அரசியல் அனாதைகள்....நாங்கள் (தலைவர் ஹகீமை நோக்கி...)

ஹாசிம் · ஹாசிம் Sun 23 Jan 2011 - 15:46

ஆவலுடன் கட்சிவளர்த்து
சமூகத்தின் எழுச்சிக்காய்
ஒற்றுமையும் கண்டு
வீறுகொண்டெழுந்திட
விழுதுகளாய் பலம்கொடுத்து
மாற்றான் வசைகளும்
(காவல்)படைகளின் அடிகளுமாய்
தோள்மீது சுமந்து....
துயில் கொள்ள மறந்த
நண்மைகள் நோக்கிடாத
வாக்காளனாய் வலம் வந்தோம்...

பேறுகளடைந்தவன்
பேரெதிரியாய் மாறினான்
பேரம் பேசலோடு
பதவிகளும் அடைந்தான்
தலைவனிருக்கிறானென
தருணம் வருமென்று
தவமிருந்த தளபதிகளிங்கு
இன்னும் அனாதைகளாய்
ஆதரவு நாடுகிறோம்..

மரம்விட்டு மரம் தாவும்
குரங்குளாய் சுயநலந்தேடியன்று
எம்மரம் விட்டுத்தாவிய
எட்டப்பர் கூட்டமொன்று
மீண்டும் மீழ்கின்றனர்....
உம்தயவிற்காய்...
நாளையும் இவர்கள் அவர்கள்தான்

கட்சியின் நிலமையோடும்
தலைவனின் வழிகாட்டலோடும்
நீர்கீறிய கோட்டில்...
பயணித்த தொண்டர்களாய்
தசாப்தங்கள் கடந்தும்
காத்திருக்கிறோம் ஏழையாய்

கல்விழுந்த தேனிக்களாய்
சிதறிய சில்லுகளாய்
அங்குமிங்குமாய்...அலைந்து
வாழ்க்கைக்கு வழிதேடி
வாழ்வைத்தொலைத்திங்கு
வாழத்துடிக்கிறோம்

உன்னுயர்வைத்தேடி
உற்ற நேசர்களாய்
உளமாறப்பிரார்த்தித்திருந்த
உண்மை உறவுகள் நாங்கள்
இறைவனின் நாட்டம்வரும்
எம்தலைவன் உதவிவருமென்று
எத்தலைவனையும் நாடிடாத
உண்மைத் தொண்டர்கள் நாங்கள்

தகப்பனாய் மாறி
துயர்துடைப்பீர் என்றிருக்கிறோம்..
தொடர்ந்தும் கைவிடப்பட்ட மந்தைகளாய்
அரசியல் உறவுகளிருந்தும்
அனாதைகளாய் எங்கள் நிலை.

விடியலைநோக்கிய
அனாதைகள் சார்பாக.......

**ரிபாஸ்** · **ரிபாஸ்** Sun 23 Jan 2011 - 15:53

அருமயான உண்மை வரிகள் நண்பா வாழ்த்துக்கள் மகிழ்ச்சி

arsad · arsad Sun 23 Jan 2011 - 18:49

மரம்விட்டு மரம் தாவும்
குரங்குளாய் சுயநலந்தேடியன்று
எம்மரம் விட்டுத்தாவிய
எட்டப்பர் கூட்டமொன்று
மீண்டும் மீழ்கின்றனர்....
உம்தயவிற்காய்...
நாளையும் இவர்கள் அவர்கள்தான்

கட்சியின் நிலமையோடும்
தலைவனின் வழிகாட்டலோடும்
நீர்கீறிய கோட்டில்...
பயணித்த தொண்டர்களாய்
தசாப்தங்கள் கடந்தும்
காத்திருக்கிறோம் ஏழையாய்

அருமயான கவிமா.....நண்பா ஹாசிம்.........

கலைவேந்தன் · கலைவேந்தன் Sun 23 Jan 2011 - 23:50

இக்கவிதைதையைத் தெளிவாய் உள்வாங்க தலைவர் ஹகீம் என்பாரைப்பற்றி கொஞ்சமேனும் அறிந்திருத்தல் வேண்டும். அது இன்மையால் என்னால் முழுதுமாய் விளங்கிக்கொள்ள இயலவில்லை.

ஏதோ ஒரு தலைவனின் செயல்பாடுகளை நெறிப்படுத்தும் விதமாய் கவிதை அமைந்திருப்பது மட்டும் புரிந்துகொள்ள முடிகிறது.

**சிவா** · **சிவா** Mon 24 Jan 2011 - 6:40

அரசியல் அனாதைகள்....நாங்கள் (தலைவர் ஹகீமை நோக்கி...) 677196

ஹாசிம் · ஹாசிம் Mon 24 Jan 2011 - 14:44

கலை wrote:இக்கவிதைதையைத் தெளிவாய் உள்வாங்க தலைவர் ஹகீம் என்பாரைப்பற்றி கொஞ்சமேனும் அறிந்திருத்தல் வேண்டும். அது இன்மையால் என்னால் முழுதுமாய் விளங்கிக்கொள்ள இயலவில்லை.

ஏதோ ஒரு தலைவனின் செயல்பாடுகளை நெறிப்படுத்தும் விதமாய் கவிதை அமைந்திருப்பது மட்டும் புரிந்துகொள்ள முடிகிறது.

நன்றி அண்ணா
ஹகீம் என்பர் ஸ்ரீலங்கா முஸ்லீம் காங்றசின் தலைவர் இவருக்கு முன்னர் ஸ்ரீலங்கா முஸ்லிம் காங்கிரசின் தலைவர் அஷ்ரஃப் அவரின் மரணம் பல பிரிவுகளை முஸ்லீம்கள் மத்தியில் (இலங்கையில்) ஏற்படுத்தியது பிரிந்து நின்றவர்கள் பலகட்சிகளின் ஊடாக பல நண்மைகள் அடைந்த போதும் பிரியாது அன்று தொட்டு இன்றுவரை (கடந்த 20 வருடமாக) அக்கட்சியோடு பயணிக்கும் அனைவரும் எந்த நண்மையும் அடைந்ததாக தெரியவில்லை
தற்போதைய சூழ்நிலையில் அரசாங்கத்துடன் சேர்ந்ததாக இக்கட்சி இருந்த போதும் மீண்டும் அதே நிலையில் பயணிக்க நேர்கிறது அதனை சுட்டிக்காட்டுவதாக எனது வரிகளமைந்தது
இவற்றை சொல்வதற்கு வாய்ப்பளித்தமைக்கு நன்றி அண்ணா
குறைகாண்பின் மன்னிக்க.....