2005 காலண்டர்தான் அச்சு அசலாக 2011

by **krishnaamma** Thu Dec 30, 2010 3:12 pm

புதுடெல்லி : புத்தாண்டுக்காக காலண்டர் வாங்க காசு செலவிட தயக்கமா... உங்க மளிகைக் கடைக்காரர் கூட விலைவாசியை காரணம் காட்டி ஓசி காலண்டர் தர மறுக்கிறரா? 2005 காலண்டரை நீங்கள் பத்திரப்படுத்தி வைத்திருந்தால் கவலையில்லை. அதேதான் 2011. ஆம். 2005ம் ஆண்டின் காலண்டர்தான் 2011க்கும் என்றால் யாரும் லேசில் நம்பி விட மாட்டார்கள். ஆனால், நாள், மணி, நிமிடம், நொடி அடிப்படையில் இரண்டுக்கும் வித்தியாசமே கிடையாது என்று உஜ்ஜைன் நகரைச் சேர்ந்த ஜீவஜி கால நிர்ணய அமைப்பின் இயக்குனர் ராஜேந்திர பிரகாஷ் குப்தா கூறுகிறார்.

உதாரணத்துக்கு புத்தாண்டு பிறக்கும் சனிக்கிழமைதான் 2005ம் ஆண்டிலும் புத்தாண்டு தினம். 2011, 2005 இரண்டிலும் ஜனவரி 26 புதன்கிழமை. ஆகஸ்ட் 15 திங்கட்கிழமை. வழக்கமாக வாரத்துக்கு ஏழு நாட்கள் என்ற அடிப்படையில் 7 ஆண்டுக்கு ஒருமுறை இப்படி வரும் என நினைக்கலாம்.

ஆனால், இடையே பிப்ரவரியில் லீப் வருடம், சர்வதேச நேர மாற்றம் ஆகியவற்றால் அது துல்லியமாக 7 ஆண்டுகளுக்கு ஒருமுறை அமையாது. அதற்கு மேல் ஆகும். ஆனால், முதல்முறையாக 6 ஆண்டுகள் என்ற குறைந்த காலத்தில் 2005ஐ போலவே 2011 அமைந்திருக்கிறது என்கிறார் அவர். இதற்கு முன் 1966,77,83,95 ஆகியவையும் ஒரே மாதிரி அமைந்தன. இன்னும் 11 ஆண்டுகள் கழித்து 2022ம் 2011ம் ஒரே மாதிரியாக இருக்கப் போகின்றன.

நன்றி : தினகரன்