நடுவர் குடிபோதையில் இருந்ததால்தான் நாங்கள் தோற்றோம். தென்னாப்பிரிக்கா வீரர்கள்.

இந்திய-தென்னாப்பிரிக்க அணிகளுக்கு
இடையிலான இரண்டாவது டெஸ்ட் போட்டிக்கு முந்தைய நாள் இரவு நடுவர் ஸ்டீவ்
டேவிஸ் குடிபோதையில் இருந்தார் என்று தென்னாப்பிரிக்க கிரிக்கெட் வீரர்கள்
குற்றம்சாட்டியுள்ளனர்.

இரண்டாவது டெஸ்டின் இரண்டாவது இன்னிங்ஸின்
போது டிவில்லியர்ஸýக்கு தவறான தீர்ப்பு வழங்கியது தொடர்பாகவும் அவர்கள்
புகார் தெரிவித்துள்ளனர்.

ஆஸ்திரேலியாவைச் சேர்ந்தவரான ஸ்டீவ்
டேவிஸ், இரு அணி வீரர்கள் மற்றும் அதிகாரிகள் தங்கியிருந்த ஹோட்டலில்
குடிபோதையில் இருந்தார் என்றும் அவர்கள் தெரிவித்துள்ளனர்.

இதுதொடர்பாக
தென்னாப்பிரிக்காவின் தினசரி நாளிதழான "பீல்டு' செய்தி வெளியிட்டுள்ளது.
கடந்த ஒரு வாரத்திற்கும் மேலாகவே டேவிஸ் குறிப்பிட்ட மதுபானக் கடையில்
சென்று மது அருந்தினார். முதல் டெஸ்ட் தொடங்கிய தினத்தன்று போட்டி
தொடங்குவதற்கு முன்னதாக அதிகாலையில் ஹோட்டல் ஒன்றில் குடிபோதையில்
நினைவற்று விழுந்து கிடந்தார் என தென்னாப்பிரிக்க கிரிக்கெட் வட்டாரங்கள்
தெரிவித்ததாக அந்த செய்தியில் குறிப்பிடப்பட்டுள்ளது.
தென்னாப்பிரிக்க அணி மேலாளர் முகமது
மூசாஜி, பத்திரிகையில் வெளியான செய்தி தொடர்பாக விசாரணை நடத்துமாறு ஐசிசி
நடுவர்கள் குழு தலைவர் வின்சென்ட் வான் டெர் பிஜிலை கேட்டுக் கொண்டுள்ளார்.

இதுகுறித்து தனக்கும் தெரியவந்துள்ளதாக குறிப்பிட்ட வின்சென்ட், நடவடிக்கை தொடர்பாக கருத்துத் தெரிவிக்க மறுத்துவிட்டார்.

இரண்டாவது
டெஸ்ட் போட்டியின் இரண்டாவது இன்னிங்ஸில் காலிஸ், டிவில்லியர்ஸ் ஆகியோர்
ஆட்டமிழந்ததாக நடுவர் டேவிஸ் தீர்ப்பு வழங்கினார். ஆனால் டிவியில்
பார்த்தபோது அது அவுட் இல்லை எனத் தெரியவந்தது.

இந்த நிலையில் அவர் குடிபோதையில் இருந்ததாக குற்றம்சாட்டப்பட்டுள்ளதால் பெரும் சர்ச்சைக்குள்ளாகி இருக்கிறது.