கியூபாவுக்கு விமானத்தைக் கடத்திய அமெரிக்கருக்கு 15 வருட சிறை

ரபீக் · ரபீக் Thu Jan 06, 2011 4:38 pm

அமெரிக்காவிலிருந்து கியூபாவுக்கு விமானத்தைக் கடத்திச் சென்ற அமெரிக்க நபருக்கு 15 வருடச் சிறைத்தண்டனை விதிக்கப்பட்டுள்ளது.
கியூபாவைப் பிறப்பிடமாகக் கொண்டவரும் அமெரிக்கப் பிரஜாவுரிமை பெற்றவருமான லூயிஸ் அமன்டோ பெனா சோல்ற்ரன் (வயது 67) என்பவர் 1968 இல் 103 பயணிகள் மற்றும் பணியாளர்களுடன் நியூயோர்க்கிலிருந்து போர்ட்டோரி கோவை நோக்கிப் புறப்பட்ட பயணிகள் விமானத்தை கியூபாவுக்கு கடத்தியிருந்தார்.

குறித்த விமானத்தின் விமானியினை கத்தி மற்றும் துப்பாக்கி கொண்டு அச்சுறுத்தியதுடன் விமானத்தை கியூபத்தலை நகர் ஹவானாவில் தரையிறக்கும் படி நிர்ப்பந்தித்திருந்தார்.

எனினும் அமெரிக்காவிலுள்ள தனது குடும்பத்தினரை பார்ப்பதற்காக கியூபாவிலிருந்து கடந்த 2009 ஆம் ஆண்டு அமெரிக்காவுக்கு திரும்பிய சோல்ற்ரன் விமானக்கடத்தல் மற்றும் விமாப் பணியாளர்களைக் கடத்தியமை ஆகிய குற்றங்களுக்காக கைது செய்யப்பட்டிருந்த அவர் குற்றத்தை ஒப்புக் கொண்டுள்ளார்.

இந்நிலையில் நேர்மையான வாழ்க்கை வாழ்ந்த சோல்ற்ரன் கியூபாவிலுள்ள வைத்தியசாலையிலிருந்த தனது தந்தையை பார்ப்பதற்காகவே விமானத்தைக் கடத்தியிருந்ததாகவும் அதனால் பல தசாப்தங்களாக அவர் குற்ற உணர்வுடன் காணப்பட்டதாகவும் அவரது வழக்கறிஞர் தெரிவித்துள்ளார்.

விமானக் கடத்தல் என்பது பயங்கரமான குற்றமாகும் மக்கள் சட்டத்திற்கு கீழ் படிந்து நடக்க வேண்டும் என இந்த வழக்குக்கு பொறுப்பான நீதிபதி அல்வின் ஹெலெஸ்ரின் தெரிவித்தார்.

தீர்ப்பு வழங்கப்பட்ட பின்னர் சில நிமிடங்கள் வரை சோல்ற்ரன் தனது ஆசனத்திலிருந்து அழுததாகவும் தெரிவிக்கப்படுகிறது

விடுப்பு குலுமம்

கியூபாவுக்கு விமானத்தைக் கடத்திய அமெரிக்கருக்கு 15 வருட சிறை

கியூபாவுக்கு விமானத்தைக் கடத்திய அமெரிக்கருக்கு 15 வருட சிறை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக