தாலிகட்டும் மந்திரத்தின் பொருள்

**தமிழ்நேசன்1981** · 21/11/2010

திருமணத்தில் பெண்ணின் கழுத்தில் மாங்கல்யம் கட்டும் போது,
"மாங்கல்யம் தந்துனானே
மமஜீவன ஹேதுநா
கண்டே பத்நாமி ஸுபகே
த்வம ஜீவ சரதஸ்சதம்!!'
என்று சொல்கிறார்கள்.

இதன் பொருளைத் தெரிந்து கொள்ளுங்கள்.

"மங்கலமான பெண்ணே! உன்னோடு இன்று நான் துவங்கும் இல்லறவாழ்வு நல்லமுறையில்
இருக்க வேண்டும் என்று உறுதியளித்து, இந்த திருமாங்கல்யத்தை உன் கழுத்தில்
அணிவிக்கிறேன். என் இல்லத்துணைவியாக, என் சுகதுக்கங்களில் பங்கேற்று,
நிறைந்த யோகத்துடன் நீ நூறாண்டு காலம் வாழ்வாயாக,'' .

வணங்குவதை தவிர்க்கும் நேரம் சுவாமியை கும்பிடக்கூடாத நேரம் என்ற ஒன்றும் இருக்கிறது. எது தெரியுமா?

விழாக்காலங்களில் உற்சவர் வீதியுலா வரும் போது, கோயிலுக்குள் சென்று
மூலவரையும், பரிவார தெய்வங்களையும் வணங்குவதைத் தவிர்க்கலாம். இந்நேரத்தில்
மூலவரே வெளியில் வருவதாக ஐதீகம் என்பதால், உள்ளே சென்று வணங்கினாலும்
பயனில்லை என்பர்.

திருப்பதி பிரம்மோற்ஸவத்தின் ஐந்தாம் நாளான கருடசேவையின் போது, சுவாமி உலா
வரும் வரை நடை அடைக்கப்பட்டிருந்தது ஒரு காலத்தில்! இப்போது கூட்டம்
காரணமாக சிறிதுநேரம் மட்டும் தரிசனத்தை நிறுத்தி வைக்கிறார்கள்.
நைவேத்யத்திற்காக திரையிட்டிருக்கும் போது, உள்ளே உற்றுப்பார்த்து
வணங்கக்கூடாது. வலம் வரவும் கூடாது.
www.hi2web.com

Raju_007 · Raju_007 Sat Dec 25, 2010 8:08 pm

நன்றி பயனுள்ள தகவல்களுக்கு.

**தமிழ்நேசன்1981** · 21/11/2010

மகிழ்ச்சி நண்பரே... தாலிகட்டும் மந்திரத்தின் பொருள் 154550

அகீல் · அகீல் Sun Dec 26, 2010 8:41 pm

கலைவேந்தன் · கலைவேந்தன் Sun Dec 26, 2010 10:31 pm

தகவலுக்கு நன்றி நண்பரே..!

nandhtiha · nandhtiha Mon Dec 27, 2010 12:15 am

அனைவருக்கும் வணக்கம்

மாங்கல்யம் …… சதம் என்பது மந்திரம் அல்ல. இது ஒரு
சுலோகம். ஆபத்ஸ்தம்ப க்ருஹ்ய சூத்திரத்தில் சப்த பதி என்று சொல்லக்கூடிய தீவலம்
வருவது தான் கூறப் பட்டுள்ளது,

திருப்பாவை பாடிய ஆண்டாளும் மாங்கல்ய தாரணம் பற்றிக்
கூறவே இல்லை,

வாய் நல்லார் நல்ல மறை ஓதி மந்திரத்தால்

பாசிலை நாணல் படுத்துப் பரிதி வைத்துக்

காய்சின மாகளிறு அன்னான் என் கை பற்றித்

தீவலம் செய்யக் கனாக் கண்டேன் தோழீ நான்

என்று தான் பாடினாள்

சிலம்பிலும்

மாமுது பார்ப்பான் மறை வழி காட்டத்

தீவலம் செய்து என்று தான் இருக்கிறது,

தாலி கட்டுதல் என்பதைப் பற்றி சிலம்புச் செல்வர் ம
பொ சி அவர்களுக்கும் கவியரசு கண்ணதாசனுக்கும் இடையே கடுமையான வாதப் போர்
நடந்திருக்கிறது. கண்ணதாசனின் வாதம் தாலி என்பது தமிழர் வழக்கமில்லை என்பது தான்

ஆனால்

கம்பன் கலை அற நிலைப் பதிப்பில்

பூக்கொய் படலம்

916

மறலிக்கு ஊண் நாடும் கதிர் வேலான் இடையே
வந்து

உற இக் கோலம் பெற்றிலன் என்றால் உடன் வாழ்வு
இப்

பிறவிக்கு ஒல்லேன் என் செய்வது இப்பேர் அணி
என்று ஓர்

விறலிக்கு ஈவாள் ஒத்து இழை எல்லாம்
விடுவாளும் «

மறலிக்கு ஊண் நாடும் –
கூற்றுவனுக்கு உணவு தேடித் தருகிற; கதிர் வேலான் – ஒளியுமிழும் வேல் ஏந்திய (என்)
கணவன்; இடையே வந்து உற- என்னிடம் சேர்ந்து பொருந்துதற்கு; இக்கோலம் –
இவ்வலங்காரத்தை; பெற்றிலேன் – (நான்) பெறவில்லை; என்றால் – என்னக் கூடுமாயின்;
இப்பிறவிக்கு உடன் வாழ்வு ஒல்லேன் – இப்பிறவியில் இவ்வுடலோடு வாழ்வதற்கு (இனி
நான்) உடன்படேன்; இப்பேர் அணி என் செய்வது” – இப்பெரிய அலங்காரம் என்ன
பயனைத்தருவதாம்? என்னா – என்று இழை எல்லாம் – (தான் அணிந்திருந்த) ஆபரணங்களை
எல்லாம்; விறலிக்கு ஈவாள் ஒத்து – விறலிக்கு ஈந்து விடுவாள் போன்று; விடுவாளும்
–கழற்றித் தருபவளும்.

அணிகளால் தன்னைப் புனைந்து
கொண்டு கணவன் வருகைக்குக் காத்திருந்தாள் ஒருத்தி; நெடும் பொழுதாகியும் செயல்
ஆற்றச் சென்ற கணவண் வாராமை அவள் நெஞ்சை வருத்தியது, இந்த அலங்காரக் கோலத்தோடு
அவனைக் கூடி மகிழப் பெறாத இவ்வணிகளும் உடலும் எதற்கு? என்று வெறுத்தவள் அணிகலன்களை
எல்லாம் வேறு ஒருத்திக்குத் தந்து விட்டாள். (தீயில் வீழ்ந்து) இறக்கத்
துணிந்தவர்கள் தமது அணிகலன்களைத் தமது விருப்பத்திற்கு இடம் ஆயினார் கையிற்
கொடுப்பது மரபாதலால் விறலி கையில் கொடுத்து விடுவாளாயினள். “ இழையெல்லாம்
விடுவாளும்” என்றாலும் மங்கல அணியினைத் தவிர்த்து மற்றவை எல்லாம் கொடுத்தாள் என்று
பொருளாகக் கொள்க. ஏனெனில் ஈகையரிய இழையணி (புறம் 127;5) அதுவாகலின் மங்கல அணியில்
பிறிதணி மகிழாள் (சிலம்பு 4:50) என்பார் இளங்கோ அடிகளும். மற்றை நல் அணிகள் காண்
உள் புனைந்து அவன் கண்ணுக்கு இனியராய் இருக்க விரும்பிய மகளிரின் பண்பு இங்கு
சுட்டியவாறு. விறலிக்கு ஈவாள் ஒத்து என்பதனால் பழங்காலத்தில் ஆடிப் பாடும்
விறலியர்க்கு ஆபரணங்களை ஈயும் வழக்கம் புலனாம்.

இங்கு மங்கல அணி என்பது தாலியைக் குறிக்கும்

ஈகரை அன்பர்கள் சிந்தனைக்கு இதனைப் பதிவிட்டேன்.

என்றும் மாறா அன்புடன்

நந்திதா

**தமிழ்நேசன்1981** · 21/11/2010

தங்கள் கருத்துரைக்கு நன்றி சகோதரி.... தாலிகட்டும் மந்திரத்தின் பொருள் 677196

**சிவா** · **சிவா** Mon Dec 27, 2010 8:01 am

http://www.eegarai.net/-f8/--t45848.htm

**Aathira** · **Aathira** Mon Dec 27, 2010 9:26 am

தகவலுக்கு நன்றி .! தாலிகட்டும் மந்திரத்தின் பொருள் 678642

**ராஜா** · **ராஜா** Mon Dec 27, 2010 10:25 am

இந்த பதிவை படித்தவுடன் , இதற்க்கு நந்திதா அக்கா அவர்களின் விளக்கம் கிடைக்கும் என்று ஆவலுடன் எதிர்பார்த்திருந்தேன்,

நன்றி அக்கா , எளிமையாக புரிந்து கொள்ளும் படி இருந்தது உங்கள் விளக்கம். தாலிகட்டும் மந்திரத்தின் பொருள் 678642

Sponsored content · Sponsored content

தாலிகட்டும் மந்திரத்தின் பொருள்

தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

Re: தாலிகட்டும் மந்திரத்தின் பொருள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக