புலிகளுடன் யுத்த நிறுத்தம் செய்ததற்கான காரணம் என்ன? -நல்லிணக்க ஆணைக்குழு

நிசாந்தன் · நிசாந்தன் Tue 28 Dec 2010 - 18:00

விடுதலைப்புலிகளுடன் கடந்த 2002 ஆம் ஆண்டு ஆட்சியில் இருந்த ரணில் அரசு யுத்த நிறுத்தம் மேற்கொண்டதற்கானகாரணங்களை விளக்கவேண்டுமென்று மஹிந்த அமைத்துள்ள நல்லிணக்க ஆணைக்குழு கேட்டுள்ளது. இதுகுறித்துரணில் விக்கிரமசிங்கவைத் தொலைபேசி மூலம் தொடர்பு கொண்ட ஆணைக்குழுத் தலைவர் எஸ்.வி அத்துகொட, விசாரணைக்கு வசதியான நேரத்தை ஒதுக்கீடு செய்யுமாறும் ரணிலைக் கேட்டுள்ளதாகவும் தெரியவருகிறது.

இது தொடர்பாக கொழும்பு ஆங்கில ஊடகம் ஒன்றுக்கு கருத்து வெளியிட்ட ரணில் விக்கிரமசிங்க, நாடாளுமன்றத்துக்குமட்டுமே பதிலளிக்க வேண்டிய கடமைப்பாட்டை தான் கொண்டிருப்பதாகவும் ஆனால் ஆணைக்குழு முன்பாக தான்ஆஜராகி சாட்சியமளிக்க வேண்டுமாயின் அது தொடர்பாக ஆணைக்குழுவின் தலைவர் அல்லது உறுப்பினர்களே தனக்குஅழைப்பு விடுக்க வேண்டும் எனவும் தெரிவித்தார்.

எனவே இதுகுறித்த விசாரணைக்கு வருமாறு நல்லிணக்க ஆணைக்குழுவானது எழுத்துமூலமான உத்தியோக பூர்வ அழைப்பை அடுத்த வாரமளவில் விடுக்கும் என எதிர்பார்க்கப்படுகின்றது. எனவே நோர்வே அனுசரணையுடன் மேற்படியுத்த நிறுத்தத்தைக் கொண்டுவரும் ஒப்பந்தத்தில் கையெழுத்து இடுவதற்கு என்னென்ன பின்னணிகள் இருந்தனஎன்பதை விசாரணையின்போது ரணில் விளக்க வேண்டி வரும்.

2002 பெப்ரவரி 21 ஆம் திகதி முதல் நடைமுறையில் உள்ள போர் நிறுத்த உடன்படிக்கை முறிவடைவதற்கு காரணமாகஇருந்த சூழ்நிலைகளையும் அதனைத் தொடர்ந்து 2009 மே19 ஆம் திகதி வரையில் இடம் பெற் சம்பவங்களையும்ஆராய்வதற்காகவே மஹிந்தவால் இவ்வாணைக்குழு நியமிக்கப்பட்டுள்ளது.

புலிகளுடன் யுத்த நிறுத்தம் செய்ததற்கான காரணம் என்ன? -நல்லிணக்க ஆணைக்குழு

புலிகளுடன் யுத்த நிறுத்தம் செய்ததற்கான காரணம் என்ன? -நல்லிணக்க ஆணைக்குழு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக