தில் அதன் திருட்டு டி.வி.டி.களும் வெளியாகிவிட்டன.

இதுகுறித்து புகார் கொடுப்பதற்காக சென்னை போலீஸ் கமிஷனர் அலுவலகத்துக்கு நடிகர் கார்த்தி மற்றும் படத்தயாரிப்பாளர் ஞானவேல்ராஜா ஆகியோர் நேற்று பிற்பகலில் வந்திருந்தனர். அங்கு நிருபர்களுக்கு, கார்த்தி அளித்த பேட்டி வருமாறு:-

தியேட்டர் பிரிண்ட்

`சிறுத்தை' படம் வெளியாகி 4 நாட்கள் கூட ஆகவில்லை. தற்போது அதன் திருட்டி டி.வி.டி.களை வெளியிட்டுள்ளனர். கல்லூரி வாசல், கோவில் வாயில் என எல்லா இடங்களிலும் இந்த டி.வி.டி.கள் விற்பனை செய்யப்படுகின்றன. அதன் ஆதாரமாக நாங்களும் அந்த டி.வி.டி.களை வாங்கிக் கொண்டு வந்திருக்கிறோம்.

மக்கள் மத்தியில் மிகப்பெரிய வரவேற்பை `சிறுத்தை' பெற்றுள்ளது. குழந்தைகள் முதல் பெரியவர்கள் வரை அனைத்து தரப்பினரும் இந்தப்படத்தை ரசிக்கின்றனர். இந்த நேரத்தில் தியேட்டரில் திருட்டுத்தனமாக படம் பிடித்து அதை சி.டி.யாக்கி வெளியே விற்கின்றனர். இணைய தளத்திலும் வெளியிட்டுவிட்டனர்.

உரிய நடவடிக்கை

இந்த படத்தை எதிர்ப்பவர்கள் யாரும் இப்படி செய்ததாக கூற முடியாது. ஏனென்றால் மற்ற படங்களின் திருட்டு டி.வி.டி.களும் வெளியிடப்பட்டு உள்ளன. நான், ராக்கெட் ராஜா என்ற பெயரில் நடித்தது பற்றி கோர்ட்டில் வழக்கு தொடரப்பட்டுள்ளது. விவகாரம் கோர்ட்டில் இருப்பதால் அதுபற்றி கருத்து சொல்ல விரும்பவில்லை.

திருட்டி டி.வி.டி. விவகாரம் சினிமா துறையில் பெரிய பிரச்சினையாக எழுந்துள்ளது. எதையாவது செய்து அந்த குற்றத்தை ஒழிக்க வேண்டும். இதுபற்றி கமிஷனரிடம் கூறினோம். பெட்டிக்கடைகளில் கூட சகஜமாக திருட்டி டி.வி.டி.கள் கிடைப்பது பற்றி தெரிவித்தோம். உரிய நடவடிக்கை எடுப்பதாக கமிஷனர் தெரிவித்தார்.

இவ்வாறு அவர் கூறினார்.

தினதந்தி!

ராக்கெட் ராஜா................

கோலாலம்பூர் பிரிக்பீல்ட்ஸ் லிட்டில் இந்தியாவில் இரண்டு கடைகளில் மேற்கண்டவாறு டிவிடிகள் இரண்டு நாட்களுக்கு முன்னரே வந்து அமோகமாக விற்பனையாகிறது.

பி.கு: 200 மீட்டர் தூரத்தில்தான் பிரிக்பீல்ட்ஸ் காவல் நிலையம் உள்ளது!

எண்ணா ஒரு டெக்னாலஜி ...... இந்த கொடும பட்டதாளம் தியேட்டர் ல பார்க்க முடியல... எப்படிதான் சிவா அண்ணே வீட்ல பாக்குரிங்க....

நானும் படத்தை பார்த்துட்டேன் ,,,,,,,(திருட்டு வி சி டி )