தைமகள்

by Thanjaavooraan Mon Jan 17, 2011 3:59 pm

தைமகள்

பச்சிளம் குழந்தைகள
பச்சரிசி போலிட்டு
பெத்தவள வெறகாக்கி
பொங்குது பொங்கலங்கே!

கும்பி கொதிக்குதய்யா - ஈர
கொல நடுங்குதையா
தேம்பி அழுகுதய்யா
எ சனம்
தெருவுல நிக்குதய்யா

போதி மரம் இப்ப
கழுமரமாப் போனதய்யா
போதிமரக் கெள ஒன்னு
புத்தன் தல விழுந்ததய்யா

தண்ணீர் தேசம் தந்த
தமிழ்ப் பெருங்கவியே
எங்க
கண்ணீர் தேசம் பத்தி
கண்டுக்காம போயிட்டீரே,

கலைஞர் காவியம்
பாடும் கவிஞர்களே
ஈழத்து
இளைஞர் காவியத்த
ஏன் மறந்து போனீரோ.

கழுத்த இறுக்கும்
பாசக்கயிறு போல
உம்ம

எழுத்த இறுக்கியதோ
காசுக்கயிறு

கவிஞர்களே...கவிஞர்களே...
தமிழனுக்கு ஒன்னுன்னா
தாங்காத இதயமெங்கே
கருப்பு ரத்தம் சிந்தி
கண்கலங்கும் எழுத்தெங்கே

எழனி சீவுதல்போல்
ஏந் தமிழன் தலசீவி
மழநீர் பேஞ்சதுபோல்
தமிழச்சி
மான குழி நெரப்பி

ஆட்டம்போடும் கூட்டத்துக்கு
அறிக்கவிட்டு என்ன பயன்

தைமகளே...தைமகளே...
தமிழ மறந்துவிடு

சிங்களமோ, சீனமோ,
இந்தியோ, இங்கிலீசோ
ஏதோ ஒரு மொழி படிச்சு
ஏ வூடு நீ வந்தா
கா வயிறு பொங்கலாச்சும்
கட்டாயம் ஒனக்கிடுவேன்!
இல்லேன்னா...
ஒனக்கு,
பால் ஊத்த ராஜபக்ஷே
படையோடு காத்திருக்கான்.

by ANTHAPPAARVAI Mon Jan 17, 2011 4:03 pm

by வைஷ்ணவி Wed Jan 19, 2011 9:59 am

உணர்ச்சிபூர்வமான கவிதை தைமகள் 677196

ஈழத்தின் சோகத்தை இதயத்தில் நிறுத்துகிறது...

by srinihasan Sat Jan 22, 2011 1:46 am

// ¨¾Á¸û

Àîº¢Çõ ÌÆó¨¾¸Ç

Àîº¡¢º¢ §À¡Ä¢ðÎ

¦Àò¾ÅÇ ¦ÅÈ¸¡ì¸¢

¦À¡íÌÐ ¦À¡í¸Äí§¸!//

என் கண்ணிற்கு இப்படித்தான் தெரியுது.... என்னனு புரியல....

இருந்தாலும் எங்க ஊர்காரர்.... அதுக்காகவும் என்னோட பல பதிவுக்கும் இப்படி நிறையா சொல்லியதுண்டு... அதனால தைமகள் 677196

by Thanjaavooraan Sun Jan 23, 2011 11:42 pm

நன்றி வாசன்...
என் கணிப்பொறியில் உள்ளதை அப்படியே காப்பி, பேஸ்ட் செய்ததால் சிறியதாகி விட்டது. இதை மறுபதிப்பாக பெரிய எழுத்தில் இடுகிறேன். நன்றி.

by **kirikasan** Mon Jan 24, 2011 3:11 am

மிகவும் அருமை! ஒவ்வொரு வரியும் உணர்வோடு சேர்ந்த சிறப்பான கவிதை. வாழ்த்துக்களும் பாராட்டுக்களும்.
அந்த எழுத்துக்களை அதிலேயே வைத்து பெரிதாக்கலாமே!
சரிவர வேண்டும் !

தைமகள் Smalluh

by **சிவா** Mon Jan 24, 2011 4:41 am

எழுத்துரு மாற்றம் செய்யப்பட்டது. எழுத்துரு மாற்றி என்பதை அழுத்தி யுனிகோடிற்கு மாற்றிப் பதியலாம்.

by Thanjaavooraan Tue Jan 25, 2011 3:40 pm

மிக்க நன்றி சிவா அவர்களே...
தங்களின் வழிகாட்டுதலும், சேவை மனப்பாங்கும் இத்தளத்தை இன்னும் செம்மையாக்கும் என்பதில் எள்ளளவும் ஐயமில்லை...

தொடரட்டும் தங்கள் தூய பணி... தைமகள் 154550