பிரித்தானியா ஒரு ஏமாற்றுப் பேர்வழி

by நிசாந்தன் Wed Jan 19, 2011 12:06 am

பிரித்தானிய அரசாங்கத்தினால் அண்மையில் விடுக்கப்பட்ட பயண எச்சரிக்கைக்கு இலங்கை அரசாங்கம் கடும் எதிர்ப்பை வெளியிட்டுள்ளது. இலங்கையில் தமிழீழ விடுதலைப் புலி அச்சுறுத்தல் காணப்படுவதாக வெளியாகும் கருத்துக்களில் எவ்வித உண்மையும் கிடையாது எனவும் பிரித்தானியா ஒரு ஏமாற்றுப்பேர்வழி, இவ்வாறான எச்சரிக்கையை விட முன் இலங்கை அரசுடன் கலந்தாலோசித்திருக்க வேண்டுமென இலங்கை பிரதமர் தெரிவித்துள்ளார்.

இலங்கையில் பொதுவாக பயங்கரவாத அச்சுறுத்தல் காணப்படுவதாக கடந்த வெள்ளிக்கிழமை பிரித்தானியா வெளியிட்டுள்ள பயண எச்சரிக்கையில் தெரிவிக்கப்பட்டிருந்தது. வெள்ள அனர்த்தம் மற்றும் பன்றிக்காய்ச்சல் தொடர்பில் விடுக்கப்பட்ட பயண எச்சரிக்கையின் ஒரு பகுதியில் பயங்கரவாத அச்சுறுத்தல் குறித்தும் சுட்டிக்காட்டப்பட்டிருந்தது.

தமிழீழ விடுதலைப் புலிகளை தோற்கடித்துவிட்டோம் என இலங்கை அரசாங்கம் கூறிக்கொண்டு வரவு செலவு திட்டத்தில் பாதுகாப்புக்கு அதிகநிதியை ஒதுக்கியுள்ளதுடன் பாராளுமன்றத்தில் தொடர்ச்சியாக அவசரகாலச் சட்டத்தை நீடித்து வருவதாகவும் பிரித்தானியா கூறியுள்ளதுடன், தாக்குதல் அபாயத்தை முற்று முழுதாக நிராகரிக்க முடியாதென தெரிவித்துள்ளது.

ஆனால் பிரதமரோ நம்மில் சிலரும் சில தொண்டு நிறுவனங்களும் வெளி நாடுகளை தவறான வழியில் நடத்தி வருவதுடன் யாழ்பாணத்தில் இடம்பெறும் சம்பவங்கள் வடக்கிலுள்ள அரசியல் கட்சிகளுக்கிடையில் உள்ள பிளவால் இடம்பேறுவதாகவும் குற்றம் சுமத்தியுள்ளார்.