மைனா ஹீரோயின் அமலா பாலுக்கு நிற்க இருக்கவே நேரம் இல்லையாம்! அவ்வளவு பிஸி!

by arsad Sat Jan 08, 2011 2:05 pm

வீரசேகரன் படத்தின் மூலம் தமிழ் சினிமாவுக்கு அறிமுகமாகி, சிந்து சமவெளி படத்தில் மாமனாருடன் சல்லாபம் கொள்ளும் கேரக்டரில் நடித்து, பட்டிதொட்டியெங்கும் பிரபலமாகி, மைனா மூலம் ஹி்ட் நாயகி ஆன அமலா பால்தான் தமிழ் சினிமாவின் தற்போதைய பிஸி நாயகியாக இருக்கிறார்.

சீயான் விக்ரம் பரிந்துரையின் பேரில் மதராசபட்டினம் விஜய் இயக்கத்தில் உருவாகி வரும் புதிய படத்தில் நாயகியாக கமிட் ஆகியிருக்கும் அமலா பால், அதனைத் தொடர்ந்து டைரக்டர் பாண்டிராஜ் இயக்கத்தில் உருவாகும் படத்தில் விமலுக்கு ஜோடியாகவும், லிங்குசாமி இயக்கத்தில் ஆர்யா ஜோடியாக வேட்டை படத்திலும், அதர்வா ஜோடியாக முப்பொழுதும் கற்பனைகள் படத்திலும் நடிக்கப் போகிறார் அமலா பால்.

விக்ரம் படத்தில் பணக்கார பெண்ணாகவும், பாண்டிராஜ் படத்தில் கிராமத்து பெண்ணாகவும் நடிக்கும் அமலா பாலுக்கு, இது‌போன்ற வித்தியாசமான கேரக்டர்களில் நடிப்பதுதான் பிடித்திருக்கிறதாம்.

மைனா ஹீரோயின் அமலா பாலுக்கு நிற்க இருக்கவே நேரம் இல்லையாம்! அவ்வளவு பிஸி! Amala-paul-stills-04