ஆச்சரியமான நாடாக இலங்கையை முன்னேற்ற சகல அபிவிருத்திகளும் மேற்கொள்ளப்படுகின்றன: ஜனாதிபதி _

arsad · arsad Mon 17 Jan 2011 - 14:45

ஆச்சரியமான நாடாக இலங்கையை முன்னேற்ற சகல அபிவிருத்திகளும் மேற்கொள்ளப்படுகின்றன: ஜனாதிபதி _

ஆச்சரியமான நாடாக இலங்கையை முன்னேற்ற சகல அபிவிருத்திகளும் மேற்கொள்ளப்படுகின்றன: ஜனாதிபதி _ Mahinda-rajapaksa_2

இலங்கையை ஆசியாவின் ஆச்சரியமான நாடாக ஆக்கும் வகையில் சகல விதமான அபிவிருத்திகளையும் செய்துவருகின்றோம். அரசியல்வாதிகள் பலதையும் சொல்வார்கள். ஆனால், நாங்கள் சொல்வதையை செய்வோம் செய்யவதையே சொல்வோம் என்று ஜனாதிபதி மஹிந்த ராஜபக்ஷ தெரிவித்தார்.

புதிதாக நிர்மாணிக்கப்பட்ட கேரதீவு சங்குப்பிட்டிப் பாதை மற்றும் பாலத்தை நேற்று மாலை திறந்து வைத்து உரையாற்றுகையிலேயே ஜனாதிபதி இவ்வாறு தெரிவித்தார். அங்கு தொடர்ந்து அவர் உரையாற்றுகையில்,

கேரதீவு சங்குப்பிட்டி பாலத்தை ஒரு வருடத்திற்குள் நிர்மாணித்து இன்று அதனைத் திறந்துவைத்துள்ளோம். யாழ்ப்பாணத்தை நாட்டின் ஏனைய பகுதிகளுடன் இணைக்க ஏ9 பாதை மட்டுமே இருந்தது. தற்போது இந்தப் பாலம் திறக்கப்பட்டுள்ளதுடன் ஏ32 பாதையூடாக யாழ்ப்பாணத்தையும் மன்னாரையும் இணைக்கும் பாதையாக இது மாறியுள்ளது. இப்பாதையூடாக யாழ்ப்பாணத்திற்குச் செல்லும் தூரம் 80 கிலோ மீற்றரினால் குறைவடைகிறது.

வடக்கையும் கிழக்கையும் அபிவிருத்திசெய்வதில் கூடிய கவனம் செலுத்திவருகின்றோம். பாலம் மட்டுமல்ல அனைத்து பாதைகளும் புனரமைக்கப்படும். கல்வி, சுகாதாரம், வீடு, மின்சாரம் என எல்லாவிதமான அபிவிருத்திகளையும் நாம் செய்துவருகின்றோம். வசதி குறைவான மக்களின் வாழ்க்கைத் தரம் உயரவேண்டும். பல வருட காலமாக இல்லாத அபிவிருத்தி நடவடிக்கைகள் தற்போது துரித கதியில் முன்னேற்றமடைந்து வருகின்றன.

உங்கள் பகுதி முன்னேற்றம் அடைய நாம் எல்லோரும் ஒன்றுபடுவோம். சுபீட்சமான வாழ்வு மலர நாம் அனைவரும் ஒன்றுபடுவோம் என்று தெரிவித்தார். நேற்று மாலை 3.30 மணியளவில் ஹெலிகொப்டர் மூலம் வந்திறங்கிய ஜனாதிபதி, கேரதீவு சங்குப்பிட்டிப் பாலத்தினை திறந்து வைத்தார்.

ஜனாதிபதி மற்றும் வடக்கின் வசந்தம் செயலணியின் தலைவர் பஷில் ராஜபக்ஷ எம்.பி. ஆகியோரை அமைச்சர் டக்ளஸ் தேவானந்தா, பாராளுமன்ற உறுப்பினர் சந்திரகுமார், வட மாகாண ஆளுநர் ஜி.ஏ. சந்திரசிறி ஆகியோர் வரவேற்றனர். வரவேற்புரையை அமைச்சர் டக்ளஸ் தேவானந்தாவும், நன்றியுரையை வீதி அபிவிருத்தி அதிகார சபையின் பணிப்பாளரும் நிகழ்த்தினர். ___

ஆச்சரியமான நாடாக இலங்கையை முன்னேற்ற சகல அபிவிருத்திகளும் மேற்கொள்ளப்படுகின்றன: ஜனாதிபதி _

ஆச்சரியமான நாடாக இலங்கையை முன்னேற்ற சகல அபிவிருத்திகளும் மேற்கொள்ளப்படுகின்றன: ஜனாதிபதி _

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக