ஈகரை நலம்விரும்பிகளா நீங்கள்...? அவசியம் இதைப் படிக்கவும்..!

by கலைவேந்தன் Sun Jan 02, 2011 9:51 pm

First topic message reminder :

அன்பார்ந்த ஈகரை நண்பர்களே, உறவுகளே, சகோதர சகோதரிகளே, என் அருமைத் தோழிகளே...

மிகவும் மனவேதனையுடன் இந்த அறிவிப்பை வெளியிடுகிறேன்..!

நான் கடந்த பிப்ரவரி மாதம் 4 ஆம் தேதி ஈகரையில் நுழைந்த போது நான் உணர்ந்ததை இங்கே கொஞ்சம் கூறிக்கொள்ள விழைகிறேன்.

அருமையானதொரு கலைக்களஞ்சியமாக எது தேடினாலும் அது இங்கே கிடைக்கும் என்ற நிலையில் கூகுளுக்கு அடுத்த படியாக சாதனை புரிந்து மிகவும் பரந்து விரிந்து கிடந்த ஈகரையில் வெட்டி அரட்டைகளும் வீண் விதண்டாவாதமான கவைக்குதவாத அரட்டைகளும் நிறைந்தும் கிடந்ததை கண்டேன். தங்கம் இயற்கையில் கொஞ்சம் மாசுகலந்தே கிடைக்கும் என்பதாக அறிந்து கூடிய வரையில் ஈகரையில் ஒழுங்கினைக் கொணர நான் விழைந்த போது எனது கரங்களை வலுப்படுத்தி உங்களால் முடியும் செய்யுங்கள் என்று என்னிடம் சிவா கூறிய பின் இயன்றவரை பிழைகள் களைந்து வீண் திரிகளை ஒழுங்குபடுத்தி எங்கும் ஓர் ஒழுங்கிருந்தால் அங்கே அழகு மிளிரும் என்பதாக ஈகரையை மேம்படுத்த ஓர் அணிலாக முயன்று கொஞ்சம் அவ்வப்போது கடுமையும் காட்டி ஈகரை மிக அழகான விவாதக்களமாக விளங்க முயன்றோம்.

அதில் மிக்க வெற்றியும் பெற்றோம். அதை நீங்கள் கண்கூடாகக் கண்டும் இருக்கிறீர்கள்.

ஆனால் இப்போது ...?

மீண்டும் ஈகரை அந்த பாதையில் போய்விடுமோ... யாஹூவின் பொது அரட்டைக்களமாக மாறிவிடுமோ என்ற ஐயமும் பயமும் வந்து விட்டது.

உதாரணங்கள் காண வேண்டுமா...? கீழ்க்கண்ட தொடுப்புகளில் சென்று நீங்களே முடிவு செய்யுங்கள்..!

[You must be registered and logged in to see this link.]

இவை தவிர எண்ணற்ற திரிகள் படிக்கவே கூச வைக்கும் திரிகள் செய்திகள் என்ற பெயரில் தினத்தந்தி போன்ற மூனாம்தர பத்திரிகை கூட வெளியிடத்தயங்கும் செய்திகள் தினசரி ஈகரையில் திரிகளாகத் தொடங்கப்படுகின்றன.. அதுபோன்ற நம்மைக்கூச வைக்கும் திரிகள் அனைத்தும் கண்ணில் படும்போதெல்லாம் ஈகரையின் கார்பேஜ் பகுதிக்கு நகர்த்தப்பட்டுவிடுவதால் பெரும்பாலோர் கண்களுக்கு வரவிடாமல் செய்துவிடுகிறோம்.

ஏன் இப்படி...? ஈகரை ஒரு செய்தித் தளமல்ல.. நாம் இணையங்களில் காணப்படும் குப்பைகளை எல்லாம் கொண்டு வந்து கொட்டுவதற்கு இது இணையங்களின் குப்பைத்தொட்டியும் அல்ல..

செய்திகளில் திரிகள் வெளியிடும் போது கொஞ்சம் பொறுப்புணர்ச்சியுடன் செயல்படவேண்டாமா...? ஆணுறுப்பை அறுத்துக்கொள்வது போன்ற அருவெருப்பு மிக்க செய்திகளை இடும் முன் கொஞ்சம் யோசிக்க வேண்டாமா...?

நாமெல்லாம் பண்பாடுடையவர்கள் அல்லவா...? நாம் பதிவன எதிர்காலச்சந்ததிகளுக்கு நம் முகத்தைக் காட்டுகின்ற கண்ணாடிகள் அல்லவா..?

மேலும் நான் பலமுறை கூறியும் ஓரிரு வரிகளுக்கென ஒரு திரி தொடங்கும் புற்றீசல் கவிகள் கொஞ்சமும் ஆலோசிக்காமல் கவிதை என்ற பெயரில் இரண்டு வரிகளை போட்டு ஒரு திரி எனத் தொடங்கிவிடுகிறார்கள்.. அதைக்கூறினால் அவர் போட்டு இருக்காரே இவர் போட்டு இருக்கிறாரே என்று விதண்டா வாதம் வேறு..

எனவே நண்பர்களே... கொஞ்சம் ஆலோசியுங்கள். நாம் எதைவிடுத்துச் செல்கிறோம் நம் பிந்தய தலைமுறைக்கென்று சிந்தியுங்கள்..

இயன்ற வரை எதையும் பதியும் முன் அது தொடர்பான திரிகள் இருப்பின் அதில் தொடர முற்படுவோம்... இங்கே திரிகள் தொடங்கிய எண்ணிக்கைச் சாதனைகள் முக்கியமல்ல்.. எதை வேண்டுமானாலும் கொட்டிவிட ஈகரை குப்பைக்கூடமும் அல்ல.. முகம் பொலிவுற வழி சொல்லுங்கள்... அதை முன்பே இருக்கும் திரிகளில் சொல்லுங்கள்... இரண்டு வரி ஆலோசனைக்கென்று ஒரு திரி எதற்கு..?

ஊர்கூடித் தேர் இழுக்கும் நிலை எங்குமே... நாம் உணர்ந்து ஒத்துழைப்பு தந்து ஒற்றுமையுடன் இயங்கி பொறுப்பை உணர்ந்து செயல் பட்டால் ஈகரை மேலும் மேலும் சிறக்கும் என்பதில் ஐயமில்லை...!

சிந்திப்பீர்களா நண்பர்களே...?

by **பிரசன்னா** Mon Jan 03, 2011 11:19 am

ஆம். அனைவரும் ஏற்றுக்கொள்ள வேண்டும்.

நான் இந்த தளத்தில் நிறயா பயனுள்ள தகவல்களை கண்டுள்ளேன்.

பிரசன்னா. நன்றி

by ஹாசிம் Mon Jan 03, 2011 2:25 pm

முக்கியமான விடயமிது மீண்டும் ஞாபகமூட்டியதற்கு நன்றி
அனைவரும் இதற்கமைவாக நடத்தல் ஈகரையின் வலுவுக்கு வழிவகுக்கும்
அவ்வாறே அண்ணாவின் கூற்றுக்கமைவாக எதிர்கால சந்ததியினரின் தேடல்களுக்கு ஈகரை மையமாக அமைந்து விடும்
நன்றி
அருமையான வழிநடத்தல்.....

தலமை நடத்துனர்கள், ஈகராயின் நன்மை கருதி எடுத்துசொல்ல கடமைப்பட்டுள்ளனர். இதைப் பின்பற்றி செயல்படுத்த நாம் தயாராய் இதுத்தல் அவசியம். எந்தவித வியாபார, விளம்பர நோக்கின்றி இருக்கும் ஈகரை என்றும் வாழ வாழ்த்துகிறோம்.

by பூஜிதா Mon Jan 03, 2011 2:40 pm

நானும் பல தேவையற்ற பின்னூட்டங்கல் கொடுதிருக்கிறேன் அணைதுக்கும் வருதம் தெரிவிக்கிறேன்
தவறை சுட்டி காட்டியமைக்கு நன்றி

by தாமு Mon Jan 03, 2011 3:04 pm

[You must be registered and logged in to see this image.] அண்ணா

by மோகன் Mon Jan 03, 2011 3:13 pm

நானும் முன்பு இரண்டு மூன்று வரியுள்ள கவிதை துணுக்குகள் திரியிட்டேன் கலை சார் சுட்டிக்காட்டினார்.

தவறை சுட்டி காட்டியமைக்கு நன்றி.

மீன்டும் இது போன்று நடக்காத வண்ணம் அனைவரும் நடந்து கொள்வோம்.

by அப்புகுட்டி Mon Jan 03, 2011 3:54 pm

சிறந்த வழி காட்டலுடன் செல்லட்டும் அன்பு அண்ணா நாங்கள் உங்கள் வழியை பின் தொடர்கிறோம் நன்றி

என்றும் அன்புடன்
அப்புகுட்டி.

by கலைவேந்தன் Tue Jan 04, 2011 12:52 pm

என் அன்பான வேண்டுகோளை ஏற்றுக்கொண்ட ஈகரை உறவுகளுக்கு என் மனமார்ந்த நன்றிகள்... ஒன்றுபடுவோம்... உயர்வோம்...!

by மஞ்சுபாஷிணி Tue Jan 04, 2011 1:02 pm

அருமையான விஷயங்கள் கூட அன்பாய் தட்டிக்கொடுத்து சொல்லிக்கொடுத்தபடி கேட்டு அதன்படி கண்டிப்பாக நடந்துக்கொள்வோம் என்று உறுதியும் கூறிக்கொள்கிறேன் கலை....

by ப்ரியா Tue Jan 04, 2011 1:46 pm

நிச்சயமாக கலை அண்ணனின் கருத்தை ஏற்றுக் கொள்வதோடு, இதே போல் தவறுகள் இடம் பெறாமல் அனைவரும் ஒன்றிணைந்து ஈகரையின் வளர்ச்சிக்கு பாடுபடுவோம் ..

நன்றி கலை அண்ணா