அரசாங்கத்தால் கைவிடப்பட்டுள்ள எம் உறவுகளுக்கு நாங்கள் கைகொடுப்போம்

நிசாந்தன் · நிசாந்தன் Fri Jan 14, 2011 12:30 am

கிழக்கு மாகாணம் 100% சதவீதம் வெள்ளத்தில் மூழ்கியுள்ளது. ஆனால், தான் கிழக்கு மாகாணம் சென்று பாதிக்கப்பட்ட மக்களைப் பார்வையிடுகிறேன் என ஊடகங்களுக்கு அறிவித்த வண்ணம், பொலநறுவைக்கு மட்டும் சென்று கொழும்பு திரும்பியுள்ளார் மஹிந்த. இதனிடையே கிழக்கு மாகாணத்துக்கு நிவாரணப் பொருட்களை தாம் உடனடியாக அனுப்பி வைத்துள்ளதாக இலங்கை அரசாங்கம் தெரிவித்துள்ளது. ஆனால் அவை அனைத்தும் குடும்பிமலையில் உள்ள இராணுவ முகாமிற்கே அனுப்பிவைக்கப்பட்டுள்ளதாக அங்கிருந்து கிடைக்கும் செய்திகள் தெரிவிக்கின்றன. நிவாரணப் பொருட்களாக இருந்தாலும் சரி, மருத்துவப் பொருட்களாக இருந்தாலும் சரி அவை முதலில் இராணுவ முகாமிற்க்கே அனுப்பப்படுகிறது.நிவாரணப் பொருட்களை இராணுவ முகாமுக்கு கொண்டு சென்றனர்

இலங்கை அரசானது வெள்ளத்தையும், பாதிக்கப்பட்ட மக்களையும் வைத்து அரசியல் நடாத்தி வருகிறமது. இந்திய அரசியல் சாக்கடையை விட மிகக் கேவலமாக இவர்கள் நடத்தும் அரசியல் உள்ளது. வீடுகள் அனைத்தும் அடித்துச் செல்லப்பட்டும், நீரில் மூழ்கியும் உள்ளதோடு, வெப்பநிலையும் கணிசமான அளவு குறைந்துள்ளதால், இரவில் நடுங்கிய வண்ணம் கிழக்குவாழ் மக்களும் சிறுவர்களும் உள்ளனர். கால் விறைத்து, தோல்கள் சுருங்கி, உண்ண உணவு இன்றி இவர்கள் வாடும் நிலையைக் கூட, இலங்கை அரசு அரசியல் ஆக்குவது வெட்கக்கேடான நிலையாகும்.

இலங்கை அரசோ கிழக்கில் நிலைகொண்டுள்ள தமது படையினரை கவனிக்க தம்மிடம் உள்ள நிவாரணப் பொருட்களை அனுப்புகிறது, அப்படி என்றால் கிழக்கு மக்களுக்கு யார் தான் உதவுவது ? புலம்பெயர் தமிழர்கள் இச் சந்தர்பத்தை முதலில் நாம் நன்கு உணரவேண்டும். வன்னியில் நடந்த வெள்ள அனர்த்தத்தில் கைகொடுத்து உதவியதுபோல, இம் முறை கிழக்கு மக்களுக்கும் புலம்பெயர் தமிழர்கள் உடனடியாக உதவேண்டும். அங்கே குளிரிலும், வீடுகளை இழந்து நிற்கும் எம் உறவுகளுக்கு எம்மாலான எல்லா உதவிகளையும் நாம் உடனே செய்யவேண்டும்.

பிரித்தானியா உட்பட அனைத்து நாடுகளிலும் இயங்கும் தமிழ் அமைப்புகளும், தொண்டு நிறுவனங்களும் இது தொடர்பாக உடனடியாக விழிப்பூட்டப்படவேண்டும். பாதிக்கப்பட்ட மக்களுக்கு உடனடியாக நிவாரணப்பொருட்களை புலம்பெயர் தமிழர்கள் அனுப்பிவைக்கவேண்டும். அரசாங்கத்தால் கைவிடப்பட்டுள்ள எம் உறவுகளுக்கு நாங்கள் கைகொடுப்போம் ! இதன் மூலமே கிழக்கு மக்கள் மீதான உறவை நாம் மீண்டும் உறிதிப்படுத்த ஒரு நல்ல பாலமாக இது அமையும்.

இதுவரைக்கும் 8 பேர் கொல்லப்பட்டுள்ளதாகவும், 2 வரைக் காணவில்லை என்றும் சொல்லப்படுகின்றபோதிலும் அங்கே சரியான தொடர்பாடல் இல்லாத காரணத்தால் மேலும் பலர் இறந்திருந்தாலும் அச் செய்திகள் உடனே வெளிவர முடியாத நிலை காணப்படுகிறது. 15 வயதுச் சிறுவன் ஒருவனை வெள்ளம் அடித்துச்சென்றுவிட்டதாகவும் அறியப்படுகிறது. பெரும் துன்பத்துக்கு ஆளாகியுள்ள கிழக்கு மக்களை உடனே காப்பற்றவேண்டிய தார்மீகப் பொறுப்பு புலம்பெயர் தமிழர்களிடம் உள்ளதால் அனைவரும் விரைந்து செயல்படுங்கள். உங்கள் உங்கள் நாடுகளில் உள்ள பல அமைப்புகள் நிதிசேகரிப்பிலும், நிவாரணப் பொருட்கள் சேமிக்கும் பணியில் ஈடுபட்டுள்ளது. அவர்களின் கரங்களைப் பலப்படுத்துங்கள் உறவுகளே !

அரசாங்கத்தால் கைவிடப்பட்டுள்ள எம் உறவுகளுக்கு நாங்கள் கைகொடுப்போம்

அரசாங்கத்தால் கைவிடப்பட்டுள்ள எம் உறவுகளுக்கு நாங்கள் கைகொடுப்போம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக