சீமானை சந்தித்தார் வைகோ-அதிமுக ஆதரவாக பிரசாரம் செய்ய சீமான் முடிவு

by ரபீக் Mon Jan 10, 2011 3:37 pm

அதிமுக பொதுச் செயலாளர் ஜெயலலிதா தனது தேர்தல் வெற்றிக்கான காய்களை படு வேகமாக நகர்த்தத் தொடங்கியுள்ளார். அதில் ஒரு பகுதியாக நாம் தமிழர் கட்சித் தலைவர் சீமானை தன் பக்கம் இழுத்துள்ளார் -வைகோவின் மூலமாக.

ஈழத்தில் போர் முடிவடைந்த கால கட்டத்தில் தமிழக அரசியல் களத்தில் குதித்தவர் சீமான். முதலில் நாம் தமிழர் இயக்கத்தைத் தொடங்கி ஈழத் தமிழர் ஆதரவு பிரசாரத்தை வேகமாக முன்னெடுத்தார். அவரது அனல் வேகப் பேச்சால் பலரையும் ஈர்த்தார். இதன் விளைவாக 2 முறை தேசிய பாதுகாப்புச் சட்டத்தின் கீழ் கைதாகி சிறையும் சென்றார். சமீபத்தில் அவர் விடுதலையானார்.

இந்த நிலையில் நாம் தமிழர் கட்சியை தன் பக்கம் இழுத்துள்ளது அதிமுக. சீமானை அதிமுக கூட்டணிக்கு இழுப்பதற்கான முயற்சிகளை வைகோவிடம் ஒப்படைத்தார் ஜெயலலிதா.

இதன் விளைவாக இன்று வைகோவை சந்தித்துப் பேசினார் சீமான். சந்திப்புக்குப் பின்னர் செய்தியாளர்களிடம் சீமான் பேசுகையில்,

வருகின்றன சட்டசபைத் தேர்தலில் அதிமுக.விற்கு ஆதரவாக பிரசாரம் செய்வேன். ஈழத் தமிழர்களுக்கு எதிராக காங்கிரஸ் செயல்படுவதால் காங்கிரசை தோற்கடிப்பதே எனது லட்சியம்.

சட்டசபைத் தேர்தலில் போட்டியிடுமாறு மதிமுக பொதுச் செயலாளர் வைகோவை கேட்டுக் கொண்டுள்ளேன் என்றார் சீமான்.

சீமானின் பேட்டியின் மூலம் இன்னொரு விஷயமும் தெளிவாகியுள்ளது. அது - அதிமுக கூட்டணியில் காங்கிரஸ் சேரவில்லை என்பது.

தற்போதைய சூழ்நிலையில் திமுக, காங்கிரஸ், விடுதலைச் சிறுத்தைகள் ஆகியவை ஒரு கூட்டணியாகவும், அதிமுக, மதிமுக, கம்யூனிஸ்ட் கட்சிகள், நாம் தமிழர் ஆகியவை ஒரு கூட்டணியாகவும் போட்டியிடும் என்று தெரிகிறது. பாமக, திமுக பக்கம் போகலாம். அதேசமயம், தேமுதிகவின் நிலை தெளிவாகத் தெரியவில்லை. பாஜக, குட்டிக் கட்சிகளை சேர்த்துக் கொண்டு வழக்கம் போல தேறாத ஒரு கூட்டணியை அமைக்கக் கூடும் என்று தெரிகிறது.

கருணாநிதிக்கு எதிராக அதிமுக ஆதரவுடன் சீமான் போட்டி?

அதிமுக கூட்டணி சார்பில் முதல்வர் கருணாநிதி போட்டியிடும் தொகுதியில் அவருக்கு எதிராக சீமான் நிறுத்தப்படலாம் என்று தெரிகிறது.

ஜெயலலிதா சட்டசபைத் தேர்தலில் ஒரு வாக்கைக் கூட வீணடிக்காமல் அள்ளி விட படு தீவிரமாக காய் நகர்த்தி வருகிறார்.

கிறிஸ்தவர்களை ஐஸ் வைக்கும் வகையில் குமரி மாவட்டத்தில் நடந்த கிறிஸ்துமஸ் விழாவில் கலந்து கொண்டார்.

நேற்று நாடார் சமுதாயத்தினரைக் கவரும் வகையில், அய்யா வைகுண்டர் தலைமைப்பதிக்குச் சென்று பேசினார்.

இப்போது ஈழத் தமிழ் ஆதரவாளர்களின் வாக்குகளை அள்ள அவர் சீமானை வளைத்துள்ளதாக தெரிகிறது.

ஈழத்தில் போர் உக்கிரமடைந்த போது கடைசிக்கட்டத்தில்தான் ஈழத் தமிழர்களுக்காக குரல்கொடுத்தார் ஜெயலலிதா. அதேசமயம், லோக்சபா தேர்தல் முடிந்த அடுத்த நிமிடமே ஈழத்தைப் பற்றிப் பேசுவது கூட கிடையாது என்பது குறிப்பிடத்தக்கது. இந்த சூழ்நிலையில் அவருக்காக சீமான் ஆதரவு கோரி பிரசாரம் செய்யப் போவதாக அறிவித்துள்ளது பரபரப்பை ஏற்படுத்தியுள்ளது

தட்ஸ்தமிழ்

by அன்பு தளபதி Mon Jan 10, 2011 3:42 pm

அம்மாவுக்கு நல்லகாலம் வந்தாச்சி மாமா

by உதயசுதா Mon Jan 10, 2011 4:03 pm

அட செ இதுக்குதான் இத்தனை ஆர்ப்பாட்டம் செய்தாரா சீமான்?
அதிமுக ஆட்சிக்கு வந்தா இவர யாரும் கண்டுக்க கூட மாட்டாங்க.
ஒண்ணு அந்தம்மா ஐயா மாதிரி ஜெயிலில் தூக்கி போடும்.இல்லையானா
கண்டுக்காமா விடும்.
எல்லா தமிழக மக்களுக்கும் ஈழ தமிழர்கள் மேல ஒரு பரிதாபம் இருக்கு.
ஆனா அத வச்சு யாரும் அரசியல் பண்ண முடியாது.
சீமான் தேர்தலில் நிக்குறதா இருந்தா தமிழகத்தில் ஒரு நாளும் அவர் ஜெயிக்க முடியாது

by Guest Mon Jan 10, 2011 4:37 pm

உதயசுதா wrote:அட செ இதுக்குதான் இத்தனை ஆர்ப்பாட்டம் செய்தாரா சீமான்?
அதிமுக ஆட்சிக்கு வந்தா இவர யாரும் கண்டுக்க கூட மாட்டாங்க.
ஒண்ணு அந்தம்மா ஐயா மாதிரி ஜெயிலில் தூக்கி போடும் இல்லையானா
கண்டுக்காமா விடும்.
எல்லா தமிழக மக்களுக்கும் ஈழ தமிழர்கள் மேல ஒரு பரிதாபம் இருக்கு.
ஆனா அத வச்சு யாரும் அரசியல் பண்ண முடியாது.
சீமான் தேர்தலில் நிக்குறதா இருந்தா தமிழகத்தில் ஒரு நாளும் அவர் ஜெயிக்க முடியாது

என்ன அம்மா அப்படி சொல்லி பூட்டிங்கா..... காங்கிரஸ் பெரிய தலைகள் எல்லாம் இவரு பிரச்ரம் பண்ணி தான் தோதாங்க... மறந்துட்டீங்களா....

சீமான் கு மிக பெரிய ilayngar thondarkal இருக்காங்க ,தென் மாவட்டங்கள் ல....

by **தமிழ்நேசன்1981** Mon Jan 10, 2011 8:38 pm

எப்படியாவது திமுக-வை கவிழ்க்க வேண்டும் என்பதற்காக சீமான் இந்த நிலைப்பாட்டை எடுத்திருக்கலாம். ஆனால் இப்போது திமுகவை கவிழ்க்க விலைவாசி ஒன்றே போதுமானது.இலவசங்களை காட்டி ஏமாற்ற முடியாது இனி.காய்கறி,மளிகை கடை பக்கமா போகவே பயமாயிருக்குங்க.என்று வரும் அந்த நல்லநாள்(தேர்தல்)

by தமிழ்ப்ரியன் விஜி Wed Jan 19, 2011 12:07 pm

சீமானை சேர்த்து வெற்றி அடைத்து விட்டு பின்னர்
கழற்றி விட்டு விடுவார்கள் .. இதை தான் கம்யூனிஸ்ட்கள் காலம் காலமாக செய்து வருகிறது ....

by பூஜிதா Wed Jan 19, 2011 12:27 pm

தமிழ்நேசன்1981 wrote:எப்படியாவது திமுக-வை கவிழ்க்க வேண்டும் என்பதற்காக சீமான் இந்த நிலைப்பாட்டை எடுத்திருக்கலாம். ஆனால் இப்போது திமுகவை கவிழ்க்க விலைவாசி ஒன்றே போதுமானது.இலவசங்களை காட்டி ஏமாற்ற முடியாது இனி.காய்கறி,மளிகை கடை பக்கமா போகவே பயமாயிருக்குங்க.என்று வரும் அந்த நல்லநாள்(தேர்தல்)