பத்து வயதில் பட்டப்படிப்பு.

உத்தரப்பிரதேச மாநிலத்தில் உள்ள லக்னோ பல்கலைக்கழகத்தில், 10 வயது மாணவி
ஒருவர் பட்டப்படிப்பு படித்து வருகிறார். உத்தரப்பிரதேச மாநிலத்தில்
வசிக்கும் தேஜ் பகதூர்-சாயாதேவியின் மகள் சுஷ்மா.தற்போது 10 வயதாகும் இந்த மாணவிக்கு அபூர்வமான கல்வித் திறமை இருப்பது
கண்டு, அப்பெண்ணின் பெற்றோர் வீட்டிலிருந்தே படிக்க வைத்தனர். இதனால்,
தனது ஏழாவது வயதில் 10ம் வகுப்பு தேர்வையும், இந்த ஆண்டில் பிளஸ் 2
தேர்வையும் எழுதி பாஸ் செய்துவிட்டார்.

இதையடுத்து, சுஷ்மா லக்னோ பல்கலைக்கழகத்தில், பட்டப்படிப்பு படிக்க
அனுமதி கேட்டு, லக்னோ பல்கலைக் கழகத்தில் விண்ணப்பித்தார். அவரது
விண்ணப்பத்தை பரிசீலித்த பல்கலைக் கழகம், சுஷ்மாவுக்கு தற்காலிக
அடிப்படையில், அனுமதி வழங்கியுள்ளது. தற்போது, உ.பி.,யில் உள்ள கல்லூரி
ஒன்றில், பி.எஸ்சி., அறிவியல் பாடத்தில் சுஷ்மா சேர்ந்துள்ளார்.
சுஷ்மாவின் சகோதரன் சைலேந்திரா கடந்த 2007ம் ஆண்டில், தனது 14ம் வயதில்
கம்ப்யூட்டர் சயின்சில் பட்டப்படிப்பை முடித்து சாதனை செய்துள்ளான்.

சுஷ்மாவின் தந்தை தேஜ் பகதூர் தினக்கூலி. தாயார் சாயாதேவி படிக்காதவர்.
எனினும், தங்களது பிள்ளைகளின் திறமைகளை அடையாளம் கண்டு, அவர்களை
சாதனையாளர்களாக உருவாக்கியுள்ளனர். இதுகுறித்து, சுஷ்மாவின் தந்தை தேஜ்
பகதூர் கூறியதாவது: எனது மகளின் திறமையைக் கண்டு, அவளை பட்டப்படிப்பிற்கு
அனுமதி அளித்த லக்னோ பல்கலைக்கழக அதிகாரிகளுக்கு எனது மனமார்ந்த நன்றியை
தெரிவித்துக் கொள்கிறேன். சுஷ்மா, கடுமையான உழைப்பாளி. நிச்சயம் அவள்,
இந்த பட்டப் படிப்பை வெற்றிகரமாக நிறைவு செய்வாள் என்று நம்புகிறேன்.
சுஷ்மா போன்ற அபூர்வ திறமை கொண்ட பிள்ளைகளை ஊக்குவிப்பதற்காகவே, அவளுக்கு
பட்டப்படிப்பு படிக்க அனுமதி அளித்ததாக, பல்கலைக் கழக அதிகாரிகள்
தெரிவித்தனர். அவர்களது நம்பிக்கையை சுஷ்மா நிச்சயம் காப்பாற்றுவாள்.
இவ்வாறு தேஜ் பகதூர் கூறினார்.

நல்லதொரு குடும்பம் பல்கலைக் கழகம்!

வாழ்த்துக்கள் மேலும் வெற்றி பெருவதுக்கு

என்னால நம்பவே முடியல எந்த உலகத...எப்படியெல்லாம் நடக்குது ..

சந்தோஷமான விஷயம்...

அன்பு நன்றிகள் அகீல் பகிர்வுக்கு....

இதுதான் சாதனையான விஷயம்.
அந்த குட்டி பொண்ணுக்கு என் வாழ்த்துகள்

அப்படியே என்னுடைய திறமையை பிரதிபலித்து உள்ளார்

மலேஷியாவைச் சேர்ந்த 12 வயதான ஜேஷையா கோர் என்ற சிறுவன் 12 வயதிலேயே பட்டப்படிப்புக்குத் தயாராகின்றார்.அண்மையில் தலைநகர் கோலாலம்பூரில் இடம்பெற்ற கல்விக் கண்காட்சியொன்றுக்கு
வருகை தந்திருந்த இவர் மீளப்புதுப்பிக்கக்கூடிய சக்திவளம் அல்லது
வானியல்பௌதிகத் துறையில் (நட்சத்திரஇயல்) பட்டப்படிப்பை மேற்கொள்ள ஆர்வம்
காட்டினார்.

இவர் 18 மாதக் குழந்தையாக இருக்கின்ற போதே பத்திரிகைகளை வாசிக்க
ஆரம்பித்துள்ளார். கடந்தாண்டு சாதாரண தர பரீட்சையில் சித்தியடைந்து,
தற்போது உயர்தரத்தில் பயின்று வருகின்றார்.

விஞ்ஞானமும் கணிதமும் இவருக்குப் பிடித்தமான பாடங்கள். அறிவுபூர்வமான தொலைக்காட்சி நிகழ்ச்சிகளை மட்டுமே பார்க்கின்றார். மீளப்புதுப்பிக்கக்கூடிய சக்திவளம் அல்லது வானியல் பௌதிகத் துறையில் ஏன்
ஆர்வம் காட்டுகின்றீர்கள் என்று இவரிடம் கேட்டபோது, புவி மிக விரைவாக
மாசடைகின்றது.

மிகப் பெரிய சக்தி வளமான பெற்றோலியம் மிக வேகமாக அழிந்து போகின்றது. எனவே
நாம் இந்தத் துறைகளில் இப்போது அதிக கவனம் செலுத்தவேண்டியுள்ளது என்று
பதிலளித்தார். அவர் இப்போது தான் உயர் தரம் தொடங்கியுள்ளார்.

அவருக்கு ஏற்றபடி கற்கை நெறிகள் ஏதும் உண்டா என்று அறிந்து கொள்ளவே
வந்தோம். புலமைப் பரிசிலும் கிடைத்தால் நல்லது என்று இந்த 12 வயது
மேதாவியின் தந்தை கூறினார்.
cnn