திருமலையில் பக்தர்கள் கூட்டம் உண்டியலில் கூடுதல் காணிக்கை

by **krishnaamma** Thu Dec 30, 2010 11:56 am

நகரி : திருப்பதி வெங்கடேச பெருமாளை தரிசிக்க, வார நாட்களிலும்
ஆயிரக்கணக்கான பக்தர்கள் திருமலைக்கு வந்தவண்ணம் உள்ளனர். சில மாதங்களுக்கு
முன்பு பக்தர்களின் கோரிக்கைப்படி செவ்வாய், புதன் ஆகிய இரு நாட்களில்
திருமலையில் வெங்கடேச பெருமாளை அருகில் இருந்தபடி தரிசிக்கும் முறை
அமல்படுத்தப்பட்டது. திருமலையில் பக்தர் கூட்டம் அதிகம் இருந்தாலும், இந்த
இரு தினங்களிலும் (துவார பாலகர் வாசற்படி அருகில் இருந்தபடி) தொலை தூர
தரிசனம் ரத்து செய்யப்பட்டுள்ளது. இதனால் வெள்ளி, சனி, ஞாயிறு ஆகிய
நாட்களில் திருமலைக்கு வந்து கூட்ட நெரிசலினால் நிம்மதியுடன் சுவாமி
தரிசனம் செய்ய இயலாது என நினைக்கும் பக்தர்கள், அதற்கு பதிலாக
செவ்வாய்,புதன் கிழமைகளில் திருமலைக்கு வருகின்றனர். மேலும், தங்கும்
விடுதி வசதியும் சுலபமாக கிடைக்கிறது. புதன் கிழமை நள்ளிரவு வரை சுவாமி
தரிசனத்திற்காக வரும் பக்தர்கள் வைகுண்டம் கியூ காம்ப்ளக்சிற்குள்
சென்றுவிட்டால், மறுநாளும் கோவிலில் சுவாமி தரிசனம் செய்யும் வசதி ஏற்பாடு
செய்யப்படும். இந்த அறிவிப்பால் செவ்வாய், புதன் இரு நாட்களிலும்
திருமலைக்கு வரும் பக்தர்களின் எண்ணிக்கை தொடர்ந்து அதிகரித்து வருகிறது.
இந்த நாட்களில், 300 ரூபாய் சிறப்பு நுழைவு தரிசன டிக்கெட் மூலம் தரிசனம்
செய்யும் பக்தர்களின் எண்ணிக்கையும், 60 ஆயிரத்தை தாண்டுகிறது. இந்த
நடைமுறை அமல்படுத்தப்பட்ட பின்னர் செவ்வாய், புதன், வியாழன் ஆகிய மூன்று
தினங்களிலும், சராசரியாக நாள் ஒன்றுக்கு 60 ஆயிரம் பக்தர்கள் வரை சுவாமி
தரிசனம் செய்கின்றனர். அருகிலிருந்தபடி தரிசிக்கும் நடைமுறை திட்டத்தால்,
திருமலையில் எந்த நேரமும் பக்தர் கூட்டத்தை காண முடிகிறது. கோவில்
உண்டியலில், பக்தர்கள் செலுத்திய காணிக்கை மூலம் ஞாயிறு அன்று ஒரு கோடியே
92 லட்ச ரூபாயும், திங்களன்று ஒருநாள் வசூலாக 2 கோடியே 76 லட்ச ரூபாயும்
வசூலானதாக தேவஸ்தான அதிகாரிகள் தெரிவித்தனர்.

by **krishnaamma** Thu Dec 30, 2010 11:59 am

வெங்கட ரமணா, கோவிந்தா , கோ ...விந்தா !

திருமலையில் பக்தர்கள் கூட்டம் உண்டியலில் கூடுதல் காணிக்கை Large155823

by கார்த்திக் Thu Dec 30, 2010 12:06 pm

கோடியில் புரளுகிறதா திருப்பதி வெங்கடேச பெருமாள் சோகம்

by **krishnaamma** Thu Dec 30, 2010 12:11 pm

அவருக்கு என்ன குறைச்சல் கார்த்திக் புன்னகை

by கார்த்திக் Thu Dec 30, 2010 12:19 pm

krishnaamma wrote:அவருக்கு என்ன குறைச்சல் கார்த்திக்

அவருக்கு என்னா குறைச்சல் .... குறை எல்லாம் நமக்குத்தான் ...

ஊருக்கு பக்கத்தில் ஒரு பெருமாள் கோவில் இருக்கு ....
அந்த கோவிலில் இருக்கும் பெருமாள்தான் இங்கும் இருக்காரு இவரை யாருமே கண்டுகொள்வதில்லை ... சோகம்

ஏன் இந்த நிலை ..

by **krishnaamma** Thu Dec 30, 2010 12:27 pm

பொதுவாக அவ்வாறு ரொம்ப பிரசித்தமாக உள்ள கோவில்க ளுக்கு சுற்று வட்டாரத்தில் சில பல சித்த புருஷர்கள் இருப்பார்கள் என் சொல்வார்கள் பெரியவர்கள் . அது தான் காரணமாக இருக்கும். என்றாலும் இது போல் நசிந்துள்ள கோவில்களை அவர்கள் என் தத்து எடுத்துக்கொள்ளக் கூடாது என் யோசிப்பேன். அதே போல் புதுசு புதுசாக கோவில் கட்டுவதற்க்கு பதில் பழய கோவில்களை ஏன்
புனர் உததாரணம் செய்யக்கூடாது என்பது என் தாழ்மயான கேள்வி.

by கார்த்திக் Thu Dec 30, 2010 12:30 pm

krishnaamma wrote:பொதுவாக அவ்வாறு ரொம்ப பிரசித்தமாக உள்ள கோவில்க ளுக்கு சுற்று வட்டாரத்தில் சில பல சித்த புருஷர்கள் இருப்பார்கள் என் சொல்வார்கள் பெரியவர்கள் . அது தான் காரணமாக இருக்கும். என்றாலும் இது போல் நசிந்துள்ள கோவில்களை அவர்கள் என் தத்து எடுத்துக்கொள்ளக் கூடாது என் யோசிப்பேன். அதே போல் புதுசு புதுசாக கோவில் கட்டுவதற்க்கு பதில் பழய கோவில்களை ஏன்
புனர் உததாரணம் செய்யக்கூடாது என்பது என் தாழ்மயான கேள்வி.

அவர் இருந்திருந்தால் இப்படி நடக்காது ...