காதலனை ஏமாற்றிய காதலிக்கு 5 மில்லியன் ரூபா அபராதம்

kirupairajah · kirupairajah Sun Aug 23, 2009 2:52 pm

திருமணம் செய்வதாக வாக்குக் கொடுத்துவிட்டு, பின்னர் மறுத்த காதலி ஒருவருக்கு எதிராக காதலர் தொடுத்த வழக்கில், காதலனுக்கு நஷ்ட ஈடாக 5 மில்லியன் ரூபா கிடைக்க வேண்டும் என்ற தீர்ப்பு வழங்கப்பட்டுள்ளது. இந்த சுவாரஷியமான வழக்கு கொழும்பு நீதிமன்றில் நடந்து, வெள்ளிக்கிழமை தீர்ப்பு வழங்கப்பட்டுள்ளது. இது பற்றி

மேலும் தெரிய வருவதாவது:

மார்ச் 1999 இல் அஜித் பிரசன்னா என்பவர் ஷிரோமலீ மல்காந்தி மீது காதல் கொண்டுள்ளார். இவர்கள் இருவரும் பல கடிதங்களைப் பரிமாறியுள்ளனர். இதன்பின்னர் இரு வீட்டு பெற்றோரும் கலந்து பேசி திருமண தேதியும் குறிக்கப்பட்டுள்ளது. இதனையடுத்து காதலிக்கு அன்பளிப்புகளாக 50,000 ரூபா பெறுமதியான நகையை வாங்கிக் கொடுத்துள்ளார் பிரசன்னா.

ஆனால் 2002 ஆண்டிலிருந்து மல்காந்தி பிரசன்னாவை தவிர்த்து வெறுக்கத் தொடங்கியதோடு, தனக்கு திருமணம் செய்யும் எண்ணம் இல்லை என்றும் தன்மீதுள்ள காதலை நிறுத்தும்படியும் பிரசன்னாவிடம் கூறியுமுள்ளார். இதன்பின்னரும் திருமணத்துக்கு ஒப்புக்கொள்ளும்படி பலதடவை பிரசன்னா கேட்டுள்ளார். இரு வீட்டு பெற்றோரும் அவர்கள் இருவரையும் ஒன்றிணைக்க பல முயற்சிகள் செய்தும் பலனில்லாமல் போய் விட்டது. இதனால் மனமுடைந்த பிரசன்னா, தமது மனநிலை மோசமாகப் பாதிக்கப்பட்டுள்ளதாகவும், தமக்கு ஏற்பட்ட இழப்புகளூக்கு 50 மில்லியன் ரூபாவும், தான் காதலிக்கு வழங்கிய நகைகளையும் பெற்றுத் தரும்படி கொழும்பு கோர்ட்டில் வழக்குத் தொடுத்ததன் தீர்ப்பே வெள்ளிக்கிழமை வழங்கப்பட்டுள்ளது

**சிவா** · **சிவா** Sun Aug 23, 2009 2:57 pm

என்னய்யா இது கொடுமையா இருக்கு, பிடிக்கவில்லையென்றால் விட்டுவிட வேண்டியதுதானே! நடனம்

**ராஜா** · **ராஜா** Sun Aug 23, 2009 3:00 pm

தேவதையை கண்டேன்ன்னு ஒரு தமிழ் படம் வந்தது , அது மாதிரி இருக்கு.

ரூபன் · ரூபன் Sun Aug 23, 2009 7:00 pm

இப்படி ஒருவன் செய்தால்தான் மற்றப் பொண்ணுங்கள் திருந்துவாங்க இதை இரண்டு வருசத்துக்கு முன்னாடி செய்திருந்தால் என் காதல் பிச்சுக்கிட்டு போயிருக்காது பெரியப்பு சோகம்