குண்டுவெடிப்புடன் துவங்கிய புத்தாண்டு : சர்ச் - ராணுவ கிடங்கில் வெடித்து 50 பேர் பலி

கெய்ரோ: புதிய புத்தாண்டு வன்முறை இல்லாத ஆண்டாக இருக்கட்டும் என பலர் வேண்டிக்கொண்டிருந்த நேரத்தில் புதிய ஆண்டு பிறந்து கொண்டிருந்த போது உலகில் இரண்டு இடங்களில் வெடிகுண்டு வெடித்து 51 பேர் பலியாகியிருக்கின்றனர்.

இந்த ஆண்டின் முதல் இரட்டை குண்டு வெடிப்பாகும். நைஜீரியாவில் விமானநிலையம் மற்றும் மதுபானம் அருந்தும் கிளப் அருகேவும் குண்டு வெடித்ததாக அதிகாரப்பூர்வமற்ற தகவல்கள் தெரிவிக்கிறது.

உலகம் முழுவதும் 2011 புத்தாண்டு கொண்டாட்டம் களை கட்டியது. வான வேடிக்கைகள் கண்ணைக்கவர்ந்தன .இரவு நேர நள்ளிரவு பிரார்த்தனையில் அனைத்து சர்ச்களும் நிறைந்து வழிந்தன. ஒருவருக்கொருவர் புத்தாண்டு வாழ்த்துக்களை கைகுலுக்கி பரிமாறிக்கொண்டிருந்த நேரத்தில் நைஜீரியா மற்றும் எகிப்தில் குண்டு வெடிப்பு நிகழந்துள்ள சம்பவம் கவலையடையச்செய்துள்ளது.

நைஜீரியாவில் கேகுண்டு வெடித்தது; நைஜீரியாவில் அபுஜா நகரில் புத்தாண்டுவிழா நடந்த அரங்கம் மற்றும் ராணுவ கிடங்கு ஆகியவற்றுக்கு நடுவில் பலத்த சப்தத்துடன் குண்டு வெடித்தது. இதில் ஆடி, பாடி கழித்து கொண்டிருந்த பலர் சிக்கினர். 30 பேர் உயிரிழந்துள்ளனர் என உறுதியான தகவல் தெரிவிக்கப்பட்டாலும், காயமுற்றவர்கள் பலர் ஆபத்தான நிலையில் உள்ளனர் என அங்குள்ள டி. வி ., செய்தி கூறுகிறது.இன்னும் உயிர்ப்பலி அதிகரிக்கலாம் என மருத்துவ வட்டாரத்தை மேற்கோள்காட்டி ஒரு செய்தி நிறுவனம் தெரிவித்துள்ளது.

எகிப்து சர்ச் அருகே கார் குண்டு வெடிப்பு: எகிப்து வடக்கு நகரமான அலக்சாண்டிரியாவில் உள்ள அல்குடிசைன் சர்ச் அருகே கார் குண்டு வெடித்தது. இதில் 21 பேர் உயிரிழந்தனர். 43 பேர் காயமுற்றனர். பிரார்த்தனையில் பங்கேற்று பலர் தத்தம் நகருக்கு சென்று விட்டதால் பெரும் உயிர்ச்சேதம் தவிர்க்கப்பட்டது என உள்ளூர் பிரமுகர் ஒருவர். தெரிவித்தார்.

குண்டு வெடிப்பின் காரணமாக ஆத்திரமுற்ற பலர் போலீசாருடன் கல்வீசி மோதிக்கொண்டனர். தொடர்ந்து அருகில் வசிக்கும் மற்றொரு பிரிவினர் மீதும் தாக்குதல் தொடுத்தனர். இதனால் அங்கு பதட்டம் ஏற்பட்டது.

தினமலர்

முதல் தேதியும் புது வருடமுமான இன்று நான் படித்த முதல் துக்க சேதி இது!

வருந்தத் தக்க செய்தி...!