அமெரிக்காவில் வானில் இருந்து பறவைகள் செத்து விழுந்ததால் பரபரப்பு

**krishnaamma** · **krishnaamma** Mon Jan 03, 2011 7:00 pm

லிட்டில் ராக்: அமெரிக்காவின் அர்கன்சாஸ் மாநிலம் பீப் நகரில் திடீர் திடீரென வானில் இருந்து பறவைகள் கடந்த 31&ம் தேதி செத்து விழுந்தன. இரவு 11.30 மணியில் இருந்து தொடர்ச்சியாக பறவைகள் விழுந்த வண்ணம் இருந்தன. சாலைகளில் செல்லும் வாகனங்கள், நடந்து செல்வோர், வீடுகள், உயரமான கட்டிடங்கள் என சுமார் ஒரு சதுர மைல் பரப்பில் பறவைகள் விழுந்துள்ளன. இதுபற்றி போலீசாருக்கும் மீட்பு துறையினருக்கும் புகார்கள் குவிந்தன.

மர்மமான முறையில் ஏராளமான பறவைகள் இறந்து விழுந்தது அர்கன்சாஸில் பெரும் பரபரப்பை ஏற்படுத்தியது. பீப் நகர் தவிர வேறு எங்கும் இதுபோல நடக்கவில்லை என்று விசாரணையில் தெரியவந்தது. இதுதொடர்பாக ஆராய்ச்சியாளர் கரேன் ரோவே தலைமையில் உடனடியாக ஆய்வு நடத்தப்பட்டது. அதிக சக்தி வாய்ந்த மின்னல் தாக்கி அல்லது திடீர் வானிலை மாற்றம் காரணமாக இச்சம்பவம் நடந்திருக்கலாம் என்று முதல்கட்ட ஆய்வில் தெரியவந்தது.

பறவைகளின் உடல்கள் சோதனைக்காக விலங்குகள் நல ஆணைய ஆய்வுக்கூடம் மற்றும் விஸ்கோன்சின் சுகாதார ஆய்வுக்கூடத்துக்கு அனுப்பப்பட்டுள்ளன. புத்தாண்டு கொண்டாட்டத்தின்போது கொளுத்தப்பட்ட பட்டாசு, மத்தாப்புகள் அல்லது விஷ வாயு, விஷக்காற்றும் காரணமாக இருக்கலாம் என்று கூறப்படுகிறது. தீவிர விசாரணை நடந்து வருகிறது.

Guest · Guest Mon Jan 03, 2011 8:51 pm

சுமதி அம்மா ,அந்த கண்ணன் வருவாய் பதிவை பார்த்தீங்களா ,தரவிறக்கம் பகுதி இல் ....

அமெரிக்காவில் வானில் இருந்து பறவைகள் செத்து விழுந்ததால் பரபரப்பு

அமெரிக்காவில் வானில் இருந்து பறவைகள் செத்து விழுந்ததால் பரபரப்பு

Re: அமெரிக்காவில் வானில் இருந்து பறவைகள் செத்து விழுந்ததால் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக