ரசிகர்கள் பிரார்த்தனையால் குணமடைந்தேன்: ஐஸ்வர்யாராய்

by **ராஜா** Sun Aug 23, 2009 4:22 pm

ஐதராபாத் ஜூப்ளி ஹில்ஸ் நாகார்ஜுனா
சர்க்கிள் பகுதியில் புதிய வாட்ச்கடை திறப்பு விழா நடந்தது. இதில் நடிகை
ஐஸ்வர்யாராய் கலந்து கொண்டு கடையை திறந்து வைத்தார். ஐஸ்வர்யாராய் கடை
திறப்பு விழாவுக்கு வருவதை அறிந்த பல்லாயிரக்கணக்கான ரசிகர்கள் ஜுப்ளி
ஹில்ஸ் பகுதியில் குவிந்தனர். ரசிகர்கள் மத்தியில் ஐஸ்வர்யாராய்
பேசியதாவது:

இங்கு இவ்வளவு ரசிகர்களை பார்க்கும்போது மிகவும்
சந்தோஷமாக இருக்கிறது. ரசிகர்களின் பேராதரவாலும், பிரார்த்தனையாலும்தான்
பன்றிக் காய்ச்சலில் இருந்து நான் விரைவில் குணமடைந்தேன். அதனால்தான்
இன்று உங்கள் முன்பு நான் நிற்கிறேன்.

ஐதராபாத்துக்கு இப்போது
3வது முறையாக வந்துள்ளேன். ஏற்கனவே ஜோதா அக்பர் படம் வெளியானபோதும்,
சர்கார்ராஜ் 2 படம் வெளியானபோதும் வந்துள்ளேன். இப்போது 3 வது முறையாக
வந்துள்ளதால் ஐதராபாத்துடன் உள்ள எனது உறவு இன்னும் பலமாகி உள்ளது என்றார்.