இலங்கை பங்குச்சந்தையின் தாதா பாக்கித்தானியர் சுட்டுக் கொலை

நிசாந்தன் · நிசாந்தன் Fri Jan 07, 2011 12:38 pm

பாகிஸ்தானின் மிகப்பெரிய மாநிலமான பஞ்சாப்பின் ஆளுநரான சல்மான் டசீரை அவரது மெய்ப் பாதுகாவலரே சுட்டுப் படுகொலை செய்துள்ளார். இவர் இலங்கை பங்குச் சந்தையில் முதலிடும் முக்கிய பிரமுகர் ஆவார். பங்குச் சந்தை வர்த்தகத்தில் ஈடுபடுவதற்காக இவர் அடிக்கடி இலங்கை வந்து சென்றிருக்கிறார். அண்மையிலும் இவர் இரகசியமாக இலங்கை வந்து சென்றதும், தனது ஆளுநர் பதவிக்குப் பதிலாக ஒருவரை நியமிக்காமல் வந்ததும் பலத்த சர்ச்சையை பாகிஸ்தான் பாராளுமன்றில் ஏற்படுத்தியிருந்தமையும் குறிப்பிடத்தக்கது. பாகிஸ்தானிலுள்ள முரண்பாடான தெய்வ நிந்தனைச் சட்டங்களுக்கு எதிராக இவர் பேசியதை அடுத்தே அவரது பாதுகாவலர் இவரைச் சுட்டுக் கொன்றுள்ளார்.

ஜனாதிபதி மாளிகையில் இருந்து ஒரு மைல் தூரத்துக்குள் உள்ள முக்கிய சந்தையான கோசர் சந்தையில் வைத்து 9 தடவைகள் இவர் சுடப்பட்டுள்ளார். உடனும் இவரை அருகிலுள்ள மருத்துவமனை ஒன்றுக்கு எடுத்துச் சென்ற போதிலும் அவர் இறந்துவிட்டதாக மருத்துவமனை தெரிவித்தது. இவர் பாகிஸ்தான் ஜனாதிபதி சர்தாரிக்கு மிகவும் நெருக்கமானவர். அதோடு மற்றவர்களை வெளிப்படையாக விமர்சனம் செய்யும் ஒரு நபருமாவார்.

ஆளுநர் டசீர் தனது வாகனத்திலிருந்து வெளியேறியபோது மெய்ப்பாதுகாவலர் அவர் மீது துப்பாக்கிப் பிரயோகம் மேற்கொண்டதாக இச்சம்பவத்தை நேரில் கண்ட சாட்சிகள் தெரிவித்தனர். இதையடுத்து போலீசார் துப்பாக்கிதாரியை நோக்கிச் சுட்டதும் அவர் சரணடைந்துள்ளார். இந்தத் துப்பாக்கிப் பிரயோகங்களுக்கு இடையே சிக்கிய ஐவர் காயமடைந்துள்ளனர்.

நாட்டிலுள்ள தெய்வநிந்தனைச் சட்டங்களை டசீர் இழிவுபடுத்திப் பேசியதாலேயே தாம் அவரைச் சுட்டுக் கொன்றதாக சரணடைந்துள்ள மெய்ப்பாதுகாவலர் தெரிவித்தார். டசீருக்கான பாதுகாப்பை பஞ்சாப் அரசாங்கமே வழங்கியிருந்த நிலையில், இந்தப் படுகொலையானது குறித்த மெய்ப் பாதுகாவலரால் மட்டும் நடத்தப்பட்டதா அல்லது வேறு யாரேனும் இவரைத் தூண்டிவிட்டுச் செய்யப்பட்டதா என்ற கோணத்தில் போலீஸ் விசாரணை நடந்து வருகின்றது.

SK · SK Fri Jan 07, 2011 5:02 pm

இலங்கை பங்குச்சந்தையின் தாதா பாக்கித்தானியர் சுட்டுக் கொலை

இலங்கை பங்குச்சந்தையின் தாதா பாக்கித்தானியர் சுட்டுக் கொலை

Re: இலங்கை பங்குச்சந்தையின் தாதா பாக்கித்தானியர் சுட்டுக் கொலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக