மலேசிய பல்கலைக்கழகங்களில் புலிகள் இயக்கத்துக்கு ஆட்சேர்ப்பாம்

நிசாந்தன் · நிசாந்தன் Fri Jan 07, 2011 11:14 pm

மலேசிய பல்கலைக்கழக மாணவர்களை இஸ்லாமிய தீவிரவாதம் மற்றும் விடுதலைப் புலிகள் இயக்கம் ஆகியவற்றில் சேர்ப்பதற்கான தீவிர கருத்துப்பகிர்வு நடந்து வருவதாக அந்நாட்டின் உள்துறை அமைச்சர் ஹிஷாமுடின் ஹுசைன் கடந்த புதன்கிழமை கூறியுள்ளார். இவரது கருத்துக்கள் நேற்றைய மலேசிய ஊடகங்களில் வெளியாகியுள்ளன. இவ்வாறாக பல்கலைக்கழகங்களிலும் பிற பகுதிகளிலும் ஆயுதக் குழுக்களில் மாணவர் சேர்க்கை நடைபெறுவதை உள்நாட்டு மற்றும் வெளிநாட்டு புலனாய்வுத் தகவல்களின் உதவியுடன் தாம் கண்காணித்து வருவதாகவும் கூறிய அவர், இப்போதைக்கு இது நாட்டின் பாதுகாப்புக்குப் பங்கம் விளைவிக்கவோ அல்லது உடனடியான அச்சுறுத்தல் ஏற்படுத்தவோ போவதில்லை என்றும் குறிப்பிட்டார்.

ஆகவே தற்போது தமது கட்டுப்பாட்டில் வைக்கப்பட்டுள்ள இந்நடவடிக்கை குறித்து அக்கறை எடுக்காமலும் தாங்கள் இருக்க முடியாது என்றார் அவர். இவ்வாறு ஆட்சேர்க்கும் நடவடிக்கை சில பாடசாலைகளில்கூட நடப்பதாகவும் அவர் மேற்கொண்டு கூறியுள்ளார். இவை நாட்டுக்கு அச்சுறுத்தலாகி, வரம்பு மீறும் சமயத்தில் நிச்சயம் நடவடிக்கை எடுக்கப்படும் எனவும் அவர் வலியுறுத்தியுள்ளார்.

மலேசியாவில் பயங்கரவாதச் செயற்பாடுகளில் ஈடுபட்ட இருவர் கடந்த ஆண்டு கைதாகியுள்ளனராம். அதில் ஒருவர் சிரியன் பல்கலைக்கழக விரிவுரையாளர் என்றும் இன்னொருவர் மலேசியர் என்றும் கூறப்பட்டுள்ளது. இவர்கள் இருவரையும் விசாரணை ஏதுமின்றி நீண்ட நாட்களுக்குத் தடுத்து வைத்திருக்கக் கூடிய விதமான சட்டப் பிரிவின் கீழேயே கைது செய்து வைத்துள்ளதாகவும் மலேசிய ஊடகங்கள் சுட்டிக்காட்டியுள்ளன.

Guest · Guest Sat Jan 08, 2011 11:06 am

புலிகளின் தாகம் தமிழ் ஈழத் தாயகம் ஓகே!!!!

மலேசிய பல்கலைக்கழகங்களில் புலிகள் இயக்கத்துக்கு ஆட்சேர்ப்பாம்

மலேசிய பல்கலைக்கழகங்களில் புலிகள் இயக்கத்துக்கு ஆட்சேர்ப்பாம்

Re: மலேசிய பல்கலைக்கழகங்களில் புலிகள் இயக்கத்துக்கு ஆட்சேர்ப்பாம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக