யாழ்-காங்கேசன் துறை வீதியில் கடும்சோதனை

நிசாந்தன் · நிசாந்தன் Wed Jan 19, 2011 9:55 am

யாழ்ப்பாணம் - காங்கேசன்துறை வீதியில் பயணித்த வாகனங்கள் அனைத்தும் இடைமறிக்கப்பட்டு படையினரால் சோதனையிடப்பட்டுள்ளன. நேற்றுக்காலை யாழ்ப்பாணம் - காங்கேசன்துறை வீதியில் பயணித்த அனைத்து வாகனங்களும் இணுவில் வைத்தியசாலைக்கு முன்பாக இடைமறிக்கப்பட்டதுடன், வாகனங்களில் பயணித்தவர்கள் அனைவரும் இறக்கப்பட்டு சோதனை நடவடிக்கைகள் படையினரால் மேற்கொள்ளப்பட்டன.

இதனால் பாடசாலைக்கு செல்லும் மாணவர்களும் ஆசிரியர்களும் மற்றும் அரச அலுவலர்கள் உரிய இடங்களுக்கு செல்வதில் சற்று நேர தாமதமானது. திங்கட்கிழமை இரவு மானிப்பாயில் இடம்பெற்ற துப்பாக்கிச் சூட்டைத் தொடர்ந்து இந்த சோதனை நடவடிக்கை மேற்கொள்ளப்பட்டதாகத் சில தகவல்கள் தெரிவிக்கப்படுகிறது. வழமையாக யாழ்ப்பாணத்தில் இடம்பெறும் கொலை மற்றும் கொள்ளைச் சம்பவங்களுக்காக பொலிசாரோ இல்லை இராணுவத்தினரே இவ்வாறு வீதியோரச் சோதனைகளை மேற்கொள்வது இல்லை.

ஆனால் மானிப்பாயில் இடம்பெற்ற சம்பவத்தால் ஏன் இராணுவம் பீதியடைந்துள்ளது என்பதே புரியாத புதிராக உள்ளது என்கிறார்கள் யாழ் வாசிகள்.