காலைப் பண்கள்.

**V.Annasamy** · **V.Annasamy** Thu Jan 13, 2011 10:33 am

First topic message reminder :

பனி படர்ந்த பச்சிளங் காலை
இனிமை உணர்வைக் காட்ட, கனியும்
ஸ்ருதி லயமோடு பூபாளம் இசைத்தேன்.
உருவான தோர்பொன் னுலகு.

உலவிய உவகையில் உளம் நெகிழும்
பிலஹரி பின் தொடர்ந்தேன். நலம்
பலவும் பெற்ற பாங்கை இங்கு
கலந்து மகிழ்ந்தின் புறுகிறேன்.

தன்வயம் ஈர்க்கும் தன்யாசியை தரமாய்
மென்மை கூட்டிக் கண்டேன் மேன்மையை.
யான் ஈட்டிய எழில் நிலையை
தேன் தமிழில் பகிர்கிறேன்.

காலைப் பண்கள். - Page 2 733974

**V.Annasamy** · **V.Annasamy** Fri Jan 14, 2011 9:59 am

மஞ்சுபாஷிணி wrote:இசைச் சக்ரவர்த்தியின் அழகிய ஜுகல்பந்தியில் உட்கார்ந்தது போல் ஒரு பிரமை..
இனிய ராகங்களின் பெயர்களில் வரிகள் அமைத்து
மரி மரி நின்னே பாடியதை கேட்டது போல் அத்தனை இனிமை கவிதை வரிகள்..... இப்படியே ரியாஸ் பண்ணினால் எங்களுக்கும் இது போன்று எண்ணற்ற அழகு கவிதைகள் கிடைக்கும் என்பது உறுதி....

அன்பு வாழ்த்துக்கள் அண்ணாசாமி...

என்றாவது நேரில் கேட்கவேண்டும் உங்கள் இசையை... பார்ப்போம் இறைவன் அருளிருந்தால் உங்கள் கச்சேரியை கேட்கும் வாய்ப்பு கிட்டட்டும்.....

மஞ்சு அவர்களின் உண்மை பாராட்டுக்கள் என்னை மேலும் உயர்த்தும் உணர்வுகளை இடும் என்பதில் ஐயமில்லை. இறை அருள் எனக்கும் கிட்டட்டும், இப்படி இசை ஆர்வலர்களை மகிழ்விக்க பல நல்ல வாய்ப்புகள் உறுதியாக வரும்.

காலைப் பண்கள். - Page 2 733974

**V.Annasamy** · **V.Annasamy** Fri Jan 14, 2011 10:21 am

nandhtiha wrote:பெருமதிப்புக்குரியீர்
வணக்கம். ஆனந்த (பைரவியை) ஆனந்தமாக ரசித்தேன். (தங்கள் சொல்லலங்காரத்தை) ரசித்துக் கொண்டே இருப்பேன். இதை எழுது முன் ஒரு தேவாரப் பண்ணிசை வித்தகரிடம் தங்கள் சொல் வன்மையைக் குறித்துப் பேசிக் கொண்டிருந்தேன். அவர் சொன்னதை அப்படியே சொல்கிறேன், இவர் அண்ணா (சாமி) இல்லையா அது தான் தமிழ் விளையாடுகிறது என்றார்.
என்றும் மாறா அன்புடன்
நந்திதா

மாறா அன்புதான்.
மறைக்காது, மறவாது பாராட்டு பட்டியல் இட்டு மகிழ்ச்சி கடலில் என்னை ஆழ்த்திய தோழிக்கு நன்றிகள் பல கோடிகள்.

மூவரில், முதல்வரை ஏற்றும்
தேவாரப் பண்ணிசை போற்றும்
நாவலர் நற்சொல் கூற்றில்
கவிமனம் களிநடம் பெற்றதே.

காலைப் பண்கள். - Page 2 733974

Sponsored content · Sponsored content

காலைப் பண்கள்.

காலைப் பண்கள்.

Re: காலைப் பண்கள்.

Re: காலைப் பண்கள்.

Re: காலைப் பண்கள்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக