றொஹாகானின் பொய்யால் அதிர்ந்துபோன வெளிநாட்டு புலானாய்வுத்துறையினர்

நிசாந்தன் · நிசாந்தன் Mon Jan 10, 2011 1:58 am

சிறீலங்கா அரசின் சொந்த பயங்கரவாத நிபுணரான றொஹான் குணரத்தினா அண்மையில் அள்ளி வீசிய பொய்களால் பல வெளிநாட்டு புலனாய்வுத்துறையினர் அதிர்ச்சியடைந்துள்ளதாக தெரிவிக்கப்படுகின்றது.

இது தொடர்பில் மேலும் தெரியவருவதாவது:

சிறீலங்கா காவல்த்துறை மா அதிபர் மகிந்தா பாலசூரியா அண்மையில் வெளியிட்ட நூல் வெளியீட்டுவிழாவில் கலந்துகொண்ட சிறீலங்கா அரசின் சொந்த பயங்கரவாத நிபுணரான றொஹான் குணரத்தினா, விடுதலைப்புலிகளின் தலைவர் வேலுப்பிள்ளை பிரபாகரனே நேரடியாக கொழும்புக்கு சென்று பொத்துவில் பிரதேச முன்னாள் நாடாளுமன்ற உறுப்பினர் கனகரத்தினத்தை சுட்டதாக தெரிவித்திருந்தார்.

றொஹானின் இந்த கூற்று அதனை அவதானித்த பல வெளிநாட்டு புலனாய்வு அமைப்புக்களை குழப்பத்தில் ஆழ்த்தியதாகவும், சிலர் நல்ல நகைச்சுவை இது என தெரிவித்ததாகவும் கொழும்பு தகவல்கள் தெரிவித்துள்ளன.

தான் ஆய்வு செய்தபோது இதனை கண்டறிந்ததாகவும், 1975 ஆம் ஆண்டு யாழ் நகர முன்னாள் முதல்வர் அல்பிரட் துரையப்பாவை சுட்ட வேலுப்பிள்ளை பிரபாகரன் பின்னர் தானே நேரிடையாக கொழும்பு சென்று கனகரத்தினத்தை சுட்டதாக அவர் தெரிவித்துள்ளார்.

ஆனால் றொஹானின் உணர்ச்சி மிதமிஞ்சிய இந்த பொய்யான அறிக்கையால் தம்மை சுதாகரித்துக்கொண்ட வெளிநாட்டு உளவு அமைப்புக்கள், விடுதலைப்புலிகளின் தலைவர் வேலுப்பிள்ளை பிரபாகரன் நன்கு பயிற்சி பெற்ற உறுப்பினர்களின் மூலமே கொழும்பில் தாக்குதல்களை மேற்கொண்டதாகவும், வேலுப்பிள்ளை பிரபாகரனின் உயிரை பணயம் வைப்பதற்குரிய முக்கியத்துவம் கனகரத்தினத்திற்கு கிடையாது எனவும் தெரிவித்துள்ளனர்.

ஆனால், றொஹானின் பொய்யினால், அவர் திட்டமிட்டு உருவாக்கிய நம்பகத்தன்மை ஒரு நொடியில் தகர்ந்து வீழ்ந்துள்ளதாகவும் தெரிவிக்கப்படுகின்றது.

இதனிடையே, சிறீலங்கா அரசுடன் இணைந்து இயங்கிய பொத்துவில் பிரதேச முன்னாள் நாடாளுமன்ற உறுப்பினர் கனகரத்தினத்தை, விடுதலைப்புலிகள் அமைப்பில் இருந்த அவரின் மகன் சைமனே சுட்டதாக புலம்பெயர் நாட்டை தளமாகக்கொண்ட படைத்துறை ஆய்வாளர் ஒருவர் ஈழம் ஈ நியூஸ் இற்கு தெரிவித்துள்ளார்.

தமிழ் இனத்தின் விடுதலை மீது அசைக்கமுடியாத பற்றுக்கொண்ட லெப். சைமன் தனது தந்தை என்றும் பார்க்காது இனத்தின் விடுதலைக்காக உழைத்ததுடன், 1980 களின் நடுப்பகுதியில் நடைபெற்ற கெக்கிளாய் இராணுவமுகாம் தகர்ப்பில் வீரச்சாவடைந்ததாக அவர் மேலும் தெரிவித்துள்ளார்.

றொஹாகானின் பொய்யால் அதிர்ந்துபோன வெளிநாட்டு புலானாய்வுத்துறையினர்

றொஹாகானின் பொய்யால் அதிர்ந்துபோன வெளிநாட்டு புலானாய்வுத்துறையினர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக