25 நாளாக 120 அடியில் நீடிக்கும் மேட்டூர் அணை நீர்மட்டம்

by **krishnaamma** Mon Dec 27, 2010 8:23 pm

மேட்டூர்: மேட்டூர் அணை டிச., 2ம் தேதி நிரம்பிய நிலையில், தொடர்ந்து 25 நாளாக நீர்மட்டம் 120 அடியில் நீடிக்கிறது. காவிரி நீர்பிடிப்பு பகுதியில் வடகிழக்கு பருவமழை தீவிரம் அடைந்ததால் மேட்டூர் அணை டிச.,2ம் தேதி, மொத்த நீர்மட்டமான 120 அடியை எட்டியது. அதேநேரம் டெல்டா மாவட்டங்களிலும் பருவமழை நீடித்ததால் மேட்டூர் அணை டெல்டா நீர்திறப்பு நவ.,21ம் தேதியுடன் நிறுத்தப்பட்டது. எனவே, அணை நிரம்பி பின்னர் உபரி நீர் காவிரியில் திறக்கப்பட்டது. தொடர் நீர்வரத்தால் 25 நாட்களாக அணை 120 அடியில் நீடிக்கிறது. கடந்த 25 நாளில் அணையில் இருந்து 11.800 டி.எம்.சி., உபரி நீர் காவிரியில் வெளியேற்றப்பட்டுள்ளது. இன்று நீர்மட்டம் 120.050 அடியாகவும், நீர் இருப்பு 93.550 டி.எம்.சி.,யாகவும் இருந்தது. விநாடிக்கு 3,085 கனஅடி நீர்வந்தது.