நண்பர்களோடு சேர்ந்து வரைய ஒரு இணையதளம்

கோஸ்கெட்ச் பெயருக்கு ஏற்பவே நண்பர்களோடு இணைந்து இணையம் வழியே வரைவதற்கான சேவையாகும்.நீங்கள் வரைந்துள்ள ஓவியத்தை நண்பர்களுக்கு காட்ட வேண்டும் என்றாலோ அல்லது சித்திரம் மூலம் புதிய யோசனையை மற்றவர்களோடு பகிர்ந்து கொள்ள நினைதாலோ இந்த சேவையை பயன்படுத்திக்கொள்ளலாம்.இதற்கான எளிதான இணைய பென்சில்களும் வர்ணங்களும் கொடுக்கப்பட்டுள்ளன.அவற்றில் உங்களுக்கு தேவையானதை தேர்வு செய்து கொண்டு மனதில் உள்ளதை வரைந்து கொள்ளலாம்.இந்த பக்கத்தின் இணைய முகவரியை நண்பர்களுக்கு தெரிவித்தால் அவர்களும் அதே பக்கத்தை பார்க்க முடிவதோடு அதில் திருத்தங்களையோ மாற்றங்களையோ செய்யலாம்.

சும்மா ஜாலியாக வரைந்த சித்திரத்தை பகிர்ந்து கொள்ளவும் இந்த வ‌சதியை பயன்படுத்திக்கொள்ளலாம்.அல்லது நண்பர்களோடு இணைந்து துவக்க உள்ள புதிய நிறுவனம் அல்லது திட்டத்திற்கான வரைவு நகலையும் கூட இப்படி பகிர்ந்து கொள்ளலாம்.

இந்த சித்திரத்தை காணும் நண்பர்கள் அத‌னை மேம்படுத்துவதில் தங்களும் சேர்ந்து கொள்ளலாம் அல்லது தங்கள் கருத்துக்களை குறிப்பிடலாம்.இந்த வகையில் ஒரு மைய எண்ணத்தின் அடிப்படையில் நண்பர்கள் கூட்டாக செயல்பட்டு மாபெரும் திட்டத்தை உருவாக்கலாம்.

வரைவதற்கான இணைய கருவிகளோடு பல்வேறு வகையான உருவங்கள் போன்ற‌வற்றை பயன்படுத்தி கொள்ளும் வசதியும் இருக்கிற‌து.உதாரணமாக சித்திர கதை தோற்ற‌ங்களையோ அல்லது விளையாட்டு பொருட்களின் உருவத்தையோ பயன்படுத்தலாம். இதே போல குறிப்பிட்ட புகைப்படத்தியும் பயன்படுத்தலாம்.
புகைப்படங்களை தோன்ற செய்து பகிர்வது போல கூகுல் வரைப்படத்தையும் பகிர்ந்து கொள்ளும் வசதி இருக்கிறது.குறிப்பிட்ட இடத்தை சுட்டிக்காட்ட இந்த வசதியை பயன்படுத்திக்கொள்ளலாம்.

எல்லா உலாவிகளிலும் செயல்படும் என்பதும் தனியே பதிவு செய்து கொள்ள தேவையில்லை என்பதும் இந்த சேவையை மேலும் பயனுள்ளதாக்குகிற‌து

லிங்க்
http://www.cosketch.com/