மட்டன் குழம்பு

**சிவா** · **சிவா** Tue Jan 18, 2011 11:53 am

தேவையானவை

கொத்தமல்லி விதை - 20 கிராம்
சீரகம், மிளகு - சிறிதளவு
மிளகாய் வற்றல் - காரத்திற்கேற்ப
பூண்டு, இஞ்சி - சிறிதளவு
தேங்காய் - அரை மூடி
மட்டன் - அரை கிலோ
முருங்கைக்காய் - 150 கிராம்
உருளைக்கிழங்கு - ஒன்று
மஞ்சள் தூள் - சிறிதளவு
எண்ணெய் - 100 மில்லி
சிறிய வெங்காயம் - 100 கிராம்
பெரிய வெங்காயம் - 100 கிராம்
நாட்டு தக்காளி - 100 கிராம்
மிளகாய்ப் பொடி - ஒரு டேபிள் ஸ்பூன்
தயிர் - 100 மில்லி

செய்முறை

வாணலியில் மிளகு, சீரகம், கொத்தமல்லி விதை, மிளகாய் வற்றல் சேர்த்து வறுக்க வேண்டும். இதனுடன் தேங்காய் சேர்த்து அரைக்க வேண்டும். பூண்டு, இஞ்சியை விழுதாக அரைக்கவும். இறைச்சியுடன், மஞ்சள், மிளகாய்ப்பொடி, உப்பு, தயிர் சேர்த்து 20 நிமிடம் ஊறவைக்க வேண்டும். இதனால் இறைச்சி மிருதுவாகி விடும். வெங்காயம், தக்காளி, உருளைக்கிழங்கு, முருங்கைக்காயை வெட்டி வைக்க வேண்டும். வாணலியில் எண்ணெய் ஊற்றி சிறிய, பெரிய வெங்காயத்தை வதக்க வேண்டும். இதனுடன் தக்காளி, இஞ்சி, பூண்டு விழுது சேர்த்து பச்சை வாசனை போகும் வரை வதக்க வேண்டும். உருளைக்கிழங்கு, முருங்கைக்காய், மசாலா கலவை, தண்ணீர், உப்பு சேர்த்து கொதிக்க விடவேண்டும். கொதிக்கும் போது இறைச்சியை சேர்த்து 10 முதல் 15 நிமிடங்கள் வேகவிட வேண்டும். தேவைப்பட்டால் கடுகு, உளுந்து தாளித்து கொள்ளலாம். வீட்டிலேயே சுவைமிகு மட்டன் குழம்பு தயார்.

மதுரை சங்கம் ஓட்டல் சமையல் நிபுணர் நாகராஜன்.

SK · SK Tue Jan 18, 2011 12:22 pm

இதை படித்த உடனே பசி எடுக்க ஆரம்பிதுவிட்டது

**சிவா** · **சிவா** Tue Jan 18, 2011 12:26 pm

SK wrote:இதை படித்த உடனே பசி எடுக்க ஆரம்பிதுவிட்டது

குறிப்பைப் படித்ததுமே பசியெடுக்கிறதா, சமைத்து வைத்தால்? மட்டன் குழம்பு 865843

SK · SK Tue Jan 18, 2011 3:58 pm

சிவா wrote:
SK wrote:இதை படித்த உடனே பசி எடுக்க ஆரம்பிதுவிட்டது

குறிப்பைப் படித்ததுமே பசியெடுக்கிறதா, சமைத்து வைத்தால்?

சாப்ட்டுவிட்டு தூங்கிவிடுவேன்

கலைவேந்தன் · கலைவேந்தன் Tue Jan 18, 2011 8:36 pm

அதெல்லாம் சரி... அரைக்கிலோ மட்டன் என்னத்துக்கு தாங்கும்...? ஜாலி

- முழு ஆட்டுபிரியன்.

மஞ்சுபாஷிணி · மஞ்சுபாஷிணி Tue Jan 18, 2011 9:10 pm

இந்த வார விடுமுறைக்கு இந்த ரெசிப்பியே செய்துடலாம்...

பகிர்வுக்கு அன்பு நன்றிகள் சிவா....

அசுரன் · அசுரன் Sun Apr 24, 2011 10:24 am

இன்னைக்கு நான் தான் சமையல். அதான் மட்டன் குழம்பு வைப்பது எப்படி என்று பார்க்கிறேன் புன்னகை

பூஜிதா · பூஜிதா Thu Apr 28, 2011 10:44 am

எனக்கு சமைக்க தெரியும் பைத்தியம்

Sponsored content · Sponsored content

மட்டன் குழம்பு

மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

Re: மட்டன் குழம்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக