தற்கொலைக்குறிப்பு

amjadfha · amjadfha Wed Aug 19, 2009 5:03 pm

நீண்டதோர் இரவின்
திடுக்கிடும் கணப்பொழுதில்
சடுதியாய் முடிவெடுத்தேன் செத்துப்போவதென.....!

சாகும் மூலங்கள் பற்றி
சிந்திக்க நேரமில்லை..
விடிந்தபின்னால்
தற்கொலை சாத்தியமில்லை

இதோ..
இப்போதே..
சாக வேண்டும்
வாழ்வின் கடைசி நுனிவரை
தித்திப்பேயில்லை என்றானபின்
வாழ்ந்தென்ன...! வீழ்ந்தென்ன..!

தூக்கமாத்திரைகள்..!?
வேண்டாம்
சிலவேளை உயிர்பிழைத்துவிடுவேன்..

தூக்குக்கயிறு..!?
ஐயோ...
துடிதுடித்துப்போவேன்..

தீக்குளிக்கலாமா..!?
ம்ஹீம்..
கர்ணகொடூரம்..

தண்டவாளம்..!?
எங்களுரில் எந்த நேரம் ரயில் வருமோ..
யாருக்கும் தெரியாது..

நஞ்சு..!?
தினந்தோறும் மனைவி கையால்
அதைத்தானே சாப்பிடுகிறேன்..

முடிவெடுக்கத்தெரிந்த எனக்கு
முயற்சிக்கத்துணிவில்லை..
தீமைகள் வழியும் உலகில்
கண்மூடி வாழவும் சம்மதமில்லை..

துயர்துடைக்கும் வழிமூலம்
சாவதொன்றே என்றால்
எல்லோரும் இங்கு சடலங்களே...

நான் மட்டும் சாவதனால்
தழைத்தோங்குமா சமுதாயம்..?
சிந்திக்கிறேன்..
சிந்திக்கிறேன்..
இன்னுமின்னும்
சிந்திக்கிறேன்..

நீண்டதோர் இரவின்
விடிதலுக்குப்பின்னராய்
தாமதமாய்ப்புரிந்து கொண்டேன்..
தற்கொலை அத்துணை எளிதில்லை என்பதை...!

jd · jd Wed Aug 19, 2009 6:06 pm

nice brother
good

kirupairajah · kirupairajah Wed Aug 19, 2009 7:40 pm

http://groups.google.com/group/anbudan/browse_thread/thread/08a592627ac4fe7a/85dff88f7ebd5cc9?lnk=raot

**சிவா** · **சிவா** Wed Aug 19, 2009 11:07 pm

kirupairajah wrote:http://groups.google.com/group/anbudan/browse_thread/thread/08a592627ac4fe7a/85dff88f7ebd5cc9?lnk=raot

amjadfha · amjadfha Fri Aug 21, 2009 5:05 pm

அது எனது சொந்தக் கவிதை.......ஷிப்லி எனது சகோதரர்.... எனக்கு அவற்றை
இணையத்தில் பிரசுரிக்க நேரம் அப்போது கிட்டாததால் அவரிடம் பொறுப்புக்
கொடுத்தேன்.....அவரும் ஒரு கவிஞர் என்பதால் அதை அவரின் பெயரில்
பிரசுரிக்குமாறும் வேண்டினேன்.... இவ்வளவுதான் நடந்தது.....

தாங்கள் வேண்டுமானால் ஷிப்லியை தொடர்பு கொள்ளலாம்....

அவசியமில்லை..... இதற்கு தாங்கள் விதிமுறைகள் இணங்காதவிடத்து என்னைப் போட்டியிலிருந்து நீக்குமாறு தாழ்மையுடன் வேண்டுகிறேன்...

எனது பதிவுகள் தொடரும்...

நன்றி.